JEREMIAH 11:21 - Edisana ñwed Abasi Ibom

²¹ Mmɔdo, ntem ke Jehovah ɔdɔhɔ abaŋa nditɔ Anathoth, emi eyomde uwem fo, ete, Kuda enyiŋ Jehovah utiŋ prophecy, mbak afo edikpa ke ubɔk nnyin:

JEREMIAH 11:21 ပူးပေါင်းရင်းမြစ်များ

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

JEREMIAH 1:1

IKƆ Jeremiah eyen Hilkiah, emi okotode mme oku oro edude ke Anathoth ke isɔŋ Benjamin:

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

JEREMIAH 32:7

Sese, Hanamel eyen Shallum, eyen-ete usɔ eyedi ke ɔtɔ fo, ete, Dep iŋwaŋ mi emi odude ke Anathoth ke idem fo: koro ufak enyenede fi nte edepde enye.

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

AMOS 2:12

Ndien mbufo ekenɔ mme Nazirite wine eŋwɔŋ, enyuŋ ewuk mme prophet, ete, “Mbufo ekutiŋ prophecy.”

MICAH 7:6

Koro eyen-eren esede ete esie ke ndek, eyen-aŋwan onyuŋ omiom ye eka esie: ŋwan eyen onyuŋ oyom eka ebe esie ikɔ; mbon usua owo edi nditɔ ufɔk esiemɔ.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

MATTHEW 21:35

Ndien mme ekpeme-iŋwaŋ emum mme isuŋutom esie, emia kiet, enyuŋ ewot efen, enyuŋ etɔŋɔ efen ke itiat.

MATTHEW 22:6

ndien mmɔ emi esukde emum ikɔt esie, enam mmɔ ido esuene, enyuŋ ewot mmɔ.

LUKE 4:24

Edi Enye ete, Edi akpanikɔ ke ndɔhɔ mbufo nte, Owo idaha baba prophet kiet ke ŋkpɔ ke isɔŋ emana esie.