JAMES 5:4 - Edisana ñwed Abasi Ibom

⁴ Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

JAMES 5:4 ပူးပေါင်းရင်းမြစ်များ

GENESIS 4:10

Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

ŊWED JOB 34:28

Ndinam eseme mme ubuene osim enye, ndien enye okop eseme mbon-ukut.

ŊWED JOB 7:2

Kpa nte ofin eke mfut ɔdɔŋde, ye anam-utom ke okuk, eke odoride enyin ke utip esie:

ŊWED MME PSALM 9:12

Koro enye etide mmɔ ke ini enye obupde ikɔ iyip: enye ifreke eseme mbon ukut.

EXODUS 22:27

Koro oro edide ufuhɔ-ŋkpɔ esie ikpɔŋ-ikpɔŋ; enye edi ɔfɔŋ ikpɔhidem esie: enye edina ke nso ide? Ndien ama ekem, ke ini enye esemede ɔnɔ mi, nyekop; koro ami ndide esit mbɔm.

EXODUS 3:9

Ndien, sese, eseme nditɔ Israel omosim mi: mmonyuŋ ŋkut ufik emi nditɔ Egypt efikde mmɔ.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

ISAIAH 5:9

Jehovah mme udim ɔdɔhɔ mi ke utɔŋ, ete, Kakpan ediwak ufɔk, ikpɔ ye nti, eyekabare edi ŋwure, koro owo eke oduŋde miduhe.

JEREMIAH 22:13

Osuk ɔdɔdiɔk ɔnɔ owo eke ɔbɔpde ufɔk esie ke utuk, ye ubet esie ke nnama; eke esinde mbɔhɔ-iduŋ esie anam utom ke ikpikpu, ndien minɔŋɔ enye ŋkpɔ-eyen-utom esie;

LEVITICUS 19:13

Kutuk mbɔhɔiduŋ fo: kunyuŋ nbume enye: kunyuŋ unam ŋkpɔ-eyen-utom owo eke afo ekpede, adaŋ ye afo tutu eyo esiere.

HABAKKUK 2:11

omonyuŋ anam idiɔk ye ukpɔŋ fo. Koro itiat etiede ke ibibene eseme, ndien eto umum ufɔk etiede ke obukpɔk eke ekɔŋde eyere enye (ete),

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 9:37

Ekem Enye ɔdɔhɔ mbet Esie, ete, Ke akpanikɔ idɔk okpon, edi mme anam-utom iwakke.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

ŊWED MBON ROME 9:29

Ŋko, kpa nte Isaiah ekebemde iso ɔdɔhɔ ete, Ke mikpedige Jehovah mme udim ayak ubon ɔsuhɔ ɔnɔ nnyin. Nnyin ikpakabare itie nte Sodom, ikponyuŋ ibiet Gomorrah.

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

ŊWED MBON COLOSSAE 4:1

MME ete-ufɔk, enɔ ifin mbufo se inende inyuŋ ikemde; sia efiɔkde ete mme imɔ ŋko imenyene ete-ufɔk ke heaven.