JEREMIAH 1:16 - Edisana ñwed Abasi Ibom

¹⁶ Ndien nyetiŋ ikpe mi ye mmɔ, mbaŋa ofuri idiɔk ido mmɔ: koro mmɔ ekpɔŋde mi, enyuŋ efɔpde incense enɔ abasi efen, enyuŋ etuakde ibuot enɔ se ubɔk mmɔ ekenamde.

JEREMIAH 1:16 ပူးပေါင်းရင်းမြစ်များ

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 28:2

edi enye asaŋa ke usuŋ ndidem Israel, onyuŋ atara ŋkpɔ anam mbiet ɔnɔ Baalim.

2 CHRONICLES 34:25

koro mmɔ emekpɔŋ mi, enyuŋ efɔp uwa enɔ mme abasi efen, man mmɔ eyat mi esit ke kpukpru se ubɔk mmɔ enamde mmɔdo ndiŋwaŋade iyaresit mi ke ebiet emi, ndien enye idinimeke.

2 CHRONICLES 7:19

Edieke mbufo ema ewɔŋɔre, enyuŋ ekpɔŋ mme ewuhɔ mi ye ibet mi, emi nnimde ke iso mbufo, ema enyuŋ eka ekenam ŋkpɔ mme abasi efen, enyuŋ etuak ibuot enɔ mmɔ:

ISAIAH 2:8

Nsu-nsu abasi enyuŋ eyɔhɔ ke isɔŋ mmɔ: mmɔ etuak ibuot enɔ utom ubɔk mmɔ, enɔ se nnuen-ubɔk mmɔ enamde.

ISAIAH 37:19

ema enyuŋ esin mme abasi mmɔ ke ikaŋ: koro mmɔ mikedige Abasi, edi se ubɔk owo akanamde, kpa eto ye itiat: ndien esobo mmɔ.

ISAIAH 44:15

Ndien enye akabare edi se owo adade abara ikaŋ; enye onyuŋ ada usuk mmɔ ewebe ikaŋ, ŋkɔm enye abara ikaŋ, ndien asaŋ uyo; ŋkɔm enye anam abasi ŋko, ndien owuk ubɔk; enye ada enye ɔsɔi mbiet, ndien ɔnuhɔ ɔnɔ mmɔ.

ISAIAH 65:3

mbio emi eyatde mi esit aŋwa-aŋwa kpukpru ini; eke ewade uwa ke iŋwaŋ-esa, enyuŋ efɔpde incense ke mme brick:

JEREMIAH 10:15

Mmɔ edi ikpikpu, ŋkpɔ nsahi, eyetak ke ini ufen mmɔ. Udeme Jacob ibietke mmɔ emi ŋkpɔ:

JEREMIAH 10:3

Koro mme ewuhɔ mme idut edide oburobut: koro edide eto, owo ekpi enye osio ke akai, utom ubɔk owo usɔ ye ekuri.

JEREMIAH 11:12

Ndien mme obio Judah ye mme andiduŋ Jerusalem eyeka ekeseme enɔ mme abasi oro mmɔ ekefɔpde ŋkpɔ enɔ mmɔ: edi mmɔ idikemeke ndinyaŋa mmɔ ke ini ukut mmɔ.

JEREMIAH 11:17

Ndien Je-hovah mme udim emi ɔkɔtɔde fi ke isɔŋ, ɔdɔhɔ idiɔk abaŋa fi, abaŋa idiɔk ido ufɔk Israel, ye eke ufɔk Judah oro mmɔ ekenamde ke idem mmɔ, enyuŋ eyatde mi esit ke erifɔp ŋkpɔ nnɔ Baal.

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 16:11

Ndien dɔhɔ mmɔ, ete, Jehovah ɔdɔhɔ ete, Koro mme ete mbufo ekekpɔŋde mi, enyuŋ ebinede abasi efen, ekenyuŋ enamde ŋkpɔ enɔ mmɔ, enyuŋ etuakde ibuot enɔ mmɔ, ekenyuŋ ekpɔŋde mi, mikonyuŋ inimke mme ewuhɔ mi;

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

JEREMIAH 18:15

Koro ikɔt mi ema efre mi, efɔp ŋkpɔ enɔ ŋkpɔ nsu, mmɔ esin mmɔ eduɔŋɔ ke usuŋ mmɔ, kpa ɔkpɔ-usuŋ eset, ndien mmɔ esaŋa ke afaŋ, kpa usuŋ eke midiɔŋke.

JEREMIAH 19:4

Koro mmɔ ekpɔŋde mi, enyuŋ enimde ebiet emi ke esen ebiet, enyuŋ efɔpde ŋkpɔ ke esit enɔ abasi efen, eke mmɔ, ye mme ete mmɔ, ye ndidem Judah mikɔfiɔkke, enyuŋ eduɔk iyip owo eke miduehe isop eyɔhɔ ke ebiet emi;

JEREMIAH 2:13

Koro ikɔt mi emenam idiɔk ŋkpɔ iba; emekpɔŋ mi idim mmɔŋ uwem, enyuŋ etibi obube enɔ idem mmɔ, kpa ndisiaha obube eke mikamake mmɔŋ.

JEREMIAH 2:17

Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 2:28

Ndien mme abasi fo oro afo akanamde ɔnɔ idem fo edu mmɔŋ? Yak mmɔ edaha ke enyɔŋ, edieke mmɔ edikemede ndinyaŋa fi ke ini ukut fo: koro mme abasi fo ekemde ibat mme obio fo, O Judah.

JEREMIAH 4:12

ofum eke akande mme mmɔ emi eyesim mi: ke emi ŋko ami nyenɔ uyo ikpe mbaŋa mmɔ.

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

JEREMIAH 44:17

koro nnyin miditreke ndinam kpukpru ikɔ eke etode nnyin ke inua, nnyuŋ mfɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ntɔhɔ uwa ediŋwɔŋ ŋkpɔ nnɔ enye, kpa nte nnyin, ye mme ete nnyin, ye ndidem nnyin, ye mbɔŋ nnyin ikenamde ke mme obio Judah, ye ke mme efak Jerusalem, ndien idia udia iyuhɔ, inyuŋ ikut ufɔn, inyuŋ ikwe baba idiɔk-ŋkpɔ kiet.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?

JEREMIAH 51:17

Kpukpru owo eke minyeneke ifiɔk etie nte unam: edisɔi mbiet anam kpukpru mme anditara enyene but: koro editara mbiet esie edide nsu, baba spirit inyuŋ iduhe mmɔ ke idem.

JEREMIAH 7:17

Nte afo ukwe se mmɔ enamde ke mme obio Judah ye ke mme efak Jerusalem?

JEREMIAH 7:18

Nditɔwɔŋ etaŋ ifia, mme ete enyuŋ ebara ikaŋ, iban enyuŋ ebuen ndom-uyo, man enam mfefere uyo enɔ ɔbɔŋ aŋwan enyɔŋ, enyuŋ enwaŋa ediŋwɔŋ uwa enɔ abasi efen, enyuŋ eyat mi esit. Jehovah ɔdɔhɔ, ete, Nte edi ami ke mmɔ eyat?

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

EZEKIEL 16:18

Afo okonyuŋ ada ŋwet-ŋwet edisine-ŋkpɔ fo ofuk mmɔ, onyuŋ ada aran mi ye incense mi onim ke iso mmɔ.

EZEKIEL 24:14

Ami Jehovah ndɔhɔ: enye edi, ami nnyuŋ nnam: ndiyakke, ndinyuŋ nnyeneke mbɔm, ndinyuŋ ntuaha mkpɔfiɔk. Mmɔ eyenam ikpe ye afo nte ekemde ye ido fo, ye se afo akanamde. Emi edi uyo Ɔbɔŋ Jehovah.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

HOSEA 8:6

Koro emi ŋko otode ke Israel: mbon-usɔ ekenam enye; ndien enye idige Abasi: koro eyenenaŋ Samaria eyekabare edi nsuhɔ-nsuhɔ.

JOEL 2:11

Ndien Jehovah ebem mbon-ekɔŋ esie iso ŋko osioro uyo: koro nna-ekɔŋ esie okponde eti-eti: koro enye edide ɔkpɔsɔŋ, anam uyo esie: koro usen Jehovah okponde onyuŋ enyenede ndik eti-eti: ndien anie ekeme ndiyɔ enye?

UTOM MME APOSTLE 7:41

Ntre ke mmɔ ebot eyen-enaŋ ke mme usen oro, enyuŋ eda uwa esɔk idem oro, enyuŋ edat esit ke utom ubɔk mmɔ.

DEUTERONOMY 28:20

Jehovah eyedɔŋ isuŋi, ye ndik, ye nduari, etiene fi, ke kpukpru se afo edinyande ubɔk fo ke esit ndinam, tutu edisobo fi ema, tutu afo onyuŋ atak ke iwiwa; kabaŋa mme idiɔk ido fo: koro afo ɔkɔkpɔŋde mi.

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

JOSHUA 24:20

Edi mbufo ema ekpɔŋ Jehovah, enyuŋ enam ŋkpɔ enɔ isen abasi, enye eyekabare, ndien, anam mbufo idiɔk, onyuŋ osobo mbufo, okposuk edi eke enye ɔkɔfɔnde ye mbufo.

ERIYARARE 9:20

Ndien owo eke esuhɔde, eke miwotke mmɔ ke ufen emi, ikabakere esit ikpɔŋ ubɔk-utom mmɔ; mmɔ inyuŋ itreke ndituak ibuot nnɔ mme demon, ye ndem o-gold ye silver ye okpoho ye itiat ye eto, eke mikemeke ndikut usuŋ, ndinyuŋ ŋkop ikɔ, ndinyuŋ nsaŋa.