JEREMIAH 11:17 - Edisana ñwed Abasi Ibom

¹⁷ Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 11:17 ပူးပေါင်းရင်းမြစ်များ

2 SAMUEL 7:10

Mma nnyuŋ nnim ebiet nnɔ ikɔt mi Israel, nnyuŋ ntɔ mmɔ, ndien mmɔ eduŋ ke ɔtɔ mmɔ, idinyuŋ itimekede aba mmɔ; nditɔ idiɔk ido idinyuŋ itɔŋɔke aba ntak ituhɔ mmɔ, kpa nte akpa;

2 CHRONICLES 28:25

Ndien ŋko enye anam edikoŋ ebiet ke kpukpru obio Judah kiet kiet, man ɔfɔp uwa ɔnɔ abasi efen, ndien ayat Jehovah Abasi mme ete esie esit.

ŊWED MME PSALM 44:2

Afo, kpa ubɔk fo, ekebin mme idut, ndien ada mmɔ (mme ete) ɔtɔ; afo akanuak mme obio oro edi anam mmɔ eken etɔt:

ŊWED MME PSALM 80:15

ye nsehe emi ubɔk nnasia fo ɔkɔtɔde, ye eyen emi afo ɔbɔkde ɔnɔ idem fo.

ŊWED MME PSALM 80:8

Afo ama ada vine ke Egypt edi: ebin mme idut efep, onyuŋ ɔtɔ enye.

ISAIAH 5:2

Ndien enye ofuŋ isɔŋ, onyuŋ ataŋ itiat ke esit efep, onyuŋ ɔtɔ enye akpan vine ke esit onyuŋ ɔbɔp enye tower ke ufɔt, onyuŋ otibi enye obube wine ke esit. Ndien enye onim enyin, ete eye-ŋwum eti grape, edi enye oŋwum ɔbɔruduk.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

JEREMIAH 1:14

Ndien Jehovah ɔdɔhɔ mi, ete, Idiɔk ŋkpɔ eyesiaha ke edem edere odoro kpukpru mme andiduŋ isɔŋ.

JEREMIAH 11:11

Mmɔdo ntem ke Jehovah ɔdɔhɔ, ete, Sese, ami nyeda idiɔk ŋkpɔ kiet eke mmɔ mikemeke ndiwɔrɔ ke esit, ntiene mmɔ; ndien mmɔ eyeseme enɔ mi, edi ami ndikopke uyo mmɔ.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 12:2

Afo ɔkɔtɔ mmɔ ke isɔŋ, mmɔ enyuŋ emum ŋkam ke isɔŋ: eka iso, enyuŋ eŋwum mfri: afo emekpere ke inua mmɔ, edi oyom usuŋ ye ŋkpɔ esit idem mmɔ.

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 18:8

ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 2:21

Ndien ami ŋkɔtɔ fi ata vine, ata akpan mkpasip: nsinam ndien afo akabarede edi idiɔk eyen vine idut ɔnɔ mi?

JEREMIAH 24:6

Nyenyuŋ ŋwuk enyin nse mmɔ ke mfɔn, nnyuŋ nda mmɔ mfiak ke isɔŋ emi: nnyuŋ mbɔp mmɔ, ndien ŋwurike, nnyuŋ ntɔ mmɔ ke isɔŋ, ndien ndibekede.

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

JEREMIAH 26:19

Nte Hezekiah edidem Judah, ye ofuri Judah ema eyom ndiwot enye? Nte enye ikabakke Jehovah, inyuŋ ikpe Jehovah ubɔk, ndien Jehovah adahado ke idiɔk-ŋkpɔ oro enye ɔkɔdɔhɔde abaŋa mmɔ? Ke ntre ke nnyin ikpanam akamba idiɔk ŋkpɔ otuk ukpɔŋ nnyin.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 32:30

Koro nditɔ Israel ye nditɔ Judah esuk enam idiɔk-idiɔk ke iso mi, toto ke ini uyen mmɔ: koro nditɔ Israel esuk eyeyat mi esit ke se ubɔk mmɔ enamde; Jehovah ɔdɔhɔ.

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 36:7

Mme mmɔ eyesuhɔre idem mmɔ eseme ke iso Jehovah, kpukpru mmɔ enyuŋ efiak edem ekpɔŋ idiɔk usuŋ mmɔ: koro iyaresit ye ifuresit emi Jehovah ɔkɔdɔhɔde abaŋa mbio-obio emi ekponde.

JEREMIAH 40:2

Ndien etubom mbon ukpeme edidem ada Jeremiah edi, onyuŋ ɔdɔhɔ enye, ete, Jehovah Abasi fo ɔkɔdɔhɔ idiɔk-ŋkpɔ emi abaŋa ebiet emi.

JEREMIAH 40:3

Jehovah ama onyuŋ ada edi, onyuŋ anam kpa nte enye ɔkɔdɔhɔde: koro mbufo ekenamde idiɔk ido ye Jehovah, mikonyuŋ ikopke uyo esie, mmɔdo ŋkpɔ emi osimde mbufo.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

JEREMIAH 44:5

Edi mmɔ ikopke, inyuŋ ikpaŋke utɔŋ mmɔ, inyuŋ ikabakede ikpɔŋ mme idiɔk ido mmɔ, inyuŋ itreke ndifɔp ŋkpɔ nnɔ abasi efen.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 45:4

Dɔhɔ ntem ye enye, ete, Ntem ke Jehovah ɔdɔhɔ, ete, Sese, ami mmɔŋ ŋwuri se ŋkɔbɔpde, nnyuŋ ndibere se ŋkɔtɔde, kpasuk ofuri isɔŋ oro.

JEREMIAH 7:18

Nditɔwɔŋ etaŋ ifia, mme ete enyuŋ ebara ikaŋ, iban enyuŋ ebuen ndom-uyo, man enam mfefere uyo enɔ ɔbɔŋ aŋwan enyɔŋ, enyuŋ enwaŋa ediŋwɔŋ uwa enɔ abasi efen, enyuŋ eyat mi esit. Jehovah ɔdɔhɔ, ete, Nte edi ami ke mmɔ eyat?

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

EZEKIEL 17:5

Enye onyuŋ ada ndusuk mkpasip isɔŋ ɔkɔtɔ enye ke iŋwaŋ mkpasip; ada aka ke mben akwa mmɔŋ, ɔtɔ enye nte willow.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.