JEREMIAH 13:27 - Edisana ñwed Abasi Ibom

²⁷ Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 13:27 ပူးပေါင်းရင်းမြစ်များ

ŊWED MME PSALM 94:4

Adaŋa didie ke kpukpru mme anam-idiɔk ediŋwaŋa enyuŋ etiŋ mkpɔsɔŋ ikɔ, edinyuŋ ebure mbure?

ŊWED MME PSALM 94:8

Mbufo, mbio ndutun ke otu mbio-obio, enim ibuot: ndien mbufo mbon ndisime, ini ewe ke mbufo ediwɔrɔ ɔniɔŋ?

MME ŊKE 1:22

Adaŋa didie ke mbufo mme ɔkɔi edima ɔkɔi? Nsahi edinyuŋ enem mbon nsahi, ndisime edinyuŋ esua ifiɔk?

ISAIAH 57:7

Afo omonim mkpana fo ke enyɔŋ edikoŋ ye akamba obot: omonyuŋ ɔdɔk do aka ndiwa uwa.

ISAIAH 65:7

koro mmɔ ekefɔpde ŋkpɔ ke enyɔŋ ikpɔ obot, enyuŋ esuenede mi ke enyɔŋ ŋkpri obot: mmɔdo ndidomode akpa utom mmɔ nsin mmɔ ke ikpanesit.

JEREMIAH 11:15

Edima ikɔt mi esaŋa nso ke ufɔk mi, eke mmɔ enamde oburobut ŋkpɔ emi ewakde ntem? Ndien edisana unam eyedaha ɔkpɔŋ fi: koro afo anamde idiɔk, ndien ebre mbre.

JEREMIAH 3:6

Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

EZEKIEL 16:23

Edikem ke afo ama akanam ofuri idiɔk ido fo (Osuk ɔdɔdiɔk ɔnɔ fi, edi uyo Ɔbɔŋ Jehovah);

EZEKIEL 2:10

ndien enye atat enye ke iso mi: ndien ewet enye ke esit ye ke edem: ewet eyet, ye utuaŋa, ye eseme esin enye ke esit.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 24:12

Enam utom ekpa mba, akwa mbukpeŋ esie inyimeke ndiwɔrɔ ke esit; mbukpeŋ esie eyedu ke ikaŋ.

EZEKIEL 24:13

Oburobut ido odu ke ndek fo: koro nnamde fi edi edisana, ndien afo usanake, idisioho aba fi ndek fo ke idem inam asana, tutu nda ifuresit mi ndori fi ke idem.

EZEKIEL 24:6

Mmɔdo ntem ke Ɔbɔŋ Jehovah ɔdɔhɔ ete, Osuk ɔdɔdiɔk ɔnɔ obio iyip, eso emi mbukpeŋ odude enye ke esit, emi mbukpeŋ esie minyuŋ inyimeke ndiwɔrɔ enye ke esit! Sio enye ke ubak ke ubak; mbufo ekusin afia ebaŋa enye.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 36:37

Ntem ke Ɔbɔŋ Jehovah ɔdɔhɔ ete, Eyesuk ebeŋe mi ŋkpɔ emi enɔ ufɔk Israel, ete nnam nnɔ mmɔ. Nyenam mmɔ ewak owo nte otu ufene.

EZEKIEL 6:13

Ndien mbufo eyefiɔk ete ke ami ndi Jehovah, ke adaŋemi owo mmɔ emi ekpaŋade enade ke ufɔt mme ibɔk mmɔ, ekan mme itie-uwa mmɔ ekuk, ke enyɔŋ kpukpru ŋkokoŋo obot, ke ibuot kpukpru ikpɔ obot, ye ke idak kpukpru awawa eto, ye ke idak kpukpru edibaŋ ofriyo, ebiet emi mmɔ ekefɔpde edinem incense do enɔ kpukpru mme ibɔk mmɔ.

HOSEA 1:2

Eritɔŋɔ ikɔ emi ke Jehovah akada Hosea etiŋ. Ndien Jehovah ɔdɔhɔ Hosea, ete, Ka kada ŋwan efibe ye nditɔ efibe ke idem fo: koro isɔŋ emi esinde ata efibe onyuŋ ɔkpɔŋde Jehovah.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?

ZEPHANIAH 3:1

ƆDIƆK ɔnɔ owo eke ɔsɔŋde ibuot onyuŋ edehede, obio utuk!

MATTHEW 11:21

Eyedɔdiɔk ɔnɔ fi Chorazin! Eyedɔdiɔk ɔnɔ fi Bethsaida! Koro edieke ekpekenamde ke Tyre ye Sidon mme utom odudu eke ekanamde ke esit mbufo, mmɔ ekpakabare esit anyan ini ke ɔfɔŋ-ikpo ye ntɔŋ-ukut.

2 ŊWED CORINTH 12:21

mbak ndusuk Abasi mi eyesuhɔre mi ke iso mbufo, ke ini ntɔŋɔde ntak ndi, ndien nyekop mfuhɔ mbaŋa ediwak owo emi ekeduede ke ini eke ebede, edi mituaha mkpɔfiɔk ikabare esit ikpɔŋ mbubiam ido ye use ye otime-otime ido eke mmɔ ekenamde.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

JAMES 4:4

Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

ERIYARARE 8:13

Ndien ŋkut, nnyuŋ ŋkop nte ntrukpom, eke efede ke ufɔt-iba enyɔŋ ɔdɔhɔ ke ɔkpɔsɔŋ uyo ete, Mbɔm, mbɔm, mbɔm ɔnɔ mme andiduŋ ke isɔŋ, ke ntak mme uyo ukorowo efen eke mme angel ita eken edifride.