JEREMIAH 11:15 - Edisana ñwed Abasi Ibom

¹⁵ Edima ikɔt mi esaŋa nso ke ufɔk mi, eke mmɔ enamde oburobut ŋkpɔ emi ewakde ntem? Ndien edisana unam eyedaha ɔkpɔŋ fi: koro afo anamde idiɔk, ndien ebre mbre.

JEREMIAH 11:15 ပူးပေါင်းရင်းမြစ်များ

ŊWED MME PSALM 50:16

Edi Abasi ɔdɔhɔ idiɔk owo, ete, Afo anam didie ataŋa mme ewuhɔ mi, onyuŋ emen ediomi mi esin ke inua fo?

ŊWED MME PSALM 60:5

Man ikɔt ima fo ebɔhɔ, nyaŋa ke nnasia fo, nyuŋ yere nnyin.

MME ŊKE 10:23

Edi ndisime owo abat erinam ibak ke mbre; edi owo eti ifiɔk enyene mbufiɔk.

MME ŊKE 15:8

Jehovah abat uwa mme idiɔk owo ke mbubiam: edi akam mbon eti ido enem enye esit.

MME ŊKE 2:14

Emi enemde esit ndinam idiɔk; mmɔ edara ke ŋkwaŋa idiɔk;

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

MME ŊKE 26:18

Nte owo idat eke otopde onyim, ye idaŋ, ye mkpa,

MME ŊKE 28:9

Owo eke ɔwɔŋɔrede utɔŋ esie man okukop mbet, idem akam esie edidi ŋkpɔ ndek.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 23:11

Koro mme prophet ŋko ye mme oku esuk enanam oburobut: kpa ke ufɔk mi ke ŋkut idiɔk ido mmɔ; Jehovah ɔdɔhɔ.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

HOSEA 3:1

NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

MATTHEW 22:11

Edi ke adaŋemi edidem odukde ndise mmɔ emi etiede, enye okut owo do eke misineke ɔfɔŋidem-ndɔ:

LUKE 8:28

Ke adaŋemi enye okutde Jesus, enye ofiori, ɔduɔ Enye ke iso, onyuŋ ɔdɔhɔ ke ɔkpɔsɔŋ uyo, ete, Nsaŋa nso ye Afo, Jesus, Eyen Abasi Ibom?

ŊWED MBON ROME 11:28

Ke ŋkaŋ gospel, mmɔ edi mme asua kabaŋa mbufo: edi ke ŋkaŋ erimek, Abasi ama mmɔ kabaŋa mme ete mmɔ.

1 ŊWED CORINTH 13:6

Ima idarake se ikwaŋade, edi adadara se idide akpanikɔ;

TITUS 1:15

Kpukpru ŋkpɔ edi edisana ye mmɔ eke esanade; edi ye mmɔ eke ekesabarede idem minyuŋ inimke ke akpanikɔ, baba ŋkpɔ kiet idige edisana; edi ekikere mmɔ ye esit mmɔ edehe.

JAMES 4:16

Edi ke emi ke mbufo ebure ke nnam-inua: kpukpru mbure eke etiede ntre ediɔk.