JEREMIAH 10:8 - Edisana ñwed Abasi Ibom

⁸ Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 10:8 ပူးပေါင်းရင်းမြစ်များ

ŊWED MME PSALM 115:8

Mmɔ eke enamde mmɔ eyebiet mmɔ, kpa kpukpru owo eke ebuɔtde idem ke esit.

ŊWED MME PSALM 135:18

Mme andinam ŋkpɔ mmɔ eyebiet mmɔ: kpa ntre kpukpru owo eke ebuɔtde idem-mmɔ ye mmɔ.

ISAIAH 41:29

Sese, kpukpru mmɔ edi ikpikpu; utom mmɔ onyuŋ edi se miduhe du: nditara mbiet mmɔ edi ofum ye ikpikpu.

ISAIAH 44:18

Mmɔ ifiɔkke, inyuŋ inimke ibuot: koro enye emesiri mmɔ enyin, man ekukut; esiri esit mmɔ, man ekudi ɔniɔŋ.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

JEREMIAH 10:14

Kpukpru owo eke minyeneke ifiɔk emi ebiet unam: but anam kpukpru anditara abaŋa mbiet mmɔ: koro nditara mbiet mmɔ edide nsu, ibifik minyuŋ iduhe mmɔ ke esit.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 3:9

Ndien edikem enye asabare isɔŋ ke oburobut use esie, onyuŋ esin efibe ye itiat ye eto.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 5:4

Ndien ami ndɔhɔ, nte, Ŋkɔm mme mmɔ emi edi mbukpo owo ke akpanikɔ; mmɔ edi ndsime: koro mmɔ mifiɔkke usuŋ Jehovah, ikpe Abasi mmɔ.

HOSEA 4:12

Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

JONAH 2:8

Mmɔ eke enimde nsu-nsu ye ikpikpu ŋkpɔ eduɔk mfɔn mmɔ.

HABAKKUK 2:18

Edisɔi mbiet odoro owo nso udori koro andibot enye ɔsiɔide enye? Editara mbiet ye andikpep nsu edoro owo nso udori, koro andibot ŋkpɔ-usɔ esie ɔbuɔtde idem ke esit, onyuŋ anamde ŋkpɔ eke edide ikpikpu ye imum?

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.