JEREMIAH 10:5 - Edisana ñwed Abasi Ibom

⁵ Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

JEREMIAH 10:5 ပူးပေါင်းရင်းမြစ်များ

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

2 CHRONICLES 25:15

Ndien Jehovah ayat esit ye Amaziah, onyuŋ ɔdɔŋ prophet utom ke ɔtɔ esie, ete enye, Nsinam afo etienede mme abasi idut oro mikanyaŋake ikɔt mmɔ, isio fi ke ubɔk?

ISAIAH 16:12

Ndien ama ekem ke ini Moab owutde idem esie, onyuŋ anamde ŋkpɔ ɔkpɔt ke edikoŋ ebiet esie, ndien enye eyeduk ke edisana ebiet esie ndibɔŋ akam; edi idikwe ŋkpɔ.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 46:1

BEL ɔnuhɔ, Nebo ɔtuhɔ, eda mbiet mmɔ enɔ unam ye ufene: emenere mbiomo mbufo edori; mmɔ edi se mfum-mfum unam obiomde.

ISAIAH 46:7

Eyebiom enye ke afara, eyenim enye ke itie esie, ndien enye eyeda; idisehekede ke ebiet esiemɔ: owo eyeseme ɔnɔ enye ŋko, edi enye idiyereke, idinyaŋake enye isio ke ukut esie.

JEREMIAH 10:14

Kpukpru owo eke minyeneke ifiɔk emi ebiet unam: but anam kpukpru anditara abaŋa mbiet mmɔ: koro nditara mbiet mmɔ edide nsu, ibifik minyuŋ iduhe mmɔ ke esit.

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

1 ŊWED CORINTH 12:2

Mbufo emɔfiɔk ete, ke ini mbufo ekedide mme okpono-ndem, nyoŋ-esit ke adada mbufo oduyo ebine ndem emi edide imum.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

DEUTERONOMY 4:28

Ndien do ke mbufo edikpono mme abasi emi ubɔk owo anamde, eto ye itiat, emi mikwe usuŋ, minyuŋ ikopke uyo, minyuŋ idiaha ŋkpɔ, minyuŋ ikopke utebe.