JAMES 4:10 - Edisana ñwed Abasi Ibom

¹⁰ Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

JAMES 4:10 ပူးပေါင်းရင်းမြစ်များ

2 CHRONICLES 7:14

ndien edieke ikɔt mi emi esiode mmɔ enyiŋ mi, editukde idem mmɔ, enyuŋ ekpe mi ubɔk, enyuŋ eyom mi iso, enyuŋ ekabare ekpɔŋ mme idiɔk ido mmɔ; ndien ami nyetie ke enyɔŋ ŋkop, nnyuŋ ndahado ke mme idiɔk ido mmɔ, nnyuŋ nnam ufen okure ke isɔŋ mmɔ.

ŊWED JOB 22:29

Ke ini emende owo eduɔk ke isɔŋ, afo eyedɔhɔ, ete, Emenere enim ke enyɔŋ: ndien eyenyaŋa owo eke ɔfuhɔde.

ŊWED JOB 5:11

Onyuŋ emen mmɔ eke esuhɔrede onim ke enyɔŋ; mmɔ eke etuaŋade enyuŋ emenere idem mmɔ esim ifure.

ŊWED MME PSALM 113:7

Enye osio mme ubuene ke ntan emen, onyuŋ ada eyen unana ke ifum onim ke enyɔŋ;

ŊWED MME PSALM 147:6

Jehovah emenere mbon nsukesit onim ke enyɔŋ: emen mme idiɔk owo ɔduɔk ke isɔŋ.

ŊWED MME PSALM 27:6

Ndien ke emi ke ibuot mi edikoŋ akan mme asua mi emi ekande mi ekuk: ndien nyewa uwa idara ke tent esie: nyekwɔ nnyuŋ ntoro Jehovah.

ŊWED MME PSALM 28:9

Nyaŋa ikɔt fo, nyuŋ diɔŋ mbon udeme fo: bɔk mmɔ ŋko, nyuŋ menere mmɔ ke enyɔŋ ke nsinsi.

ŊWED MME PSALM 30:1

NYEKPONO fi, O Jehovah; koro afo emenerede mi onim ke enyɔŋ; ndien muyakke mme asua mi edat esit ebaŋa mi.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

MME ŊKE 29:23

Iseri owo eyesuhɔre enye: edi nsukesit eyeda ukpono.

EZEKIEL 21:26

ntem ke Ɔbɔŋ Jehovah ɔdɔhɔ, ete, Emesio mitre efep, enyuŋ eyarare anyanya; emi idige emi: se isuhɔrede eyekoŋ; se ikoŋde eyenyuŋ ɔsuhɔre.

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

1 SAMUEL 2:7

Jehovah anam owo ebuene, onyuŋ anam enyene ŋkpɔ: enye ɔduɔk ke isɔŋ, onyuŋ emen onim ke enyɔŋ.

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.