JEREMIAH 10:14 - Edisana ñwed Abasi Ibom

¹⁴ Kpukpru owo eke minyeneke ifiɔk emi ebiet unam: but anam kpukpru anditara abaŋa mbiet mmɔ: koro nditara mbiet mmɔ edide nsu, ibifik minyuŋ iduhe mmɔ ke esit.

JEREMIAH 10:14 ပူးပေါင်းရင်းမြစ်များ

ŊWED MME PSALM 14:2

Jehovah etie ke enyɔŋ, osuk iso ese nditɔ owo, ete ise mme enyene owo eti-ibuot, owo eke ebinede Abasi.

ŊWED MME PSALM 92:6

Owo ndutun ifiɔkke; ndisime inyuŋ itimke ikut emi.

ŊWED MME PSALM 94:8

Mbufo, mbio ndutun ke otu mbio-obio, enim ibuot: ndien mbufo mbon ndisime, ini ewe ke mbufo ediwɔrɔ ɔniɔŋ?

ŊWED MME PSALM 97:7

But eyenam kpukpru mmɔ eke enamde ŋkpɔ enɔ edisɔi mbiet, enyuŋ eburede mbure ke mbiet ŋkpɔ: mbufo kpukpru abasi etuak ibuot enɔ enye.

MME ŊKE 30:2

Ŋkɔm mmanana ibuot ŋkan owo, nnyuŋ nnyeneke mbufiɔk owo.

ISAIAH 42:17

Mmɔ eke ebuɔtde idem mmɔ ye ndisɔi mbiet, mmɔ eke edɔhɔde nditara mbiet, ete, “Mbufo edi abasi nnyin,” efiak edem enyuŋ ekut ata but.

ISAIAH 44:11

Sese, but eyenam kpukpru mme nsaŋa esie, mbon-usɔ ke idem mmɔ enyuŋ eto ke owo: kpukpru mmɔ eyesop idem, etuak eda, edikhe, but eyenam mmɔ akpaimɔ.

ISAIAH 45:16

But ye esuene ŋko eyenam mmɔ kpukpru: mmɔ eke esɔide mbiet ŋkpɔ eduk ke esuene ini kiet.

ISAIAH 57:12

Nyebuk eti ido fo, ye ŋkpɔ eke afo anamde: ndien mmɔ ididodoke fi baba.

JEREMIAH 10:5

Mmɔ edi ofuri-ofuri nte eyop, ndien mmɔ idɔhɔke ikɔ: enyene ndibiom mmɔ, koro mmɔ misaŋake. Mbufo ekubak mmɔ; koro mmɔ mikemeke ndinam idiɔk, inyuŋ idige nte mmɔ enamde eti ŋkpɔ.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

ŊWED MBON ROME 1:25

sia mmɔ ekpuhɔde akpanikɔ Abasi ebɔ nsu, enyuŋ ekponode se ebotde, enyuŋ enamde ŋkpɔ enɔ enye, etre ndikpono Enye emi edide Andibot, emi enyenede itoro ke nsinsi. Amen.

1 SAMUEL 5:4

Ndien mmɔ emen Dagon enim ke itie esie. Ekem mmɔ ebak edemere ke eyo esierede, ndien, sese, Dagon ana okubi iso esie ke isɔŋ ke iso ekebe Jehovah; ema ekenyuŋ esibe ibuot Dagon ye ubɔk esie mbiba efep, eduɔk ke asaŋudɔk: obukpit Dagon ikpɔŋ-ikpɔŋ ɔsuhɔ ɔnɔ enye.