JAMES 5:10 - Edisana ñwed Abasi Ibom

¹⁰ Nditɔ-ete, eda mme prophet, emi eketiŋde ŋkpɔ ke enyiŋ Jehovah, nte uwut-ŋkpɔ ke erisɔŋ esit mbiom ukut.

JAMES 5:10 ပူးပေါင်းရင်းမြစ်များ

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

ISAIAH 39:8

Ndien Hezekiah ɔdɔhɔ Isaiah, ete, Ikɔ Jehovah emi afo ɔdɔhɔde ɔfɔn. Enye onyuŋ ɔdɔhɔ ete, Koro emem ye akpanikɔ eyedu ke eyo mi.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 23:22

Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

JEREMIAH 26:16

Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

LUKE 13:34

O Jerusalem, Jerusalem emi owotde mme prophet, onyuŋ ɔtɔŋɔde mmɔ emi edɔŋde etiene fi ke itiat! Adaŋa ediwak ini didie ke ŋkoyom nditaŋ nditɔ fo mbon ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke!

LUKE 6:23

Edara ke usen oro, enyuŋ efrɔ ke idaresit: koro, sese, utip mbufo ke heaven omokpon; koro mme ete mmɔ ekenam kpasuk ntre ye mme prophet.

UTOM MME APOSTLE 3:21

emi heaven enyenede ndibɔ kaŋa ŋkama, tutu osim ini emi edinamde kpukpru ŋkpɔ etɔŋɔ ntak efɔn ema, kpa ini emi Abasi eketiŋde abaŋa enye ke inua ndisana prophet Esie, emi ekodude toto ke eritɔŋɔ ererimbot

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

MME HEBREW 13:7

Eti mmɔ emi ekadade mbuot usuŋ, emi eketiŋde ikɔ Abasi enɔ mbufo. Etim ese se uwem mmɔ ɔwɔrɔde ke akpatre, enyuŋ ekpebe mbuɔtidem mmɔ.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

JAMES 5:13

Nte owo okut ukut ke otu mbufo? Yak enye ɔbɔŋ akam. Nte owo odu ke inemesit? yak enye ɔkwɔ ikwɔ itoro.

JAMES 5:7

Eme ime ndien, nditɔ-ete tutu Ɔbɔŋ edi. Sese, ɔtɔ-iŋwaŋ etie ebet eti mbuŋwum isɔŋ, onyuŋ eme anyan ime, tutu enye okut akpa ye ukperedem edim.

JAMES 5:9

Nditɔ-ete, ekusuk kiet eken uyo, mbak owo edikpe ikpe ye mbufo; sese, Ebiere-ikpe ke ada ke enyin-usuŋ.