JEREMIAH 10:10 - Edisana ñwed Abasi Ibom

¹⁰ Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 10:10 ပူးပေါင်းရင်းမြစ်များ

GENESIS 21:33

Ndien Abraham ɔtɔ eto ke Beer-sheba onyuŋ okot enyiŋ

1 NDIDEM 18:39

Ndien kpukpru owo ekut, enyuŋ eduɔŋɔ ke isɔŋ, ekubi iso mmɔ: ndien mmɔ edɔhɔ ete, Jehovah edi Abasi! Jehovah edi Abasi!

1 NDIDEM 8:60

man kpukpru obio ke ererimbot efiɔk ete ke Jehovah edi Abasi; efen iduhe du.

1 CHRONICLES 29:11

O Jehovah, ubom, ye odudu, ye ubɔŋ, ye akakan, ye uteŋe edi okuomɔ: koro kpukpru ŋkpɔ ke enyɔŋ ye ke isɔŋ emenyene fi; O Jehovah, itie edidem edi okuo, afo onyuŋ okoŋ nte etubom kpukpru.

2 CHRONICLES 15:3

Usen enyuŋ ewak emi Israel minyeneke Abasi akpanikɔ, minyuŋ inyeneke oku eke etemede, minyuŋ inyeneke ŋwed ibet.

ŊWED JOB 9:6

Emi enyeŋede ererimbot osio ke ɔtɔ esie efep, mme obubɔk esie enyuŋ ebomo mbai-mbai.

ŊWED MME PSALM 10:16

Jehovah edi edidem ke nsinsi nsinsi: emesobo mme idut ke isɔŋ esie efep.

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

ŊWED MME PSALM 100:5

Koro Jehovah ɔmɔfɔn; ima esie ebigi ke nsinsi; akpanikɔ esie onyuŋ ebigi ke ofuri emana.

ŊWED MME PSALM 104:32

Enye owuk enyin ese isɔŋ, ndien isɔŋ enyek: otuk ikpɔ obot, ndien mmɔ ewɔrɔ nsuŋ-ikaŋ.

ŊWED MME PSALM 114:7

O isɔŋ, enyik idem ke iso Ɔbɔŋ, ke iso Abasi Jacob;

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ŊWED MME PSALM 146:6

emi akanamde enyɔŋ, ye isɔŋ, inyaŋ, ye kpukpru se idude mmɔ ke esit: emi onimde akpanikɔ ke nsinsi:

ŊWED MME PSALM 18:7

Ndien isɔŋ aduai onyuŋ enyek; se ikpɔ obot edade ke esit etimere onyuŋ aduai, koro esit ayatde Enye.

ŊWED MME PSALM 29:10

Jehovah eketie ke ini ukwɔ: Jehovah onyuŋ etie nte edidem ke nsinsi.

ŊWED MME PSALM 31:5

Nyeda spirit mi nsin fi ke ubɔk: Jehovah Abasi akpanikɔ, afo amafak mi.

ŊWED MME PSALM 42:2

Itɔŋ Abasi, kpa eke Abasi uwem, amasat mi ukpɔŋ; ke ini ewe ke ndikeme ndika ŋkowut Abasi idem mi?

ŊWED MME PSALM 68:11

Ɔbɔŋ ɔnɔ uyo: ibat emi ekwɔrɔde edi akamba udim.

ŊWED MME PSALM 68:8

Isɔŋ enyek, ikpa-enyɔŋ ŋko ɔtɔi ke iso Abasi: Sinai oro (enyek) ke iso Abasi, Abasi Israel.

ŊWED MME PSALM 74:12

Ndien Abasi edi edidem mi toto ke eset, ke anam eriyaŋa ke ufɔt isɔŋ.

ŊWED MME PSALM 76:7

Afo, kpa afo, emenyene ndik: ndien anie ekeme ndida fi ke iso, ke ini nte esit ayatde fi?

ŊWED MME PSALM 76:8

Afo etie ke enyɔŋ anam ekop ikpe; isɔŋ edikhe onyuŋ odobo,

ŊWED MME PSALM 77:18

Uyom utuak-enyɔŋ fo okodu ke oyobio: obuma eŋwaŋa ekondo: isɔŋ otimere onyuŋ enyek.

ŊWED MME PSALM 84:2

Okure Jehovah ɔdɔŋ mi ukpɔŋ tutu akpa mba; esit mi ye obukidem mi ekwɔ enɔ Abasi uwem.

ŊWED MME PSALM 9:8

Ndien edi enye edikpe ererimbot ke eti ido; edikpe mme obio nte enende.

ŊWED MME PSALM 90:11

Anie owo ɔfiɔk odudu iyaresit fo, ye ifuresit fo, nte ekemde ke uteŋe fo?

ŊWED MME PSALM 90:2

Ke ini ikpɔ obot mika-imanake kaŋa, ke afo muka-ubotke kaŋa isɔŋ ye ererimbot, kpa ke nsinsi-nsinsi afo edi Abasi.

ŊWED MME PSALM 93:2

Ebekpo fo ɔkɔwuhɔ ke eset: afo odu ke nsinsi.

ŊWED MME PSALM 97:4

Obuma esie aŋwaŋa ekondo: isɔŋ okut, ndien enyek idem.

ISAIAH 37:17

O Jehovah, kpaŋ utɔŋ fo nyuŋ kop: O Jehovah, tat enyin fo nyuŋ se: nyuŋ kop kpukpru ikɔ Sennacherib emi ɔdɔŋde edisuene Abasi uwem.

ISAIAH 37:4

Mme Jehovah Abasi fo eyekop ikɔ Rabshakeh emi ete esie edidem Assyria ɔkɔdɔŋde ndisuene Abasi uwem; onyuŋ asua ɔnɔ ikɔ emi Jehovah Abasi fo okopde: menere ndien mkpeubɔk baŋa nsuhɔ emi edude mi.

ISAIAH 40:15

Sese, mme idut ebiet ntɔi mmɔŋ ke abaŋ, enyuŋ ebat mmɔ nte obu ke balance: sese, enye eyemen mme isuo nte ata ekpri ŋkeŋe.

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 65:16

eke owo eke edidiɔŋde idem esie ke isɔŋ edidade Abasi akpanikɔ ɔdiɔŋ; ye owo eke ediŋwɔŋɔde ke isɔŋ edidade Abasi akpanikɔ ɔŋwɔŋɔ; koro emefre akpa ndutuhɔ: koro mmɔ enyuŋ edibede mi ke enyin.

JEREMIAH 23:36

Ndien mbufo iditiŋke aba uyo Jehovah: koro ikɔ owo eyedi uyo (Jehovah) esie; ndien mbufo emeyut ikɔ Abasi uwem, kpa eke Jehovah mme udim, Abasi nnyin.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 4:24

Nse ikpɔ obot, ndien sese, mmɔ enyek, kpukpru ŋkpri obot enyuŋ efefum.

JEREMIAH 50:46

Uyo ete, “Emeda Babylon,” esin isɔŋ enyek, enyuŋ ekop eseme ke otu mme idut.

JEREMIAH 51:29

Ndien isɔŋ eyenyek onyuŋ okop ubiak: koro uduak Jehovah ete inim isɔŋ Babylon ke ndon anana owo eke oduŋde, eyesu ɔnɔ Babylon.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 6:26

Mmowuk ewuhɔ nte ke kpukpru ebiet eke ndide ɔbɔŋ ye edidem, yak owo ebak enyuŋ efehe Abasi Daniel: koro edi enye edi Abasi uwem, enye onyuŋ ebigi ke nsinsi, ubɔŋ esie onyuŋ edi se midibiarake, ndien enye eyedi edidem ke nsinsi.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

NAHUM 1:5

Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

NAHUM 1:6

Anie ekeme ndibigi ke iso ifuresit esie? Anie onyuŋ ekeme ndida ke ikaŋ iyaresit esie? Enye aŋwaŋa ifuresit esie nte ikaŋ, onyuŋ obom ikpɔ itiat.

HABAKKUK 3:10

Ikpɔ obot ekut fi, emiaŋa; akwa edim mmɔŋ asaŋa ebe: inyaŋ ibom osioro uyo esie, emenere ubɔk esie ke enyɔŋ.

HABAKKUK 3:6

Enye atuak ada, onyuŋ enyeŋe isɔŋ: ese, onyuŋ anam mme idut enyek idem; ndien ŋkani obot esuana mbak-mbak; nsinsi ŋkpri obot esuhɔre: nsinsi usuŋ edi esie.

MALACHI 3:2

Edi anie ekeme ndiyɔ usen eridi esie? Anie owo ekeme ndida ke ini enye ayararede idem esie? Koro enye ebietde ikaŋ usɔ-gold, onyuŋ ebiet soap mme ɔdiɔŋ-ɔfɔŋ:

MATTHEW 16:16

Simon Peter ɔbɔrɔ Enye ete, Afo edi Christ, Eyen Abasi uwem.

MATTHEW 26:63

Edi Jesus isioroke uyo. Ntre ke akwa oku ɔdɔhɔ Enye ete, Mmowuk Fi ke enyiŋ Abasi emi odude uwem, nte, asian nnyin me Afo edi Christ, Eyen Abasi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

MME HEBREW 10:31

Edi ata ŋkpɔ ndik ndiduɔ nsine ke ubɔk Abasi emi odude uwem.

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

JUDGES 5:4

O Jehovah; ke ini afo otode ke Seir, ke ini afo otode ke isɔŋ Edom asaŋa; isɔŋ enyek, enyɔŋ onyuŋ ɔtɔi, mbubit enyɔŋ enyuŋ etɔi mmɔŋ.

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.