JEREMIAH 14:3 - Edisana ñwed Abasi Ibom

³ Ndien mbɔŋ mmɔ edɔŋ nditɔwɔŋ mmɔ mmɔŋ; mmɔ esim obube, ikwe mmɔŋ; efiak ye ukpɔk abaŋ mmɔ ke ubɔk; but ye esuene enam mmɔ, ndien mmɔ efuk ibuot mmɔ.

JEREMIAH 14:3 ပူးပေါင်းရင်းမြစ်များ

2 SAMUEL 15:30

Ekem David ɔdɔk ke obot Olive, ɔdɔk, atuak eyet, onyuŋ ɔfuhɔ ŋkpɔ ke ibuot esie, onyuŋ asaŋa ɔfiɔn ikpat; ndien kpukpru owo eke edude ye enye enyuŋ efuhɔ ibuot mmɔ; mmɔ enyuŋ edɔk, etua eyet ŋko.

2 SAMUEL 19:4

Edi edidem ɔfuhɔ ŋkpɔ ke iso esie, edidem onyuŋ eseme ke ɔkpɔsɔŋ uyo, ete, O eyen mi Absalom! O Absalom, eyen mi, eyen mi!

1 NDIDEM 17:7

Edikem ke utit mme usen oro mmɔŋ ke idim asat ama, koro edim mikoduhe ke edem oro.

2 NDIDEM 18:31

Ekukop uyo Hezekiah: koro ntem ke edidem Assyria ɔdɔhɔ, ete, Mbufo enam emem ye ami, enyuŋ ewɔŋɔ etiene mi, ndien kpukpru owo edia vine mmɔ, ye fig mmɔ, kpukpru owo enyuŋ eŋwɔŋ mmɔŋ ke obube mmɔ:

ESTHER 6:12

Ekem Mordecai afiak ke inua-otop edidem. Edi Haman awara aka ke ufɔk esie, atua, onyuŋ ɔfuhɔ ŋkpɔ ke ibuot esie.

ŊWED JOB 6:20

But anam mmɔ, koro mmɔ ekebuɔtde idem: mmɔ edisim do, ndien ekut but.

ŊWED MME PSALM 109:29

Esuene eyesine mme asua mi ke idem, mmɔ eyenyuŋ eda but mmɔ nte ekura, efuk idem.

ŊWED MME PSALM 40:14

But ye esuene eyenam mmɔ eke eyomde ukpɔŋ mi man esobo enye; mmɔ eke esit adatde mmɔ ke se idiɔkde ye ami, eyefiak edem, enyuŋ ekut but.

JEREMIAH 14:4

Koro isɔŋ asiahade, koro edim miduhe ke isɔŋ, but anam mbon iŋwaŋ, mmɔ efuk ibuot mmɔ.

JEREMIAH 15:18

Nsinam ubiak mi ebigide ke nsinsi? Nsinam unan ɔdiɔkde mi ntem, minyimeke ndikpa? Nte afo ɔmɔŋ etie ye ami nte osu-nsu, ye nte mmɔŋ eke asatde.

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:37

Afo eyenyuŋ ɔwɔrɔ ke esit ŋko, ubɔk fo eyenyuŋ odoro fi ke ibuot: koro Jehovah emesin ŋkpɔ mbuɔt-idem fo, ndien afo udukwe unen ke esit.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

ŊWED ESEME 4:4

Nsat-itɔŋ anam edeme eyen nsek adiana enye ke nsiŋ: nditɔ-ɔwɔŋ eyom uyo; owo eke obuŋde ɔnɔ mmɔ iduhe.

HOSEA 2:3

nnyuŋ nnim enye nte usen emi enye akamanade, nnyuŋ nnim enye ke wilderness, nnyuŋ nsin enye edi edisat isɔŋ, nnyuŋ ŋwot enye ke nsat-itɔŋ.

JOEL 1:20

Ndien itɔŋ fo ɔdɔŋ mme unam ikɔt: koro mme udiɔŋ mmɔŋ esatde, ikaŋ onyuŋ ata mbiet wilderness.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

AMOS 4:8

Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

ZECHARIAH 14:17

Ndien ama ekem owo ekededi eke midinyimeke ndito ke mme ubon ererimbot ndɔk ke Jerusalem ndituak ibuot nnɔ edi-dem, kpa Jehovah mme udim, baba edim ididepke mmɔ ke idem.