JAMES 5:14 - Edisana ñwed Abasi Ibom

¹⁴ Nte owo ɔd ɔŋɔ ke otu mbufo? yak enye okot mbiowo Ufɔk Abasi; mmɔ enyuŋ enuhɔ efuk enye ebɔŋ akam, eda aran eyet enye ke enyiŋ Ɔbɔŋ:

JAMES 5:14 ပူးပေါင်းရင်းမြစ်များ

1 NDIDEM 17:21

Ndien enye anyanare idem esie ke idem eyen utim ikata, onyuŋ eseme ɔnɔ Jehovah, ete, O Jehovah Abasi mi, mbɔk, yak ukpɔŋ eyen emi afiak oduk enye ke idem.

2 NDIDEM 4:33

Ndien enye oduk eberi usuŋ abaha mmɔ mbiba,

2 NDIDEM 5:11

Edi Naaman akpaha esit adaha, onyuŋ ɔdɔhɔ ete, Sese, Ŋkese nte ke enye ediwɔrɔ ada, okot enyiŋ Jehovah Abasi esie, onyuŋ ofuŋ ubɔk esie ke ɔtɔ, ndien anam akpa-mfia okure.

MARK 16:18

eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

MARK 6:13

Mmɔ enyuŋ ebin ediwak demon eduɔk, enyuŋ eyet ediwak mbon udɔŋɔ aran, enyuŋ enam udɔŋɔ ekure mmɔ.

UTOM MME APOSTLE 11:30

mmɔ enyuŋ enam ntem, enɔ enɔ mmɔ ke ubɔk Barnabas ye Saul esɔk mbiowo.

UTOM MME APOSTLE 14:23

Edi ke ema ekemek mbiowo enim enɔ mmɔ ke kpukpru ufɔk Abasi, enyuŋ ebɔŋ akam, enyuŋ etre udia, eyak mmɔ esin ke ubɔk Ɔbɔŋ emi mmɔ ekebuɔtde idem ye Enye.

UTOM MME APOSTLE 15:4

Edi ke ini mmɔ esimde Jerusalem, ufɔk Abasi ye mme apostle ye mbiowo edara mmɔ, mmɔ enyuŋ ebuk kpukpru se Abasi akadade mmɔ anam.

UTOM MME APOSTLE 28:8

Edi ufiopidem ye utɔrɔ-iyip anam ete Publius. Ndien Paul oduk ekese enye, ɔbɔŋ akam, onyuŋ odori enye ubɔk, anam udɔŋɔ okure enye.

UTOM MME APOSTLE 9:40

Edi Peter anam kpukpru mmɔ ewɔŋɔ, onyuŋ ɔtɔŋɔ edɔŋ, ɔbɔŋ akam; ndien akabare ese okpo, ete, Tabitha, daha ke enyɔŋ. Enye atat enyin esie; ndien ke ini enye okutde Peter, enye adaha etetie.

TITUS 1:5

Ŋkɔkpɔŋ fi ke Crete ke ntak emi, man afo eneŋere onim ŋkpɔ eke enanade, onyuŋ emek mbiowo onim ke obio ke obio, kpa nte ŋketemede fi;