JEREMIAH 1:15 - Edisana ñwed Abasi Ibom

¹⁵ Koro, sese, ami mmɔŋ ŋkot kpukpru mme ubon mme idut edem edere, Jehovah ɔdɔhɔ; ndien mmɔ eyedi, kpukpru mmɔ eyenyuŋ ediɔk ebekpo mmɔ ke inua-otop Jerusalem, ye ke enyɔŋ kpukpru ibibene esie ekan ekuk, ye ke kpukpru mme obio Judah.

JEREMIAH 1:15 ပူးပေါင်းရင်းမြစ်များ

ISAIAH 22:7

Edikem, mme chariot eyɔhɔ ke ata nti ebedeŋ fo, mbio horse enyuŋ etuak eda ekpere inua-otop.

JEREMIAH 10:22

Uyo etop! sese, ke edi. Akamba mkpo onyuŋ oto ke idut edere edi, ndinim mme obio Judah ke ŋkpɔ nditaha, ye ke iduŋ mme jackal.

JEREMIAH 10:25

Ŋwaŋa iyaresit fo ke idem mme idut eke mifiɔkke fi, ye ke mme ufɔk eke mikotke fi enyiŋ: koro emedia Jacob, mmɔ esuk eta enye, enyuŋ etak enye, enyuŋ esobo iduŋ esie.

JEREMIAH 13:20

Mbufo emenere enyin mbufo enyuŋ ese, mmɔ ke eto ke edem edere edi: enye otu ufene oro ekenɔde fi, kpa ediye otu ufene fo?

JEREMIAH 25:28

Ndien ama ekem, ke mmɔ minyimeke ndibɔ fi cup emi ke ubɔk ŋŋwɔŋ, dɔhɔ mmɔ ndien, ete, Ntem ke Jehovah mme udim ɔdɔhɔ, ete, Mbufo iditreke ndiŋwɔŋ.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 33:10

Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,

JEREMIAH 34:1

UYO emi okoto Jehovah osim Jeremiah, ke ini Nebuchadnezzar edidem Babylon ye ofuri mbon-ekɔŋ esie, ye kpukpru mme idut ke edem emi ubɔk esie akarade, ye kpukpru mme obio, eŋwanade ekɔŋ ye Jerusalem, ye kpukpru mme obio mmɔ, ete,

JEREMIAH 34:22

Jehovah ɔdɔhɔ ete, Sese, ami mmɔŋ ŋwuk, nnyuŋ nda mmɔ mfiak ndi ke obio emi; ndien mmɔ eyeŋwana ekɔŋ ye enye, enyuŋ eda enye, enyuŋ efɔp enye ke ikaŋ: ndien nyenim mme obio Judah ke ŋkpɔ nsobo tutu anana owo eke oduŋde.

JEREMIAH 39:3

Ndien kpukpru ikpɔ owo edidem Babylon edi editie ke esine ufɔt inua-otop; Nergal - sharezer, Samgar-nebo, Sarsechim etubom mme eunuch, Nergal-sharezer etubom mbon ifiɔk, ye kpukpru ikpɔ owo edidem Babylon eken.

JEREMIAH 4:16

Mbufo etɔt mme idut; sese, mbufo ekwɔrɔ ebaŋa Jerusalem, ete ke mbon ukuk-obio eto ke anyan idut edi, enyuŋ emenere uyo mmɔ efiori ebaŋa mme obio Judah.

JEREMIAH 4:6

Mbufo emenere banner ke enyɔŋ ke Zion: efeŋe itɔk: ekutuak eda: koro ami mmɔŋ nda idiɔk ye akwa ŋwure ke edem edere ndi.

JEREMIAH 43:10

Ntem ke Jehovah mme udim Abasi Israel ɔdɔhɔ, ete, Sese, ami nyedɔŋ ekeda Nebuchadrezzar edidem Babylon owo mi edi, nyenyuŋ ndori ebekpo esie ke enyɔŋ mme itiat emi ndipde; ndien enye eyetat ediye ɔfɔŋ ebekpo esie ke enyɔŋ mmɔ.

JEREMIAH 44:6

Ndien ami ŋkaŋwaŋa ifuresit mi ye iyaresit mi, ndien enye asak ke mme-obio Judah, ye ke mme efak Jerusalem; ndien mmɔ ekabare edi ndon ye ndobo, kpa nte edide mfin emi.

JEREMIAH 46:24

Mmɔ esuene adiaha Egypt; eda enye esin ke ubɔk mbon edere.

JEREMIAH 5:15

Jehovah ɔdɔhɔ ete, Sese, ami mmɔŋ nda idut ke anyan ebiet ndi ntiene mbufo, O ufɔk Israel: idut oro edi ɔkpɔsɔŋ, idut oro oto ke eyo oko, afo udufiɔkke usem idut oro, udunyuŋ ukopke se mmɔ edidɔhɔde.

JEREMIAH 6:22

Ntem ke Jehovah ɔdɔhɔ, ete, Sese, idut kiet oto ke edem edere edi, akamba idut eyenyuŋ edemere ke ŋkaŋ ererimbot.

JEREMIAH 9:11

Ndien nyenim Jerusalem ke ibombom, ye ke nna mme jackal; nyenyuŋ nnim mme obio Judah; ke ndobo, enana owo eke eduŋde.

ŊWED ESEME 5:11

Mmɔ eke esabare iban ke Zion, esabare nditɔ-iban ke mme obio Judah.

EZEKIEL 32:30

Mbon edem edere kpukpru mmɔ do, ye kpukpru mme Zidonian emi eketienede mmɔ oro ekekpaŋade afai, esuhɔre; ndik mmɔ emi okotode ke uko mmɔ esin mmɔ but; ndien mmɔ esuhɔre nte mbon edut ena ye mmɔ oro ekewotde ke ofut, mmɔ enyuŋ ebiom esuene mmɔ ye mmɔ emi esuhɔrede ke obube.

JOEL 2:20

Ndien nyesio idut edem edere mfep ŋkpɔŋ mbufo anyan usuŋ, nnyuŋ mbin enye nsin ke edisat ye ikpikpu isɔŋ, iso esie eyese inyaŋ edem usiaha-utin, edem esie eyenyuŋ ese inyaŋ edem usop-utin, ndien utebe esie eyedɔk, uŋwak esie eyenyuŋ ɔdɔk, koro enye anamde ikpɔ ŋkpɔ.

ZECHARIAH 6:6

Eke mbubit horse edude ke esit eto eka idut edem edere; mfia enyuŋ etiene mmɔ eka; ndien mme ntɔi-ntɔi enyuŋ ewɔŋɔ eka edem usuk.