JEREMIAH 13:11 - Edisana ñwed Abasi Ibom

¹¹ Koro kpa nte ubɔp-isin ɔbɔbɔde owo ke isin, kpasuk ntre ke ŋkada ofuri ufɔk Israel ye ofuri ufɔk Judah mbɔbɔ ke idem mi, Jehovah ɔdɔhɔ; man mmɔ ekpedi okimmɔ ke ikɔt, ye ke enyiŋ, ye ke itoro, ye ke ubɔŋ: edi mmɔ ikokopke.

JEREMIAH 13:11 ပူးပေါင်းရင်းမြစ်များ

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

ŊWED MME PSALM 147:20

Enye ikanamke ntem ye baba idut kiet: ndien ama edi mme ikpe esie, mmɔ ifiɔkke mmɔ. Mbufo etoro Jehovah.

ŊWED MME PSALM 81:11

Edi ikɔt mi ikopke uyo mi: Israel inyuŋ inyimeke inɔ mi.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

JEREMIAH 13:1

NTEM ke Jehovah ɔdɔhɔ mi, ete, Ka kada ubɔp-isin fo a-linen ke idem fo, nyuŋ bɔbɔ enye ke isin fo, ndien kusin enye ke mmɔŋ.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 13:12

Tiŋ ndien ikɔ emi nɔ mmɔ, ete, Ntem ke Jehovah Abasi Israel ɔdɔhɔ, ete, Wine eyeyɔhɔ ke kpukpru ikpa: ndien mmɔ eyedɔhɔ fi, ete, Nte nnyin itimke ifiɔk, ite ke wine ediyɔhɔ ke kpukpru ikpa?

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 32:20

emi okonimde mme idiɔŋɔ ye mme utibe ŋkpɔ ke isɔŋ Egypt tutu osim mfin emi, ye ke Israel, ye ke otu owo efen, onyuŋ anam enyiŋ ɔnɔ idem fo, kpa nte edide mfin emi;

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

JEREMIAH 6:17

Ami ŋkonyuŋ ndemere mbon-ukpeme eke esede mbufo, nnim, nte, Mbufo ekpaŋ utɔŋ enɔ uyo ukorowo.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

LUKE 10:11

Kpa ntan obio mbufo, eke adianade nnyin ke ikpat, ke nnyin ikeŋ ifep idian mbufo: edi efiɔk emi ete, Ubɔŋ Abasi ama asaŋa ekpere.

DEUTERONOMY 26:18

Jehovah ama onyuŋ ɔdɔhɔ fi mfin emi, ete, Ke iyenim fi ke ata ikɔt imɔ, kpa nte enye ɔkɔdɔhɔde fi, ke afo eyenyuŋ onim kpukpru mbet esie;

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

DEUTERONOMY 4:7

Koro ewe akamba idut odu emi abasi esie ekperede enye, nte Jehovah Abasi nnyin, ke kpukpru se nnyin iseseme inɔ enye?

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;