JEREMIAH 14:22 - Edisana ñwed Abasi Ibom

²² Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JEREMIAH 14:22 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

1 NDIDEM 17:14

Koro ntem ke Jehovah Abasi Israel ɔdɔhɔ ete, Ndom-uyo oro idikureke ke abaŋ, aran ke ekpeme idinyuŋ itreke, tutu osim usen emi Jehovah edinɔde edim ke iso isɔŋ,

1 NDIDEM 18:1

EDIKEM ediwak usen ema ekebe, ndien uyo Jehovah osim Elijah ke ɔyɔhɔ isua ita, ete, Ka kowut Ahab idemfo; ndien nyenam edim edep ke iso isɔŋ.

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

ŊWED JOB 28:26

Ke ini owukde ewuhɔ ɔnɔ edim; ye usuŋ obuma ke enyɔŋ atuakde:

ŊWED JOB 5:10

Emi anamde edim edep ke iso isɔŋ, onyuŋ ɔdɔŋde mmɔŋ, ete asaŋa ke iso iŋwaŋ:

ŊWED MME PSALM 130:5

Mbebet Jehovah, ukpɔŋ mi ke ebebet; ami nnyuŋ ndori enyin ke ikɔ esie.

ŊWED MME PSALM 135:7

Enye anam ntuhube adaha ke mme utit ererimbot ɔdɔk; anam obuma ɔnɔ edim; osio ofum ke ŋkpɔ-uto esie ada edi.

ŊWED MME PSALM 147:8

emi adade obubit enyɔŋ ofuk ikpa-enyɔŋ, emi ɔkɔde edim ɔnɔ isɔŋ, emi anamde obot etibe mbiet.

ŊWED MME PSALM 25:21

Mfɔn-mma ye eti ido eyekpeme mi; koro ntiede mbet fi.

ŊWED MME PSALM 25:3

Kuyak baba owo mmɔ kiet eke ebetde fi okut but: nam mmɔ eke ebiaŋade ke ikpikpu ekut but.

ŊWED MME PSALM 27:14

Bet Jehovah: sɔŋ idem, ndien enye eyesɔŋ fi esit: tim bet Jehovah.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

ISAIAH 41:29

Sese, kpukpru mmɔ edi ikpikpu; utom mmɔ onyuŋ edi se miduhe du: nditara mbiet mmɔ edi ofum ye ikpikpu.

JEREMIAH 10:12

Enye akanam isɔŋ ke odudu esie, ada ifiɔk esie owuk ererimbot ke itie esie, onyuŋ eneŋere ikpa-enyɔŋ ke asian esie.

JEREMIAH 10:13

Uyo esie ke ini enye osiorode enye anam ediwak mmɔŋ odu ke ikpa-enyɔŋ, enye anam mbubit enyɔŋ oto ke utit isɔŋ ɔdɔk, anam obuma ɔnɔ edim, onyuŋ osio ofum ke ebiet unim-ŋkpɔ esie.

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

JEREMIAH 10:3

Koro mme ewuhɔ mme idut edide oburobut: koro edide eto, owo ekpi enye osio ke akai, utom ubɔk owo usɔ ye ekuri.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

JEREMIAH 51:16

Ke ini enye osiorode uyo esie uwak mmɔŋ odu ke enyɔŋ: enye onyuŋ anam uye oto ke utit ererimbot ɔdɔk: anam obuma ye edim, onyuŋ osio ofum ke ebiet unim ŋkpɔ esie.

HOSEA 2:7

Ndien enye eyebine mmɔ eke emade enye, edi idisimke mmɔ; eyenyuŋ oyom mmɔ, edi idikwe. Ndien enye eyedɔhɔ, ete, Nyefiak ntiene akpa ebe mi: koro ɔkɔfɔnde ye ami ini oro akan emi.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

MICAH 5:6

ndien mmɔ eyedia isɔŋ Assyria ke ofut, ye isɔŋ Nimrod ke inua-otop esie: ndien enye eyenyaŋa nnyin osio Assyria ke ubɔk ke adaŋemi enye odukde ke isɔŋ nnyin, ke enye onyuŋ edigide ŋkpɔ ke esit adaŋa nnyin.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

DEUTERONOMY 28:12

Jehovah eyesio usuŋ ebiet unim nti ŋkpɔ esie ɔnɔ fi, eke enyɔŋ, ndinɔ isɔŋ fo edim ke ekem ini, nnyuŋ ndiɔŋ kpukpru se ubɔk fo anamde: ndien afo eyenɔ ediwak mme idut ebuɔt, edi mmɔ idibuɔtke fi.

DEUTERONOMY 32:21

Mmɔ ema eda se midige Abasi esin mi mfibe ufup; ema eda mbukpo ŋkpɔ mmɔ eyat mi esit: ami ŋko nyeda se midige idut nsin mmɔ efibe ufup; nyeda ndisime obio nyat mmɔ esit.