JEREMIAH 14:18 - Edisana ñwed Abasi Ibom

¹⁸ Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 14:18 ပူးပေါင်းရင်းမြစ်များ

ISAIAH 22:2

Ɔyɔhɔ-ntime, ama-iwok obio, obio mbre: idige ke ofut ke ekewot nditɔ fo emi ewotde, mmɔ inyuŋ ikpaŋake ke ekɔŋ.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 23:21

Ami ŋkɔdɔŋke mme prophet oro utom, ndien mmɔ efeŋe, ŋkɔdɔhɔke ye mmɔ, ndien mmɔ etiŋ prophecy.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

JEREMIAH 6:25

Kuwɔrɔ uka iŋwaŋ, kunyuŋ usaŋa ke usuŋ: koro mme asua ekamade ofut: ndik akan okuk.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

ŊWED ESEME 2:19

Daha ke enyɔŋ tua ke okoneyo ke eritɔŋɔ efen, ŋwaŋade esit fo nte mmɔŋ ke iso Ɔbɔŋ: menere ubɔk fo nɔ enye baŋa ukpɔŋ nditɔ ɔwɔŋ fo, emi eduɔŋɔde mba ke biɔŋ ke ibuot kpukpru mme efak.

ŊWED ESEME 4:9

Ɔfɔn ye mmɔ eke ofut owotde, akan mmɔ eke akaŋ owotde: koro mmɔ oro eyemerede, enyuŋ etie nte ekekim mmɔ, koro mbuŋwum iŋwaŋ miduhe.

EZEKIEL 7:15

Ofut odu ke esien, udɔŋɔ ye biɔŋ enyuŋ edu ke esit ufɔk: owo eke odude ke iŋwaŋ eyekpa ke ofut; biɔŋ ye idiɔk udɔŋɔ eyenyuŋ eta mmɔ eke edude ke obio.

AMOS 4:6

Jehovah ɔdɔhɔ, ete, Ami nnyuŋ nnɔ mbufo edisana edet ke kpukpru mme obio mbufo, ye unana uyo ke kpukpru mme ebiet mbufo: edi mbufo ifiakke edem itiene mi.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.