JEREMIAH 11:4 - Edisana ñwed Abasi Ibom

⁴ Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 11:4 ပူးပေါင်းရင်းမြစ်များ

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

1 NDIDEM 8:51

koro mmɔ edide ikɔt fo, ye udeme fo, emi afo akadade ke Egypt ɔwɔrɔ, ke ufɔt furnace ikaŋ:

2 NDIDEM 18:6

Ndien enye eyire ye Jehovah, inyuŋ itreke nditiene enye, edi onim mbet esie oro Jehovah eketemede Moses.

EXODUS 20:6

nnyuŋ mfɔn ido ye tɔsin emana mmɔ eke emade mi, enyuŋ enimde mbet mi.

ISAIAH 30:6

Mbiomo mme unam edem usuk: ke isɔŋ ndutuhɔ ye nnan-eyin, uman lion ye abak lion, ibɔm ye ɔkpɔtɔ itiat eto do, mmɔ ebiom inyene mmɔ ke afara nditɔ ass, ebiom ŋkpɔ-uto mmɔ ke ekuŋ camel, esɔk idut eke mikemeke ndidoro mmɔ.

ISAIAH 48:10

Sese, mmatara fi, edi idige ke silver; ndomo fi ke akamba ikaŋ ukut.

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 32:28

Mmɔdo ntem ke Jehovah ɔdɔhɔ, ete, Sese, ami mmɔŋ nda obio emi nsin mme Chaldean ke ubɔk, ye ke ubɔk Nebuchadrezzar edidem Babylon; ndien enye eyeda enye:

JEREMIAH 38:20

Ndien Jeremiah ɔdɔhɔ ete, Mmɔ idisinke. Mbɔk, kop uyo Jehovah ke se ami ndɔhɔde fi; ndien eyefɔn fi, ukpɔŋ fo eyenyuŋ odu uwem.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

EZEKIEL 14:11

Man ufɔk Israel ekukpɔŋ aba mi ediyo, ekunyuŋ eda kpukpru mme idiɔk ido mmɔ esabare idem mmɔ, edi edi ikɔt mi, ami nnyuŋ ndi Abasi mmɔ: emi edi uyo Ɔbɔŋ Jehovah.

EZEKIEL 36:28

Ndien mbufo eyeduŋ ke isɔŋ emi ŋkɔnɔde mme ete mbufo, ndien mbufo eyedi ikɔt mi; ami nyenyuŋ ndi Abasi mbufo.

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

DANIEL 3:26

Nebuchadnezzar asaŋa ekpere inua akwa ikaŋ oro asakde, ɔkɔbɔrɔ, onyuŋ ɔdɔhɔ, ete, Shadrach, Meshach, Abednego, mbufo ikɔt Abasi ibom ewɔŋɔ edi. Ndien Shadrach ye Meshach ye Abednego ewɔŋɔ ke ufɔt ikaŋ.

LEVITICUS 26:12

Nyeyuŋ nsaŋa ke otu mbufo, nnyuŋ ndi Abasi mbufo, mbufo eyenyuŋ edi ikɔt mi.

LEVITICUS 26:3

Edieke mbufo edisaŋade ke mme ewuhɔ mi, edinyuŋ enimde mbet mi, enyuŋ enam mmɔ:

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ZECHARIAH 6:15

Ndien mmɔ emi edude ke anyan ebiet eyedi edibɔp temple Jehovah; ndien mbufo eyefiɔk ete ke Jehovah mme udim ɔdɔŋ mi utom ke ɔtɔ mbufo. Ndien ŋkpɔ emi eyedi, edieke mbufo editimde ekop uyo Jehovah Abasi mbufo.

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

2 ŊWED CORINTH 6:16

Nso ediomi ke temple Abasi odiomi ye ndem? Koro nnyin idi temple Abasi uwem; kpa nte Abasi ɔdɔhɔde ete, Nyeduŋ, nyenyuŋ nsaŋa ke otu mmɔ, Ndien nyedi Abasi mmɔ, mmɔ eyenyuŋ edi ikɔt Mi.

DEUTERONOMY 11:27

ufɔn, edieke mbufo edikopde kpukpru mme ewuhɔ Jehovah Abasi mbufo emi ami ŋwukde mbufo mfin emi:

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

DEUTERONOMY 5:6

Ami ndi Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.