JAMES 5:9 - Edisana ñwed Abasi Ibom

⁹ Nditɔ-ete, ekusuk kiet eken uyo, mbak owo edikpe ikpe ye mbufo; sese, Ebiere-ikpe ke ada ke enyin-usuŋ.

JAMES 5:9 ပူးပေါင်းရင်းမြစ်များ

GENESIS 4:7

Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

ŊWED MME PSALM 59:15

Mmɔ eyeyɔrɔ eyom udia; miyuhɔke, mmɔ eyedaŋ ke okoneyo.

EZEKIEL 7:12

Ini emedi usen emekpere: owo eke edepde ididatke esit; owo eke anyamde idinyuŋ ituaha: koro ifuresit odorode ofuri otu owo esie.

LEVITICUS 19:18

Kusio usiene, kunyuŋ ukɔk nditɔ obio mbufo ekikɔhɔ edi ma mbɔhiduŋ fo nte idem fo: ami ndi Jehovah.

MATTHEW 24:33

kpasuk ntre mbufo ŋko, ke ini ekutde kpukpru ŋkpɔ emi, efiɔk ete Enye ke ekpere, odu ke enyin-usuŋ.

MARK 13:29

Kpasuk ntre mbufo ŋko, ke ini ekutde nte ŋkpɔ emi etibede, efiɔk ete Enye ke ekpere, odu ke enyin-usuŋ.

MARK 6:19

Edi Herodias ayat esit ye John, onyuŋ oyom ndiwot enye:

1 ŊWED CORINTH 10:11

Mme ŋkpɔ emi ekɔwɔrɔ mmɔ, man edi uwut-ŋkpɔ enɔ owo; ekenyuŋ ewet mmɔ ndida nteme nnyin, emi utit mme eyo ama osim nnyin.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

2 ŊWED CORINTH 9:7

Yak kpukpru owo kiet kiet ɔnɔ nte enye akaduakde ke esit esie: okunɔ ye mfuhɔ-esit, okunyuŋ ɔnɔ oto ke erinyenyik; koro Abasi amama owo eke ɔnɔde ke inemesit.

ŊWED MBON GALATIA 5:14

Koro ofuri ibet oduk ɔdɔŋɔ ke ikɔ kiet, kpa ke ikɔ emi, Ma mbɔhiduŋ fo nte amade idem fo.

ŊWED MBON GALATIA 5:26

Nnyin ikutaŋ idem, ikuyat kiet eken esit, ikunyuŋ ifibe ufup ye kiet eken.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

JAMES 4:12

Ɔnɔ-ibet ye ebiere-ikpe kiet kpɔt odu, kpa Enye emi ekemede ndinyaŋa nnyuŋ nsobo: ama edi afo, afo edi anie eke ekpede mbuɔhiduŋ fo?

JAMES 5:10

Nditɔ-ete, eda mme prophet, emi eketiŋde ŋkpɔ ke enyiŋ Jehovah, nte uwut-ŋkpɔ ke erisɔŋ esit mbiom ukut.

JAMES 5:7

Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

1 PETER 4:5

Edi mmɔ eyenyene ndibɔrɔ mbaŋa ŋkpɔ emi nnɔ Enye emi etiede ebet ndikpe mme odu uwem ye mme akpa-mkpa.

1 PETER 4:9

Eda kiet eken eduk ke ufɔk, ekusuk uyo.

ERIYARARE 3:20

Sese, ndada ke usuŋ ntuak; edieke owo okopde uyo Mi onyuŋ osiode usuŋ, nyeduk ntiene enye, ndia ŋkpɔ ye enye, enye onyuŋ adia ŋkpɔ ye Ami.