JEREMIAH 14:7 - Edisana ñwed Abasi Ibom

⁷ Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 14:7 ပူးပေါင်းရင်းမြစ်များ

EZRA 9:15

O Jehovah Abasi Israel, afo emenen: koro nnyin emi ibɔhɔde imesuhɔ, nte edide mfin emi: sese, nnyin imedu ke iso fo ke isop nnyin: koro ŋkpɔ emi miyakke baba owo kiet ekeme ndida fi ke iso.

ŊWED MME PSALM 115:1

KUNƆ nnyin, O Jehovah, kunɔ nnyin, edi nɔ enyiŋ fo ubɔŋ, baŋa ima fo ye akpanikɔ fo.

ŊWED MME PSALM 25:11

Dahado ntem ke ndudue mi koro okponde, baŋa enyiŋ fo, O Jehovah.

ŊWED MME PSALM 79:9

O Abasi erinyaŋa nnyin, bɔ nnyin ubɔk, baŋa ubɔŋ enyiŋ fo: nyuŋ babare nnyin, nyuŋ dahado ke mme idiɔk ido nnyin, baŋa enyiŋ fo.

ISAIAH 48:11

Nyenam mbaŋa idem mi, kpa idem mi: koro edinam didie esabare enyiŋ mi? Ndinyuŋ ndaha ubɔŋ mi nnɔ owo efen.

ISAIAH 59:12

Koro mme idiɔk ido nnyin ewakde ke iso fo, mme ukwaŋ-ŋkpɔ nnyin enyuŋ ebɔrɔ ebaŋa nnyin: koro mme idiɔk ido nnyin edude ye nnyin; ndien ama edi mme ukwaŋ-ŋkpɔ nnyin imɔfiɔk mmɔ.

JEREMIAH 10:19

Ɔdɔdiɔk ye ami abaŋa unan mi! ufen abiak mi: edi ami ŋkɔdɔhɔ, nte, Emi edi ubiak ke akpan, ndien mmenyene ndiyɔ enye.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 3:25

Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

JEREMIAH 3:6

Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

JEREMIAH 5:25

Mme idiɔk ido mbufo emekabare ŋkpɔ emi efep, mme ukwaŋkpɔ mbufo inyuŋ iyakke mbufo ekut eti ŋkpɔ emi.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

EZEKIEL 20:14

Ndien nnam ntre mbaŋa enyiŋ mi, man ekusabare enye ke enyin mme idut emi ŋkosiode mmɔ ke esit ke enyin mmɔ.

EZEKIEL 20:22

Ndien ŋkabare ubɔk mi nnyuŋ nnam ntre mbaŋa enyiŋ mi, man ekusabare enye ke enyin mme idut, emi ŋkosioŋode ke enyin mmɔ mfep.

EZEKIEL 20:9

Ndien ŋkanam ntre mbaŋa enyiŋ mi, man ekusabare mi ke enyin mme idut emi mmɔ edude ke otu mmɔ, emi ŋwutde mmɔ idem mi ke iso mmɔ, man nsio mmɔ ke isɔŋ Egypt mfep.

HOSEA 5:5

Ndien iseri Israel etiŋ abaŋa enye ke iso esie: Israel ye Ephraim ŋko eyeduɔŋɔ ke mme ukwaŋ-ŋkpɔ mmɔ; ndien Judah eyenyuŋ ɔduɔ ye mmɔ.

HOSEA 7:10

Iseri Israel onyuŋ etiŋ abaŋa enye ke iso esie: ndien mmɔ ifiakke itiene Jehovah Abasi mmɔ, ofuri ŋkpɔ emi inyuŋ isinke mmɔ eyom enye.

AMOS 7:2

Ndien edikem adaŋemi mmɔ ema eketa ofuri mbiet isɔŋ ema, ami ndɔhɔ, nte, Mbɔk, Ɔbɔŋ Jehovah, dahado: Jacob edinam didie adaha ada? koro enye emekpri.

MICAH 7:9

Nyeyɔ ifuresit Jehovah, koro nduede enye: tutu enye edibiere ikɔ mi, onyuŋ ekpe ikpe mi: enye eyesio mi onim ke uŋwana: nyekut edinen ido esie.

ŊWED MBON EPHESUS 1:12

man nnyin, emi ikebemde iso idori enyin ke Christ, ikpakabare inɔ ubɔŋ Esie itoro.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

DEUTERONOMY 32:27

ke mmeŋkpefeheke iyaresit mbon usua, mbak mme andikɔbɔ mmɔ ekpedue, mbak mmɔ ekpedɔhɔ ete, Ubɔk nnyin okokoŋ, inyuŋ idige Jehovah akanam kpukpru ŋkpɔ emi.

JOSHUA 7:9

Mme Canaanite ye kpukpru mme andiduŋ isɔŋ emi, eyenyuŋ ekop, enyuŋ ekan nnyin ekuk, enyuŋ esibe enyiŋ nnyin ke isɔŋ efep: ndien afo edinam didie ye akwa enyiŋ fo?