JEREMIAH 11:20 - Edisana ñwed Abasi Ibom

²⁰ Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

JEREMIAH 11:20 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

2 NDIDEM 19:14

Ndien Hezekiah ɔbɔ mme isuŋ utom ŋwed oro ke ubɔk, okot: Hezekiah onyuŋ aka ke ufɔk Jehovah, atat ŋwed oro onim ke iso Jehovah.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:17

Mmonyuŋ mfiɔk, O Abasi mi, nte afo odomode esit, onyuŋ amade mmɔ eke enende. Ami ŋkatat ubɔk mi nnɔ kpukpru ŋkpɔ emi ke edinen esit: ndien ke emi ke ndat esit ndikut ikɔt fo emi edude mi, nte etatde ubɔk enɔ fi,

ŊWED JOB 5:8

Edi ami ŋkpoyom Abasi, ŋkponyuŋ nda ikɔ mi nsin Abasi ke ubɔk:

ŊWED MME PSALM 139:23

O Abasi, duŋɔre mi, nyuŋ fiɔk esit mi: domo mi, nyuŋ fiɔk ekikere mi:

ŊWED MME PSALM 35:2

Da otu-ekɔŋ ekpri ye akamba, nyuŋ daha da di nyaŋa mi.

ŊWED MME PSALM 43:1

KPE ikpe mi, O Abasi, nyuŋ tɔhɔ utɔk mi ye idut emi mimaŋa Abasi: afo eyesio mi ke ubɔk owo abiaŋa ye ŋkwaŋa.

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

ŊWED MME PSALM 58:10

Edinen owo eyedara, koro enye okutde usiene: enye eyeyet ikpat esie ke iyip mme idiɔk owo.

ŊWED MME PSALM 7:10

Otu-ekɔŋ mi odoro Abasi ke idem, emi anyaŋade mbon esit akpanikɔ.

ŊWED MME PSALM 7:8

Jehovah eyekpe ikpe kpukpru owo: domo mi, O Jehovah, nte ekemde ye eti ido mi, ye mfɔn-mma mi emi ofukde mi ke idem.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

JEREMIAH 12:3

Ndien afo ɔmɔfiɔk mi, O Jehovah: afo ke okut mi, onyuŋ odomo nte esit mi etiede ye afo: sioŋo mmɔ nte ufene nɔ, ete ekewot, nyuŋ dianare mmɔ nim ke usen afai.

JEREMIAH 15:15

O Jehovah, afo ɔmɔfiɔk: ti mi nyuŋ di dise mi, nyuŋ sio usiene ye mmɔ eke ekɔbɔde mi nɔ mi; kuda mi ufep ke anyan ime fo: fiɔk nte mbiomde esuene mbaŋa fi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 17:18

Yak but anam mmɔ eke ekɔbɔde mi, edi kuyak but anam mi: yak idem akpa mmɔ, edi kuyat idem akpa mi: da idiɔk usen tiene mmɔ, nyuŋ sobo mmɔ nsobo iba.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

ŊWED ESEME 3:58

O Ɔbɔŋ, afo emekpe ikɔ ukpɔŋ mi;

ŊWED ESEME 3:59

amafak uwem mi. Jehovah afo okokut nte etukde mi: kpe ikpe mi.

ŊWED ESEME 3:64

O Jehovah, nɔ mmɔ utip ekem ye utom ubɔk mmɔ.

EZEKIEL 11:5

Ndien spirit Jehovah ɔduɔ mi ke idem, onyuŋ ɔdɔhɔ mi, ete, Tiŋ, ete, Ntem ke Jehovah ɔdɔhɔ, ete, Ntem ke mbufo edɔhɔ, O ufɔk Israel; ndien ami mfiɔk kpasuk se idɔkde iduk mbufo esit.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.

2 ŊWED TIMOTHY 4:14

Alexander odom-utim akanam mi ibak eti-eti; Ɔbɔŋ eyesio enye usiene nte ekemde ye se enye akanamde.

1 PETER 2:23

Ke ini owo osuŋide Enye, Enye isuŋike mmɔ usiene; ke ini Enye ebede ke ndutuhɔ, Enye itiŋke ikɔ ndige; edi ayak ikɔ Esie esin ke ubɔk Andikpe edinen ikpe.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.

1 SAMUEL 24:15

Jehovah osuk edi ebierikpe ndien, onyuŋ ekpe ikpe ke ufɔt mi ye afo, onyuŋ ese, onyuŋ ɔtɔhɔ utɔk mi, onyuŋ osio mi efep ke ubɔk fo.