JEREMIAH 14:17 - Edisana ñwed Abasi Ibom

¹⁷ Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 14:17 ပူးပေါင်းရင်းမြစ်များ

2 NDIDEM 19:21

Ikɔ emi Jehovah ɔdɔhɔde abaŋa enye edi emi; Adiaha Zion eyenɔwɔŋ esin fi ke ndek, onyuŋ asak fi nsahi; adiaha Jerusalem enyeŋe ibuot ke edem fo.

ŊWED MME PSALM 119:136

koro mmɔ minimke ido fo.

ŊWED MME PSALM 39:10

Sio mi ufen fo ke idem fep: mmeyemere ke utɔk ubɔk fo.

ISAIAH 37:22

ikɔ emi ke Jehovah ɔdɔhɔ abaŋa enye ete, Adiaha Zion eyenɔwɔŋ esin fi ke ndek, onyuŋ asak fi nsahi; adiaha Jerusalem enyeŋe ibuot ke edem fo.

JEREMIAH 10:19

Ɔdɔdiɔk ye ami abaŋa unan mi! ufen abiak mi: edi ami ŋkɔdɔhɔ, nte, Emi edi ubiak ke akpan, ndien mmenyene ndiyɔ enye.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 18:13

Mmɔdo ntem ke Jehovah ɔdɔhɔ ete, Mbufo ebup ndien ke otu mme idut: Anie okokop oruk ŋkpɔ ntem? Eyen aŋwan Israel amanam ata ŋkpɔ ndik.

JEREMIAH 8:18

Inemesit emi odude mi ke idem edi mfuhɔ, esit etie mi udɔŋɔ-udɔŋɔ.

JEREMIAH 8:21

Mmowure mbaŋa ŋwure adiaha ikɔt mi: mmakabare mbire; mkpa-idem omomum mi akama.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 9:18

Ndien yak mmɔ ewara emen ntuaŋa ebaŋa nnyin, man mmɔŋeyet oto nnyin ke enyin ɔsuhɔre, man mmɔŋ onyuŋ oto nnyin ke mkpɔk-enyin ewet.

ŊWED ESEME 2:11

Mmɔŋeyet ekwehe mi enyin, nsia oyomo mi, esit mi ɔduɔhɔ ke isɔŋ abaŋa ŋwure adiaha oruk mi; koro eyenɔwɔŋ ye eyen nsek ɔduɔde mba ke aŋwan obio.

ŊWED ESEME 2:13

Ndidɔhɔ fi didie nte ntiense? Ndɔhɔ nte afo ebiet nso? Adiaha Jerusalem, ndida nso ndomo fi, man ndɔŋ fi esit, O adiaha Zion, eyenɔwɔŋ? koro ŋwure fo okponde nte inyaŋ; anie ekeme ndidiɔŋ fi?

ŊWED ESEME 2:18

Esit mmɔ eseme ɔnɔ Ɔbɔŋ, ete, O ibibene adiaha Zion, yak mmɔŋeyet ɔsuhɔde nte akpa ke uwemeyo ye ke okoneyo: kunɔ idem fo nduɔk-odudu; kuyak eyen enyin fo odop.

AMOS 5:2

Adiaha Israel ɔmɔduɔ, idinyuŋ idahake aba ke enyɔŋ: eduɔk enye ke isɔŋ esie; baba owo kiet eke emenerede enye ke enyɔŋ iduhe.

MICAH 6:13

Ami ŋko nyeyibi fi nnam ɔdɔŋɔ, nnyuŋ nsobo fi mbaŋa mme idiɔk ido fo.