JEREMIAH 13:19 - Edisana ñwed Abasi Ibom

¹⁹ Mme obio ke edem usuk emesire, baba owo kiet inyuŋ ikpɔhɔkede: emetaŋ ofuri Judah efep, etaŋ mmɔ efep ema.

JEREMIAH 13:19 ပူးပေါင်းရင်းမြစ်များ

2 NDIDEM 25:21

ndien edidem Babylon ɔtɔ mmɔ owot ke Riblah, ke idut Hamath: onyuŋ ataŋ Judah ke isɔŋ mmɔ efep.

1 CHRONICLES 9:1

NTEM ke ebat ofuri Israel esin ke ŋwed emana; ndien, sese, ewet mmɔ esin ke ŋwed ndidem Israel; ndien etaŋ Judah enyɔŋ ke Babylon ebaŋa mme idiɔk ido mmɔ.

ŊWED JOB 12:14

Sese enye owuri, ndien owo ikemeke ndidiɔŋ, enye ɔkɔbi owo abaha, ndien owo ikemede ndisana nyak.

JEREMIAH 17:26

Ndien mmɔ eyeto ke mme obio Judah, ye ke edem emi akande Jerusalem okuk, ye ke isɔŋ Benjamin, ye ke una-isɔŋ edem inyaŋ, ye ke obot iŋwaŋ, ye ke edem usuk-usuk, eda edifɔp uwa ye uwa emem, ye inuak-udia, ye frankincense, edi, eyenyuŋ eda uwa ekɔm edi ke ufɔk Jehovah.

JEREMIAH 20:4

Koro ntem ke Jehovah ɔdɔhɔ ete, Sese, ami mmɔŋ nnim fi ke ŋkpɔ ndik nnɔ idem fo, ye kpukpru mme ufan fo; ndien mmɔ eyekpaŋa ke ofut mme usua mmɔ, enyin fo eyenyuŋ ekut; nyenyuŋ nda ofuri Judah nsin ke ubɔk edidem Babylon; ndien enye eyetaŋ mmɔ ɔnyɔŋ ke Babylon, onyuŋ owot mmɔ ke ofut.

JEREMIAH 24:1

JEHOVAH okowut mi ŋkpɔ, ndien, sese, akpasa fig iba ke ediɔhɔ ke iso temple Jehovah, ke adaŋemi Nebuchadrezzar, edidem Babylon, ama akataŋ Jeconiah eyen Jehoiakim edidem Judah, ye mbɔŋ Judah, ye mbon-usɔ, ye mme andidom utim, ke Jerusalem efep, onyuŋ ada mmɔ ɔnyɔŋ ke Babylon.

JEREMIAH 28:4

Jehovah onyuŋ ɔdɔhɔ, ete, Ami nyeda Jeconiah eyen Jehoiakim edidem Judah, ye ofuri Judah emi eketaŋde efep enyɔŋ ke Babylon, mfiak ndi ke ebiet emi: Koro nyebuŋ ɔkpɔnɔ edidem Babylon.

JEREMIAH 32:44

Eyedep iŋwaŋ ke okuk, enyuŋ ewet ŋwed, enyuŋ ebɔp esin idiɔŋɔ, enyuŋ ekot ntiense, ke isɔŋ Benjamin, ye ke edem emi akande Jerusalem okuk, ye ke mme obio Judah, ye ke mme obio obot, ye ke mme obio una-isɔŋ edem inyaŋ, ye ke mme obio edem usuk: koro nyeda mmɔ ke itie mbuot-ekɔŋ mfiak ndi: emi edi uyo Jehovah.

JEREMIAH 33:13

Ke mme obio obot, ye ke mme obio una-isɔŋ edem inyaŋ, ye ke mme obio edem usuk-usuk, ye ke isɔŋ Benjamin, ye ke edem emi akande Jerusalem okuk, ye ke mme obio Judah, ke ufene editɔŋɔ ntak esaŋa ebe ke idak ubɔk enye emi abatde mmɔ. Ke edi Jehovah ɔdɔhɔ ntem.

JEREMIAH 39:9

Ndien Nebuzaradan etubom mme andikpeme edidem ataŋ mbio-obio efen eke esuhɔde ke obio, ye mmɔ eke ekediande idem ye enye, ye owo efen eke esuhɔde, ɔnyɔŋ ke Babylon.

JEREMIAH 52:27

Ndien edidem Babylon ɔtɔ mmɔ owot ke Riblah, ke isɔŋ Hamath; onyuŋ ataŋ Judah ke isɔŋ mmɔ efep.

JEREMIAH 52:28

Mme mmɔ emi edi mmɔ oro Nebuchadrezzar akataŋde efep: ke ɔyɔhɔ isua itiaba, tɔsin Jew ita ye owo edip ye ita:

JEREMIAH 52:30

ke ɔyɔhɔ isua Nebuchadrezzar edip ye ita, Nebuzaradan, etubom mbon-ukpeme edidem, ataŋ mme Jew owo ikie itiaba ye aba ye ition: kpukpru owo esim tɔsin inaŋ ye ikie itiokiet.

ŊWED ESEME 1:3

Emetaŋ Judah efep ebaŋa ukut ye ɔkpɔsɔŋ ufin: enye etie ke otu mme idut ikwe nduɔk-odudu: kpukpru mmɔ eke ebinede enye emesim enye ke mbaba esie.

ZECHARIAH 7:7

Nte mme mmɔ emi idige ikɔ oro Jehovah ɔkɔkwɔrɔde ke ubɔk mme akpa prophet, ke ini eduŋde Jerusalem kaŋa, enye onyuŋ odude ke ifure, ye mme obio esie emi ekande enye ekuk, enyuŋ eduŋ edem usuk ye unaisɔŋ mben inyaŋ?

DEUTERONOMY 28:15

Ndien ama ekem edieke afo mukopde uyo Jehovah Abasi fo, munyuŋ utimke unim kpukpru mbet esie ye mme ewuhɔ esie emi ami ntemede fi mfin emi; ndien kpukpru mme idiɔk-ŋkpɔ emi eyebine fi:

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.

JOSHUA 18:5

Ndien yak mmɔ ebahare enye esin ke mbak itiaba: Judah eyetie ke adaŋa esie ke usuk-usuk; ufɔk Joseph eyenyuŋ etie ke adaŋa mmɔ ke edem edere. Ndien mbufo ewet isɔŋ esin ke mbak itiaba,