JEREMIAH 1:9 - Edisana ñwed Abasi Ibom

⁹ Ndien Jehovah anyanare ubɔk esie otuk mi inua. Jehovah onyuŋ ɔdɔhɔ mi, ete, Sese, mmesin fi ikɔ mi ke inua.

JEREMIAH 1:9 ပူးပေါင်းရင်းမြစ်များ

ISAIAH 49:2

Enye onyuŋ anam inua mi ebiet edisɔp ofut; omodip mi ke mfut ubɔk esiemɔ, onyuŋ anam mi ndi edisɔp idaŋ; odip mi ke odibe-idaŋ esie.

ISAIAH 50:4

Ɔbɔŋ Jehovah ɔmɔnɔ mi edeme mmɔ eke ekpepde ŋkpɔ, man mfiɔk ndida ikɔ ŋŋwam mmɔ eke ekpade mba: enye eyedemere, eyedemere mi utɔŋ kpukpru usen-ubɔk, man ŋkop kpa nte mmɔ eke ekpepde ŋkpɔ.

ISAIAH 51:16

Ŋkonyuŋ nsin fi ikɔ mi ke inua, nnyuŋ mfuk fi ke mfut ubɔk mi, man afo eneŋere ikpa-enyɔŋ, onyuŋ owuk isɔŋ ke itie esie, onyuŋ ɔdɔhɔ Zion, ete, Afo edi ikɔt mi.

ISAIAH 59:21

Ndien Jehovah ɔdɔhɔ ete, Ama edi ami, emi edi ediomi mi ye mmɔ: spirit mi emi odorode fi ke idem, ye ikɔ mi emi nsinde fi ke inua, idikpɔŋke inua fo, ye inua nditɔ fo, ye inua nditɔ nditɔ fo, ke emi ye ke nsinsi: emi edi uyo Jehovah.

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

JEREMIAH 34:6

Ndien Jeremiah prophet etiŋ kpukpru ikɔ emi ɔnɔ Zedekiah edidem Judah ke Jerusalem;

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

EZEKIEL 3:10

Ndien enye ɔdɔhɔ mi, ete, Eyen owo, da kpukpru ikɔ mi emi nditiŋde nnɔ fi sin ke esit fo, nyuŋ kop mmɔ ke utɔŋ fo.

DANIEL 10:10

Ndien sese, ubɔk edituk mi, onyuŋ emen mi etem ke edɔŋ mi ye ke eka-ubɔk mi.

DANIEL 10:16

Ndien, sese, owo kiet emi ebietde nditɔ owo edi edituk mi ke mkpɔk-inua. Ndien ntat inua mi nnyuŋ ntiŋ ikɔ, ndien ndɔhɔ enye oro adade mi ke iso, nte, Ɔbɔŋ mi, ŋkukut esin ukut mi akabare oduk mi ke idem, ndien nnyeneke aba odudu.

NUMBERS 23:5

Ndien Jehovah esin Balaam ikɔ ke inua, onyuŋ ɔdɔhɔ ete, Fiak edem tiene Balak, nyuŋ dɔhɔ ntem.

MATTHEW 10:19

Edi ke ini ediyakde mbufo enɔ, ekutimere esit ekere, me edidɔhɔ didie, me editiŋ nso; koro kpa idaha oro ke eyenɔ mbufo se editiŋde.

MARK 7:33

Jesus ɔkpɔŋ otu owo, ada owo oro ke idem esie ikpɔŋ, esin enye nnuenubɔk ke utɔŋ, onyuŋ ɔkɔk etap, otuk enye ke edeme;

LUKE 12:12

koro kpa ke idaha oro Edisana Spirit eyeteme mbufo se mbufo enyenede nditiŋ.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

DEUTERONOMY 18:16

kpasuk nte afo ekebeŋede Jehovah Abasi fo kpukpru ŋkpɔ ke Horeb, ke usen esop oro, ete, Kuyak ŋkop aba uyo Jehovah Abasi mi, kunyuŋ uyak ŋkut aba akwa ikaŋ emi, mbak ndikpakpa.

DEUTERONOMY 18:17

Ndien Jehovah ɔdɔhɔ mi, ete, Se mmɔ edɔhɔde ɔfɔn.

DEUTERONOMY 18:18

Nyenam prophet kiet, ebiet fi, adaha ada ke otu nditɔ-ete mmɔ, nyenyuŋ nda ikɔ mi nsin enye ke inua; ndien enye eyeda kpukpru se ami ntemede enye etiŋ ɔnɔ mmɔ.