JAMES 4:4 - Edisana ñwed Abasi Ibom

⁴ Mbufo iban ŋka-owo, nte mbufo ifiɔkke ite, eridi ufan ye ererimbot edi eridi usua ye Abasi? mmɔdo owo ekededi eke oyomde ndidi ufan ye ererimbot anam idem usua ye Abasi.

JAMES 4:4 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ŊWED MME PSALM 21:8

Ubɔk fo eyesim kpukpru mme asua fo: ubɔk nnasia fo eyesim mbio utɔk fo.

ŊWED MME PSALM 50:18

Ke ini afo okokutde mmɔ, afo onyime ɔnɔ enye, udeme fo onyuŋ odu ye mbon efibe.

ŊWED MME PSALM 73:27

Koro, sese, mmɔ eke edianarede ekpɔŋ fi anyan usuŋ, eyetak: afo omosobo mmɔ eke ekpɔŋde fi enam use.

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 9:2

Ŋkpakam nnyene ataya mbon-isaŋ ke desert; ndien ŋkpɔkpɔŋ ikɔt mi, nnyuŋ ndaha ke ebiet mmɔ: koro kpukpru mmɔ edide mme esin efibe, ye esop mbon abiaŋa.

EZEKIEL 16:32

ŋwan eke esinde efibe ke odude ke idak ubɔk ebe esie, aka isen owo!

HOSEA 3:1

NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

MATTHEW 12:39

Edi Enye ɔbɔrɔ mmɔ ete, Idiɔk emana eke amade efibe oyom idiɔŋɔ; ndien idinɔŋɔ enye idiɔŋɔ, ibɔhɔke idiɔŋɔ prophet Jonah.

MATTHEW 16:4

Emana eke ediɔkde enyuŋ esaŋade esin efibe eyom idiɔŋɔ; ndien idinɔŋɔ mmɔ baba idiɔŋɔ kiet, ibɔhɔke idiɔŋɔ Jonah. Ekem Enye ɔkpɔŋ mmɔ adaha.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

LUKE 19:27

Edi ama edi mme asua mi emi mikoyomke ami ŋkara mmɔ, eda mmɔ edi mi, enyuŋ ewot mmɔ ke iso mi.

JOHN 15:19

Edieke mbufo ekpedide mbon ererimbot, ererimbot akpama ikɔt esie: edi sia mbufo midige mbon ererimbot, edi Ami ŋkemekde mbufo nsio ke ererimbot, ke ntak oro ererimbot asua mbufo.

JOHN 17:14

Ami ŋkayak ikɔ Fo nnɔ mmɔ; ndien ererimbot asasua mmɔ, koro mmɔ midige eke ererimbot, kpa nte ami mmendige eke ererimbot.

JOHN 7:7

Ererimbot ikemeke ndisua mbufo; edi asua Mi, koro Ami nditiŋde ikɔ-ntiense ndian enye nte, se enye anamde ɔdiɔk.

ŊWED MBON ROME 5:10

Koro edieke Abasi akadade mkpa Eyen Esie esin emem ke ufɔt nnyin ye Idem Esie ke adaŋemi nnyin ikedide mme asua, ŋwaŋwaediso, sia ima ikabare itie ke emem ye Enye, ke Abasi eyeda uwem Eyen Esie anyaŋa nnyin.

ŊWED MBON ROME 8:7

koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.

1 ŊWED CORINTH 1:20

Enye owo eti ibuot? Enye andiwet ŋwed? Enye eneni eneni eyo emi? Nte Abasi ikanamke ifiɔk mbon ererimbot emi akabare edi ndisime?

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.