JEREMIAH 14:16 - Edisana ñwed Abasi Ibom

¹⁶ Ndien ama edi mbio emi mmɔ etiŋde prophecy enɔ mmɔ, ofut ye akaŋ eyesin mmɔ eduɔŋɔ ke mme efak Jerusalem: ndien idikwe owo eke edibukde mmɔ, kpa mmɔ, ye iban mmɔ, ye nditɔ-iren mmɔ, ye nditɔ-iban mmɔ: ndien nyeda idiɔk ido mmɔ ŋwaŋa mmɔ ke idem.

JEREMIAH 14:16 ပူးပေါင်းရင်းမြစ်များ

MME ŊKE 1:31

Ndien mmɔ eyedia mfri usuŋ mmɔ; eyenyuŋ eyuhɔ ke uduak mmɔ.

ISAIAH 51:20

Idem akpa nditɔ fo: mmɔ ena ke ibuot kpukpru mme efak, ebiet enaŋ ikɔt ke iyire: eyuhɔ ifuresit Jehovah, nduari Abasi fo.

ISAIAH 9:16

Ndien mme mmɔ emi edade mbio emi usuŋ, esin mmɔ ediyo; ndien emesobo mmɔ emi mmɔ edade usuŋ.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 18:21

Da ndien nditɔwɔŋ mmɔ nɔ biɔŋ, nyuŋ men mmɔ sin ke ubɔk ofut; yak iban mmɔ ekabare edi mme anana nditɔ, ye mme ebe-akpa; yak mkpa onyuŋ owot irenowo mmɔ; yak ofut onyuŋ ekpeŋe mkparawa mmɔ ke ekɔŋ.

JEREMIAH 20:6

Ndien ama edi afo, Pashhur, ye kpukpru mme andiduŋ ufɔk fo, mbufo eyeka ke otu mbon ntaŋ-mfep; ndien afo eyesim Babylon, onyuŋ akpa do, onyuŋ ɔbuhɔ do, afo, ye kpukpru mme ufan fo emi afo etiŋde nsunsu o-prophecy ɔnɔ mmɔ.

JEREMIAH 27:15

Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

JEREMIAH 4:18

Usuŋ fo ye ido fo enam ŋkpɔ emi enɔ fi; emi oto ke idiɔk ido fo, koro enye ododoro, koro osimde fi ke esit.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

JEREMIAH 8:1

JEHOVAH ɔdɔhɔ ete, Ke ini oro mmɔ eyesioŋo mme ɔkpɔ ndidem Judah ye mme ɔkpɔ mbɔŋ mmɔ, ye mme ɔkpɔ mme oku, ye mme ɔkpɔ mme prophet, ye mme ɔkpɔ mme andiduŋ Jerusalem ke mme udi mmɔ efep:

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

JEREMIAH 9:20

Mbufo iban ekop ndien uyo Jehovah, yak utɔŋ mbufo enyuŋ ebɔ uyo inua esie, mbufo enyuŋ ekpep nditɔ-iban mbufo ntuaŋa, yak kpukpru iban enyuŋ ekpep mbɔhiduŋ mmɔ eseme.

JEREMIAH 9:22

Dɔhɔ ete, Ntem ke Jehovah ɔdɔhɔ, ete, Mme okpo owo emeduɔŋɔ nte ifum ke iso isɔŋ, ye nte ebek ibokpot ke edem owo eke ekpeŋede, ndien baba owo kiet eke ataŋde iduhe.

EZEKIEL 39:14

Ndien mmɔ eyebahare owo enim kpukpru ini, ete, esaŋa ke isɔŋ ebe, man ebuk mme asaŋa ke isɔŋ mbe, kpa mmɔ eke esuhɔde ke iso isɔŋ, man anam enye asana; ke utit ɔfiɔŋ itiaba mmɔ eduŋɔ.

AMOS 7:17

Mmɔdo ntem ke Jehovah ɔdɔhɔ, ete, Ŋwan fo eyedi akpara ke obio, nditɔ-iren fo ye nditɔ fo iban eyenyuŋ eduɔŋɔ ke ofut: ndien eyeda uruk edeme isɔŋ fo; afo eyenyuŋ akpa ke edidehe isɔŋ: eyenyuŋ etaŋ Israel ke idut mmɔ efep.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

ERIYARARE 16:1

EKEM ŋkop ɔkpɔsɔŋ uyo emi otode ke temple ɔdɔhɔ angel itiaba oro ete, Mbufo eka ekeŋwaŋa eso iyaresit Abasi itiaba oro eduɔk ke isɔŋ.