JEREMIAH 12:9 - Edisana ñwed Abasi Ibom

⁹ Nte udeme mi etie ye ami nte ekpaŋ-ekpaŋ inuen? Nte mme inuen ekan enye ekuk? Mbufo eka ekebon kpukpru mme unam ikɔt, eda mmɔ edi ke itie udia

JEREMIAH 12:9 ပူးပေါင်းရင်းမြစ်များ

2 NDIDEM 24:2

Ndien Jehovah ɔdɔŋ mme udim mme Chaldean, ye mme udim mme Syrian, ye mme udim Moab, ye mme udim nditɔ Ammon utom, ete eŋwana ekɔŋ ye enye, onyuŋ ɔdɔŋ mmɔ, ete enam Judah, enyuŋ esobo enye, ekem ke uyo Jehovah emi enye ɔkɔdɔhɔde ke inua ikɔt esie mme prophet.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 56:9

Mbufo kpukpru mme unam ikɔt, ye mbufo kpukpru mme unam ke akai, edi edita.

JEREMIAH 15:3

Jehovah ɔdɔhɔ, ete, Nyeda oruk ŋkpɔ inaŋ nnɔ mmɔ ufen: ofut eke owotde, ye ebua eke edudide, ye mme inuen enyɔŋ, ye mme unam ikɔt eke etade enyuŋ ebiatde.

JEREMIAH 2:15

Nsinam ndien enye akabarede edi ŋkpɔ mbume? Mkparawa lion ke ekuni enye, emenere uyo mmɔ, enyuŋ enim isɔŋ esie ke ŋkpɔ nsobo: mme obio esie emenyuŋ eta ikaŋ, enana owo eke oduŋde.

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

JEREMIAH 7:33

Ndien ama ekem, mme okpo mbio emi eyekabare edi udia mme inuen enyɔŋ ye eke unam-isɔŋ; baba owo kiet eke ebinde mmɔ efep idinyuŋ iduhe.

ŊWED ESEME 1:17

Zion anyan ubɔk esie, baba owo kiet eke ɔdɔŋde enye esit iduhe: Jehovah ama owuk mme asua Jacob emi ekande enye ekuk abaŋa enye, Jerusalem etie ke otu mmɔ nte ŋwan eke odude ke esien.

EZEKIEL 34:5

Ndien mmɔ emesuana, koro owo eke ɔbɔkde miduhe: mmɔ enyuŋ ekabare edi udia kpukpru mme unam ikɔt, ndien mmɔ emesuana.

ERIYARARE 17:16

Nduk duop oro okokutde ye unam eyesua akpara oro, enyuŋ ebiat enye, enyuŋ enim enye iferi, enyuŋ eta enye ikpɔhidem, enyuŋ efɔp enye ke ikaŋ ewot.