JAMES 5:7 - Edisana ñwed Abasi Ibom

⁷ Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

JAMES 5:7 ပူးပေါင်းရင်းမြစ်များ

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

JOEL 2:23

Mbufo nditɔ Zion ebre ndien mbre, enyuŋ edara Jehovah Abasi mbufo; koro enye ɔnɔde mbufo akpa edim nte enende, onyuŋ anam akpa edim ye akpatre edep ɔnɔ mbufo, kpa nte eke akpa.

ZECHARIAH 10:1

MBUFO ebeŋe Jehovah edim ke ini akpatre edim: Jehovah anam mineŋ-mineŋ, ndien enye eyeda ɔkpɔsɔŋ edim ɔnɔ mmɔ, ɔnɔ kpukpru owo mbiet iŋwaŋ.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 16:28

Ke akpanikɔ ke ndɔhɔ mbufo nte, ndusuk owo edu ke otu mmɔ emi edade mi, emi miditabike mkpa, tutu mmɔ ekut Eyen Owo edide ndida ubɔŋ.

MATTHEW 24:27

Koro nte emireŋ-mireŋ otode ke edem usiaha-utin ɔwɔrɔ ayama osim edem usop-utin, ntre ke eridi Eyen Owo eyedi.

MATTHEW 24:44

Mmɔdo mbufo nde ebeŋe idem; koro ke ini eke mbufo midorike enyin, Eyen Owo eyedi.

LUKE 18:8

Ndɔhɔ mbufo nte, Enye eyewara osio usiene ɔnɔ mmɔ. Edi ke adaŋemi Eyen Owo edidide, nte Enye eyekut mbuɔtidem ke isɔŋ?

LUKE 21:27

Adaŋoro ndien eyekut Eyen Owo odorode ke obubit enyɔŋ edi ye odudu ye akwa ubɔŋ.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

JOHN 21:22

Edieke nyomde enye osuk odu tutu ndi, nso mbubehe ke enyene do? afo kam tiene Mi.

JOHN 21:23

Ntem ke etop asuana ke otu nditɔ-ete, ete mbet oro idikpaha. Edi Jesus ikɔdɔhɔke Simon ite, mbet oro idikpaha; edi ɔkɔdɔhɔ ete, Edieke nyomde enye osuk odu tutu ndi, nso mbubehe ke enyene do?

ŊWED MBON ROME 15:4

Koro se ededi eke ekewetde ke ini oko, ke ekewet ndida ŋkpep nnyin ŋkpɔ, man nnyin inyene idori-enyin oto ke ime ye ndɔŋ-esit eke Ŋwed Abasi ɔnɔde.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

1 ŊWED CORINTH 1:7

ntre ke mbufo inanake baba enɔ kiet, ke ini mbufo etiede ebet eriyarare Ɔbɔŋ nnyin Jesus Christ,

ŊWED MBON GALATIA 5:5

Koro nnyin ida mbuɔtidem itie ke Spirit ibet edinen ido emi idoride enyin ndibɔ.

ŊWED MBON GALATIA 6:9

Eyak ikukpa mba ke erinam eti ŋkpɔ; koro ke edikem ini nnyin iyedɔk mbuŋwum, edieke nnyin miyakke idem emem nnyin.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

1 ŊWED THESSALONICA 2:19

Koro nso idi idori-enyin nnyin, ye idaresit nnyin, ye anyanya eke idade ibure mbure? Nte idige mbufo ke nnyin idida inam mbure ke iso Ɔbɔŋ nnyin Jesus ke adaŋemi Enye edidide?

1 ŊWED THESSALONICA 3:13

man oto do Enye anam esit mbufo enyene iwuk onyuŋ anana ndo ke edisana ido ke iso Abasi ye Ete nnyin, ke ini Ɔbɔŋ nnyin Jesus edidide ye kpukpru nti ikɔt Esie.

MME HEBREW 6:15

Ntre ke Abraham ɔkɔbɔ mme uŋwɔŋɔ Abasi ke enye ama ekeme anyan ime.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

JAMES 5:10

Nditɔ-ete, eda mme prophet, emi eketiŋde ŋkpɔ ke enyiŋ Jehovah, nte uwut-ŋkpɔ ke erisɔŋ esit mbiom ukut.

JAMES 5:3

Ŋkarafaŋ ama ata gold ye silver mbufo; ŋkarafaŋ oro eyenyuŋ edi ntiense abaŋa mbufo, eyeta obukidem mbufo nte ikaŋ. Mbufo ekɔkɔ inyene enim enɔ idem ke ukperedem usen.

2 PETER 3:4

Eridi eke Enye ɔkɔŋwɔŋɔde ete iyedi enye? koro tɔŋɔ nte mme ete ekede idap, kpukpru ŋkpɔ etie kpasuk nte eketiede toto ke eritɔŋɔ ererimbot.