JEREMIAH 15:19 - Edisana ñwed Abasi Ibom

¹⁹ Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

JEREMIAH 15:19 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

EXODUS 4:12

Nte idige ami Jehovah? Ka ndien, ami nyenyuŋ ndu ye inua fo, nnyuŋ nteme fi se afo edidɔhɔde.

MME ŊKE 22:29

Nte afo okut owo eke ɔsɔpde ubɔk ke utom esie? Enye eyeda ke iso mbɔŋ: ididaha ke iso mbukpo owo.

JEREMIAH 1:9

Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 35:19

mmɔdo ntem ke Jehovah mme udim Abasi Israel ɔdɔhɔ, ete, Owo Jonadab eyen Rechab iditreke ndida ke iso mi kpukpru ini.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

JEREMIAH 6:29

Ibit utim asak, ŋket omosobo ke ikaŋ; anditara atara ikpikpu: koro mmɔ midianakede mme idiɔk owo ifep.

ŊWED ESEME 1:11

Kpukpru ikɔt esie eseme eyom uyo; mmɔ enɔ ŋkpɔ-uto mmɔ ke udia, man edemere ukpɔŋ mmɔ: O Jehovah, se nyuŋ tiŋ enyin: koro ŋkabarede oburobut.

EZEKIEL 2:7

Nyuŋ tiŋ ikɔ emi nɔ mmɔ, ke mmɔ ekopde, ye ke etrede ndikop: koro mmɔ edide mbon nsɔŋ-ibuot.

EZEKIEL 22:26

Mme oku esie emebiat mbet mi, enyuŋ esabare ndisana ŋkpɔ mi: mmɔ idianakede ŋkpɔ Abasi ye ŋkpɔ owo inim isio; inyuŋ idiɔŋɔke se idehede ye se isanade; mmɔ enyuŋ ebɔp enyin mmɔ ebaŋa mme sabbath mi; ami nnyuŋ ntie nte ŋkpɔ ndek ke otu mmɔ.

EZEKIEL 44:23

Yak mmɔ enyuŋ etim esian ikɔt mi ŋkpɔ Abasi ye ŋkpɔ owo, enyuŋ eteme mmɔ ediɔŋɔ se idehede dehe, ye se isanade sana.

LEVITICUS 10:10

man enyuŋ edianare eti ye idiɔk, ye se idehede ke se isanade;

LEVITICUS 14:57

ye eke afia ŋkem; man eteme owo ini eke enye edehede, ye ini eke enye asanade: ewuhɔ akpa-mfia edi emi.

JONAH 3:2

ka ke Nineveh akamba obio oro, nyuŋ kwɔrɔ uyo oro ami ŋkɔdɔhɔde fi baŋa enye.

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

LUKE 1:19

Ndien angel ɔbɔrɔ enye ete, Ami ndi Gabriel, emi ndade ke iso Abasi; ekenyuŋ edɔŋ mi ete ntiŋ nnɔ fi, nnyuŋ mbuk eti mbuk emi nnɔ fi.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

LUKE 12:12

koro kpa ke idaha oro Edisana Spirit eyeteme mbufo se mbufo enyenede nditiŋ.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

LUKE 21:36

Edi mbufo etaba idap kpukpru ini, enyuŋ ekpe ubɔk, man mbufo ekpekeme ndibɔhɔ kpukpru ŋkpɔ oro ediwɔrɔde, nnyuŋ nda ke iso Eyen Owo.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

ŊWED MBON GALATIA 2:5

edi nnyin inyimeke uyo mmɔ, inyuŋ isukke ibuot inɔ mmɔ baba esisit, man akpanikɔ gospel osuk odu ye mbufo.

MME HEBREW 5:14

Edi ɔkpɔsɔŋ udia enyene mmɔ emi ema ekokoŋ ewɔrɔ idaha, kpa mmɔ emi otode ke nnam-mehe mmɔ ema ekɔ ifiɔk ndidiɔŋɔ se ifɔnde ye se idiɔkde.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;