JEREMIAH 11:19 - Edisana ñwed Abasi Ibom

¹⁹ Ndien ami mbiet suŋ-suŋ eyen erɔŋ eke edade ekewot. Ndien ami mfiɔkke nte ekeduakde uduak ebaŋa mi, ete, Eyak nnyin isobo eto ye mfri esie, inyuŋ isibe enye ifep ke isɔŋ mme andidu uwem: ndien mmɔ iditihi aba enyiŋ esie.

JEREMIAH 11:19 ပူးပေါင်းရင်းမြစ်များ

ŊWED JOB 28:13

Owo ifiɔkke ekɔm-urua esie, inyuŋ ikwe enye ke isɔŋ mme odu-uwem.

ŊWED MME PSALM 109:13

Yak esibe ubon esie efep; yak esɔhi enyiŋ mmɔ ke emana iso efep.

ŊWED MME PSALM 112:6

Koro enye midisehekede ke nsinsi: owo edinen ido eyedi se editide ke nsinsi.

ŊWED MME PSALM 116:9

Nyesaŋa ke iso Jehovah ke isɔŋ mme andidu uwem.

ŊWED MME PSALM 142:5

Nseme ŋkot fi, O Jehovah: ndɔhɔ nte ke afo edi ubɔhɔ mi, ye udeme mi ke isɔŋ mme andidu uwem.

ŊWED MME PSALM 27:13

Mikpedige nnimde ke akpanikɔ nte ke ndikut ufɔn Jehovah ke isɔŋ mme andidu uwem, (ŋkpatak).

ŊWED MME PSALM 31:13

Koro ŋkopde mbia emi ediwak owo ebiade: ndik akan okuk; ke ini mmɔ edukde odu ebaŋa mi, mmɔ eyom usuŋ nte ebɔde mi uwem.

ŊWED MME PSALM 35:15

Edi iduɔ mi adat mmɔ esit, mmɔ enyuŋ esop idem, mbukpo owo esop idem ebaŋa mi, ndien mfiɔkke: ewai inyuŋ idopke.

ŊWED MME PSALM 52:5

Abasi eyenyuŋ osobo fi ke nsinsi, enye eyemen fi ɔnyɔŋ, onyuŋ afabare fi ke tent fo efep; onyuŋ odibere fi ke isɔŋ mme andidu uwem. [Selah.]

ŊWED MME PSALM 83:4

Mmɔ edɔhɔ ete, Edi, nnyin isibe mmɔ ifep, man ekudi aba idut; man ekuti aba enyiŋ Israel.

MME ŊKE 10:7

Ke ini etide eti owo, eyetoro enye: edi enyiŋ mme idiɔk owo eyebu.

MME ŊKE 24:15

O idiɔk owo, kudibe ubet ke iduŋ eti owo: kuwuri ebiet nna esie:

MME ŊKE 7:22

Enye etiene ŋwan oro ke edem ini kiet aka, nte enaŋ akade ndikpa, ye nte owo-ŋkpɔkɔbi akade ufen ndisime owo;

ISAIAH 32:7

Ndien ama edi afam, ŋkpɔ utom esie ediɔk: enye aduak uduak ŋkari, ete isobo mbon ukut ke ikɔ nsu, kpa ke adaŋemi eyen ubuene ɔdɔhɔde se inende.

ISAIAH 38:11

Ŋkɔdɔhɔ nte, Ŋdikwe aba Jah, Jah, ke isɔŋ mme odu-uwem; ndisehe aba owo ye mme andiduŋ obio ekpo.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 20:10

koro ŋkopde ikɔ-edem ediwak owo: ndik odu ke edem kpukpru: ete, “Mbufo etiŋ, ndien nnyin iyetiŋ ibaŋa enye.” Kpukpru mme ufan mi ekpeme iduɔ mi, ete, Mme eyekeme nditap enye, ndien nnyin iyekan enye ubɔk, inyuŋ isio usiene nnyin ye enye.

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

ŊWED ESEME 3:60

Afo omokut ofuri usiene emi mmɔ esiode, kpukpru se mmɔ eduakde ebaŋa mi.

EZEKIEL 32:24

Elam mmɔdo, ofuri otu owo esie enyuŋ ekan mme udi esie ekuk, kpukpru mmɔ eda unan eduɔŋɔ ke ofut; emi esuhɔrede nte mbon edut ke idak isɔŋ, emi enamde mmɔ edikhe ke isɔŋ mme odu-uwem; mmɔ enyuŋ ebiom esuene mmɔ ye mmɔ oro ekesuhɔrede ke obube.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

HOSEA 9:8

Ephraim odori enyin ye Abasi mi: prophet edi afia ata-ikɔt ke kpukpru usuŋ esie, ye usua ke ufɔk Abasi esie.

NUMBERS 1:14

Eke Gad; Eliasaph eyen Deuel.