JAMES 5:20 - Edisana ñwed Abasi Ibom

²⁰ owo eke akabarede anam-idiɔk osio ke ndudue usuŋ esie, eyenyaŋa ukpɔŋ esie ke mkpa, onyuŋ ofuk ekese mme idiɔk-ŋkpɔ.

JAMES 5:20 ပူးပေါင်းရင်းမြစ်များ

ŊWED MME PSALM 32:1

ƆFƆFƆN ɔnɔ owo eke efende mme idiɔk ido esie, enyuŋ efukde ndudue esie.

MME ŊKE 10:12

Usua edemere utɔk: edi ima ofuk kpukpru ndudue.

MME ŊKE 10:2

Inyene idiɔk ido idoroke: edi edinen ido osio owo efep ke mkpa.

MME ŊKE 11:30

Mfri eti owo edi eto uwem; ndien eyene-ibuot owo omum ukpɔŋ.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

MME ŊKE 17:9

Owo eke ofukde ndudue oyom ima: edi owo eke ɔtɔŋɔde ntak emen ikɔ obuk, adianare mme ufan.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

ŊWED MBON ROME 11:14

man adaŋa nte ededi, nnam oruk mi efibe ufup, nnyuŋ nnyaŋa ndusuk mmɔ.

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

1 ŊWED CORINTH 9:22

Mmakabare ntie ye mbon mmemidem nte owo mmemidem, man nduri mbon mmemidem nda. Mmakabare ndi kpukpru ŋkpɔ nnɔ kpukpru owo, man nte ededi ŋkpekeme ndinyaŋa ndusuk mmɔ.

1ŊWED TIMOTHY 4:16

Tim kpeme idem fo, ye se afo ekpepde owo. Yire ke erinam utom emi; koro ke erinam utom afo eyenyaŋa idem fo ye mmɔ emi ekopde uyo fo.

PHILEMON 1:19

Ŋkɔm afo akama mi isɔn ebe oro, kpa idem fo.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

JAMES 5:15

ndien akam mbuɔtidem eyenyaŋa enye emi ɔdɔŋɔde, Ɔbɔŋ eyenyuŋ anam enye adaha ada; ndien edieke enye akanamde idiɔk-ŋkpɔ, eyefen enye.

JAMES 5:19

Nditɔ-ete mi, edieke owo mbufo ekededi oyode ɔkpɔŋ akpanikɔ, ndien owo efen akabarede enye; efiɔk ete,

1 PETER 4:8

Akan kpukpru ŋkpɔ, enyene ufiop-ufiop ima ke otu idem mbufo; koro ima ofukde ekese idiɔk-ŋkpɔ.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.