JAMES 5:6 - Edisana ñwed Abasi Ibom

⁶ Mbufo emebiom edinen owo ikpe, emewot enye; enye iŋwanake ye mbufo.

JAMES 5:6 ပူးပေါင်းရင်းမြစ်များ

ISAIAH 5:23

eke enamde ikpe asana idiɔk owo ebaŋa enɔ, enyuŋ ebɔde owo utebe-ikpe ndinen owo!

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

MATTHEW 21:38

Edi ke ini mme ekpeme-iŋwaŋ ekutde eyen oro mmɔ eneme ke otu idem mmɔ ete, Emi edi andidia-ufɔk; ekam eyak iwot enye, inyuŋ idia ŋkpɔ-akpa esie.

MATTHEW 27:20

Edi ikpɔ oku ye mbiowo ewɔŋɔre mme otu owo esit, ete mmɔ ebeŋe eyak Barabbas enyuŋ ewot Jesus.

MATTHEW 5:39

Edi Ami ndɔhɔ mbufo nte, Ekuŋwana ye anam-idiɔk: edi owo ama oyibi fi ke mfuk nnasia, kabare mfuk eken nɔ enye.

UTOM MME APOSTLE 22:14

Enye onyuŋ ɔdɔhɔ ete, Abasi mme ete nnyin omonim fi ete ɔfiɔk uduak Imɔ, onyuŋ okut Enye emi enende, onyuŋ okop ikɔ eke otode Enye ke inua.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

UTOM MME APOSTLE 8:32

Itie emi enye okotde ke ŋwed Abasi edi emi, Eda enye nte eyen erɔŋ eka ndiwot; Ndien kpa nte eyen-erɔŋ misioroke uyo ke iso andifat enye idet, Kpa ntre enye inyuŋ itatke inua esie:

MME HEBREW 10:38

Edi edinen owo Mi edidu uwem ke mbuɔtidem: Ndien edieke enye edikhede afiak edem, ukpɔŋ Mi idikopke inemesit ke enye.

JAMES 2:6

Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?

JAMES 4:2

Mbufo ediɔk itɔŋ, ndien inyeneke; mbufo ewot owo, enyuŋ esin esit ke ŋkpɔ owo, ndien ikemeke ndida nnyene: mbufo eŋwana eŋwan, enyuŋ etop ekɔŋ: mbufo inyeneke, koro mbufo mibeŋeke.

1 PETER 4:18

Ndien edieke ɔsɔŋde eti-eti ndinen owo ndibɔhɔ, ŋkpɔ editie didie ye mmɔ emi mibakke Abasi ye moburobut owo?