JAMES 4:8 - Edisana ñwed Abasi Ibom

⁸ esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

JAMES 4:8 ပူးပေါင်းရင်းမြစ်များ

GENESIS 18:23

Ndien Abraham asaŋa ekpere, ete, Nte afo eyenyuŋ osobo edinen owo ye mme idiɔk?

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED JOB 16:17

Idige koro afai odude mi ke ubɔk, ndien akam mi onyuŋ asana.

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED JOB 9:30

Ŋkpeyet idem ke mmɔŋ snow ŋkponyuŋ nda soap nnam ubɔk mi esana:

ŊWED MME PSALM 119:113

Nsasua mbon esit iba: edi mmama ido fo.

ŊWED MME PSALM 145:18

Jehovah emekpere kpukpru mmɔ eke esemede enɔ enye, kpukpru mmɔ eke esemede enɔ enye ke akpanikɔ.

ŊWED MME PSALM 18:20

Jehovah eyenam ye ami nte eti ido mi edide; eyenɔ mi nte ubɔk asanade mi.

ŊWED MME PSALM 24:4

Enye emi ubɔk asanade, esit minyuŋ ideheke; emi mimenekede ukpɔŋ esie inɔ nsu, minyuŋ iŋwɔŋɔke inɔ abiaŋa.

ŊWED MME PSALM 26:6

Nyeyet ubɔk mi esana: ndien nyekanare itie-uwa fo ŋkuk,

ŊWED MME PSALM 51:10

Bot edisana esit nɔ mi, O Abasi; nyuŋ nam obufa spirit eke ɔsɔŋɔde ada, sin mi ke idem.

ŊWED MME PSALM 73:13

Mmanam esit mi asana ikpikpu ikpikpu, monyuŋ nyet ubɔk mi ke edisana ido.

ŊWED MME PSALM 73:28

Edi ama edi ami, ɔfɔn mi ndikpere Abasi: mberedem ye Ɔbɔŋ Jehovah, man mbuk kpukpru mme utibe ŋkpɔ fo.

ISAIAH 13:15

Eyekim kpukpru owo eke mmɔ ekutde, ndien kpukpru owo eke mmɔ emumde eyeduɔŋɔ ke ofut.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ISAIAH 58:2

Ndien mmɔ eyeyom mi kpukpru usen, ifiɔk usuŋ mi eyenyuŋ enem mmɔ esit, nte idut eke anamde edinen ido, minyuŋ ikpɔŋke ikpe Abasi mmɔ. Mmɔ eyebeŋe mi mme ikpe eke enende: eritiene Abasi eyenem mmɔ esit.

JEREMIAH 4:11

Ke ini oro eyedɔhɔ mbio-obio emi ye Jerusalem, ete, Edifiop ofum ŋkokoŋo ebiet ke wilderness ke edi ke usuŋ adiaha oruk mi, idige ndisak, inyuŋ idige ndinam asana;

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

ŊWED ESEME 3:57

Afo asaŋa ekpere ke usen eke mfioride ŋkot fi: afo ɔdɔhɔ, ete, Kufehe.

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

ZECHARIAH 1:3

Dɔhɔ mmɔ, ndien, ete, Ntem ke Jehovah mme udim ɔdɔhɔ ete, Mbufo ekabare etiene mi, Jehovah mme udim ɔdɔhɔ, ndien ami nyekabare ntiene mbufo, Jehovah mme udim ɔdɔhɔ.

MALACHI 3:7

Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

MATTHEW 12:33

Enam eto ɔfɔn, enyuŋ enam mfri esie ɔfɔn; midige ntre, enam eto edi mbiara, enyuŋ enam mfri esie edi mbiara ŋko: koro eda mfri efiɔk eto.

MATTHEW 15:2

Nsinam mbet Fo ebiatde item mbiowo? koro mmɔ miyetke ubɔk, ndien edidia uyo.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

UTOM MME APOSTLE 15:9

Enye inyuŋ isinke ubahare ke ufɔt nnyin ye mmɔ, edi anam esit mmɔ asana oto ke mbuɔtidem.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 7:19

(koro ibet minamke baba ŋkpɔ kiet ɔfɔn ama), enyuŋ eda idori-enyin eke ɔfɔnde akan edian, emi nnyin isaŋade ke esit ikpere Abasi.

JAMES 1:8

enye edi owo esit iba, eke minyeneke nsɔŋɔ-nda ke kpukpru usuŋ esie.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.

1 SAMUEL 14:35

enyuŋ ewot mmɔ do. Ndien Saul anam itie-uwa ɔnɔ Jehovah: oro edi akpa itie-uwa eke enye ɔtɔŋɔde ndinam nnɔ Jehovah.