JEREMIAH 12:11 - Edisana ñwed Abasi Ibom

¹¹ Emenim enye ke ŋkpɔ nditaha, enye omosobo, atua ɔnɔ mi; ofuri isɔŋ amabiara, koro baba owo kiet eke ekerede ke esit miduhe.

JEREMIAH 12:11 ပူးပေါင်းရင်းမြစ်များ

ECCLESIASTES 7:2

Ɔfɔn ndika ufɔk ntuaŋa, akan ndika ufɔk udia: koro oro edide utit kpukpru owo: ndien owo uwem eyekere ke esit.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

ISAIAH 57:1

EDINEN owo atak, ndien baba owo kiet ikereke ke esit esie: enyuŋ etaŋ mbon ima efep, ke ini baba owo kiet mifiɔkke, ite, ke etaŋ edinen owo efep ebak idiɔk-ŋkpɔ.

JEREMIAH 10:22

Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 23:10

Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 25:11

Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 4:20

Mmɔ ebuk ŋwure ekɔrɔ ke ŋwure: koro ofuri isɔŋ amabiara: mme tent mi emebiara ke isɔrɔ kiet, mme ikpehe mi emebiara ke idaha kiet.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

JEREMIAH 6:8

Yak eteme fi, O Jerusalem, mbak ukpɔŋ mi ediwɔŋɔre ɔkpɔŋ fi; mbak ndinim fi ke desert, ke isɔŋ eke owo miduŋke ke esit.

JEREMIAH 9:10

Nyemen eyet ye ntuaŋa mbaŋa ikpɔ obot, nyemen eseme mbaŋa mbiet wilderness koro esobode mmɔ, owo minyuŋ isaŋake ke esit ibe: ndien mmɔ ikopke uyo ufene; mme inuen enyɔŋ ye mme unam isɔŋ emefeŋe; emedaŋa!

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

JEREMIAH 9:9

Jehovah ete, Nte ndinɔŋɔ mmɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JOEL 1:10

Iŋwaŋ omosobo, isɔŋ eseme; koro ibokpot osobode: obufa wine amasat, aran etie meŋe-meŋe.

LEVITICUS 26:32

Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

ŊWED MBON ROME 8:22

Koro nnyin imɔfiɔk ite ofuri ekondo ke omum mmum, onyuŋ odu ke ubiak uman tutu osim emi.