JEREMIAH 12:3 - Edisana ñwed Abasi Ibom

³ Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

JEREMIAH 12:3 ပူးပေါင်းရင်းမြစ်များ

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ŊWED MME PSALM 139:23

O Abasi, duŋɔre mi, nyuŋ fiɔk esit mi: domo mi, nyuŋ fiɔk ekikere mi:

ŊWED MME PSALM 17:3

Afo omodomo esit mi; emese mi ke okoneyo; omodomo mi; ukwe ŋkpɔ; inua mi ibehe ekikere mi.

ŊWED MME PSALM 26:1

KPE ikpe mi, O Jehovah, koro nsaŋade ke mfɔn-mma mi: mmonyuŋ mbuɔt idem ye Jehovah; ndifebekede.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

JEREMIAH 15:15

O Jehovah, afo ɔmɔfiɔk: ti mi nyuŋ di dise mi, nyuŋ sio usiene ye mmɔ eke ekɔbɔde mi nɔ mi; kuda mi ufep ke anyan ime fo: fiɔk nte mbiomde esuene mbaŋa fi.

JEREMIAH 17:16

Ndien ami ŋkawarake ndiwɔŋɔre ke eritiene fi nte ekpemerɔŋ, ŋkonyuŋ nyomke usen ata ukut; afo ɔmɔfiɔk: se itode mi ke inua ana fi ke iso.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

JEREMIAH 48:15

Moab amabiara, mme obio esie enyuŋ edɔk (ke nsuŋikaŋ), ndimek mkparawa esie enyuŋ esuhɔre ete ekewot mmɔ; emi edi uyo edidem. Jehovah mme udim edi enyiŋ esie.

JEREMIAH 50:27

Mbufo esobo kpukpru mme enaŋ esie; yak mmɔ esuhɔre eka mkpa: ɔdɔdiɔk ɔnɔ mmɔ! koro usen mmɔ edide, kpa ini ufen mmɔ.

JEREMIAH 51:4

Ndien mmɔ eke edade unan eduɔŋɔ ke isɔŋ mme Chaldean, mmɔ ŋko eke owo ekimde eduɔŋɔ ke efak esie.

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

JAMES 5:5

Mbufo edu uwem, edia nti ŋkpɔ ke isɔŋ, enyuŋ ebine mbre; emebɔk esit mbufo ke usen afai.

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.