JEREMIAH 12:7 - Edisana ñwed Abasi Ibom

⁷ Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

JEREMIAH 12:7 ပူးပေါင်းရင်းမြစ်များ

2 NDIDEM 21:14

Nyenyuŋ mmen ubak udeme mi emi ɔsuhɔde, nduɔk, nnyuŋ nda mmɔ nsin mme asua mmɔ ke ubɔk: ndien mmɔ eyedi se kpukpru mme asua mmɔ ebumede edia;

ŊWED MME PSALM 106:40

Ndien iyaresit Jehovah obumere ye ikɔt esie, enye onyuŋ asua udeme esie eti-eti.

ŊWED MME PSALM 78:62

Onyuŋ ayak ikɔt esiemɔ ɔnɔ ofut; onyuŋ ayat esit ye mbon udeme esiemɔ.

ISAIAH 2:6

Koro afo ɔmɔduɔk ikɔt fo, ufɔk Jacob, koro se itode ke edem usiaha-utin ɔyɔhɔde ke otu mmɔ, mmɔ enyuŋ ebre idiɔŋ, nte mme Philistine; enyuŋ esaŋa ŋkpɔ nte nditɔ mme idut.

JEREMIAH 11:15

Edima ikɔt mi esaŋa nso ke ufɔk mi, eke mmɔ enamde oburobut ŋkpɔ emi ewakde ntem? Ndien edisana unam eyedaha ɔkpɔŋ fi: koro afo anamde idiɔk, ndien ebre mbre.

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

JEREMIAH 17:4

Ndien afo eyefep kpa idem fo ke udeme mi emi ŋkɔnɔde fi: ndien nyenam fi anam ŋkpɔ mme asua fo ke isɔŋ eke afo mufiɔkke: koro mbufo ebarade ikaŋ ke iyaresit mi, eyesak ke nsinsi.

JEREMIAH 22:5

Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 23:33

Ndien ke ini mbio-obio emi edide prophet, onyuŋ edide oku, edibupde fi, ete, Nsidi uyo Jehovah? Dɔhɔ mmɔ, ndien, ete, Nso uyo? Ŋkɔm nyekpɔŋ mbufo: Jehovah ɔdɔhɔ.

JEREMIAH 23:39

ami nyefre mbufo tak-tak nnyuŋ nsio mbufo ye obio emi ŋkɔnɔde mbufo ye mme ete mbufo ke iso mi nduɔk:

JEREMIAH 51:5

Koro midige Abasi Israel ye Judah esin mmɔ etie nte ebe-akpa, minyuŋ idige Jehovah mme udim; koro isop emi mmɔ eduede ye Edisana Abasi Israel ɔyɔhɔde ke isɔŋ mmɔ.

JEREMIAH 7:14

mmɔdo nyenam ye ufɔk emi ekerede enyiŋ mi, emi mbufo ebuɔtde idem ke esit, nyenyuŋ nnam ye ebiet emi ŋkɔnɔde mbufo ye mme ete mbufo, kpa nte ŋkanamde ye Shiloh.

JEREMIAH 7:29

O Jerusalem, fat idet fo nyuŋ duɔk; nyuŋ menere eseme ke ŋkokoŋo ebiet: koro Jehovah amasua onyuŋ ɔduɔk emana emi enye ayatde esit ye mmɔ.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

HOSEA 11:1

KE adaŋoro Israel edide eyenɔwɔŋ, ami mma enye, nnyuŋ ŋkot eyen mi, nte enye oto ke Egypt edi.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

JOEL 2:15

Mbufo efuri ukorowo ke Zion, enim utre-udia, ekwɔrɔ usɔrɔ.

JOEL 3:2

ndien nyebon kpukpru mme idut, nda mmɔ nsuhɔre ke itihere Jehosha-phat, nnyuŋ ŋkpe ikpe ye mmɔ do, mbaŋa ikɔt mi ye Israel udeme mi, emi mmɔ ekesuande ke otu mme idut, ndien ebahare isɔŋ mi.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

DEUTERONOMY 33:12

Enye ɔdɔhɔ abaŋa Benjamin, ete, Eyen ima Jehovah eyeduŋ ke ifure ye enye; Enye ofuk enye kpukpru ini, enye onyuŋ oduŋ ke ufɔt afara Esie.