JEREMIAH 14:15 - Edisana ñwed Abasi Ibom

¹⁵ Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 14:15 ပူးပေါင်းရင်းမြစ်များ

1 NDIDEM 22:25

Ndien Micaiah ɔbɔrɔ ete, Sese, afo eyekut ke usen emi afo edidukde ke esit ubet okodibe.

JEREMIAH 20:6

Ndien ama edi afo, Pashhur, ye kpukpru mme andiduŋ ufɔk fo, mbufo eyeka ke otu mbon ntaŋ-mfep; ndien afo eyesim Babylon, onyuŋ akpa do, onyuŋ ɔbuhɔ do, afo, ye kpukpru mme ufan fo emi afo etiŋde nsunsu o-prophecy ɔnɔ mmɔ.

JEREMIAH 23:30

Jehovah ɔdɔhɔ ete, Mmɔdo, sese, ami mmɔŋ nnam ikɔ ye mme prophet, emi eyipde ikɔ mi kiet ye mbɔhiduŋ esie.

JEREMIAH 27:15

Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 8:13

Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

ŊWED ESEME 1:19

Ŋkokot mmɔ eke emade mi; edi mmɔ ebiaŋa mi: mme oku mi ye ebiowo mi ekpaŋa ke obio, ke ini mmɔ eyomde udia ke idem mmɔ, man edemere ukpɔŋ mmɔ.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

EZEKIEL 13:14

Ndien nyebiat ibibene emi mbufo eyetde ndom, nnyuŋ ŋwuri enye tutu osim isɔŋ, ndien nyeyarare ɔtɔ emi enye odorode ke esit, ndien enye eyeduɔ, mbufo eyenyuŋ etak ke esit: ndien mbufo eyefiɔk ete ke ami ndi Jehovah.

EZEKIEL 13:15

Ntem ke ndima ifuresit mi ke ibibene, ye ke idem mmɔ emi eyetde enye ndom, nnyuŋ ndɔhɔ mbufo, nte Ibibene iduhe, mmɔ emi eyetde enye ndom inyuŋ iduhe.

EZEKIEL 13:9

Ndien ubɔk mi eyedoro ke idem mme prophet eni ekutde nsu enyuŋ ebrede mfa abiaŋa: mmɔ ididuhe ke odu ikɔt mi, idinyuŋ iwetke mmɔ isin ke ŋwed ufɔk Israel, mmɔ idinyuŋ isimke isɔŋ Israel; ndien mbufo eyefiɔk ete ke ami ndi Ɔbɔŋ Jehovah.

EZEKIEL 14:10

Ndien mmɔ eyebiom ufen mmɔ; ufen prophet eyebiet ufen owo oro obupde.

EZEKIEL 14:9

Ndien edieke ebiaŋade prophet oro, ndien enye ɔdɔhɔ ikɔ: edi ami Jehovah ŋkabiaŋa prophet oro, ndien ami nyenyan ubɔk mi ntuk enye, nnyuŋ nsobo enye ke otu ikɔt mi Israel mfep.

EZEKIEL 33:6

Edi edieke andikpeme okutde ofut edide, ndien mifurike ukorowo, minyuŋ isianke mbio-obio; ndien ofut ama edi edida owo ke otu mmɔ efep, eda enye ke idiɔk ido esie efep; ndien nyebup iyip esie ke ubɔk andikpeme oro.

AMOS 7:17

Mmɔdo ntem ke Jehovah ɔdɔhɔ, ete, Ŋwan fo eyedi akpara ke obio, nditɔ-iren fo ye nditɔ fo iban eyenyuŋ eduɔŋɔ ke ofut: ndien eyeda uruk edeme isɔŋ fo; afo eyenyuŋ akpa ke edidehe isɔŋ: eyenyuŋ etaŋ Israel ke idut mmɔ efep.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

DEUTERONOMY 18:20

Edi ama edi prophet eke edisɔŋde ibuot ada ikɔ eke mmeŋketemeke enye nte ɔdɔhɔ, ɔdɔhɔ ke enyiŋ mi, ye eke ɔdɔhɔde ikɔ ke enyiŋ mme abasi efen, yak ewot kpa prophet oro.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.