JAMES 4:1 - Edisana ñwed Abasi Ibom

¹ EKƆŊ ye eŋwan eto mmɔŋ edu ke otu mbufo? Nte mmɔ itoho ke ŋkpɔ emi, kpa ke mme mbre mbufo, emi eŋwanade ekɔŋ ke ndido mbufo?

JAMES 4:1 ပူးပေါင်းရင်းမြစ်များ

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

MATTHEW 15:19

Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

ŊWED MBON ROME 7:23

edi ŋkut ibet efen ke mbak idem mi, nte aŋwanade ye ibet eke esit mi amade, onyuŋ adade mi nte ibuotekɔŋ esin ke idak ibet idiɔk-ŋkpɔ emi odude ke mbak idem mi.

ŊWED MBON ROME 7:5

Koro ke adaŋemi nnyin ikodude ke obukidem, mme idiɔk udɔŋ idiɔk-ŋkpɔ, emi etode ke ibet edu, eŋwana utom ke mbak idem nnyin, man isioŋo mfri mkpa.

ŊWED MBON ROME 8:7

koro erikere ŋkpɔ obukidem edi eriŋwana ye Abasi; koro utɔ esit oro misukke ibuot inɔ ibet Abasi, minyuŋ ikemeke ndisuk ibuot.

ŊWED MBON GALATIA 5:17

Koro obukidem ada udɔŋ esie aŋwana ye Spirit, Spirit onyuŋ ada udɔŋ Esie aŋwana ye obukidem; mmɔ mbiba ebiɔŋɔ kiet eken; man mbufo ekunam se mbufo eyomde ndinam.

ŊWED MBON COLOSSAE 3:5

Mmɔdo ewot mbak idem mbufo emi edude ke isɔŋ. Ekpɔŋ use, ye ndek-ndek ido, ye idiɔk udɔŋ, ye idiɔk itɔŋ, ye erisin esit ke ŋkpɔ owo, emi edide ukpono-ndem;

2 ŊWED TIMOTHY 2:23

Edi sin ndiduk ke ndisime eneni ɔkɔi sia ɔfiɔkde ete mmɔ ededemere utɔk.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

TITUS 3:9

Edi fep idem ke ndisime eneni, ye mbuk emana, ye utɔk, ye eŋwan eke eŋwanade ebaŋa ibet; koro mmɔ idaha udori isɔk owo, edi ewɔrɔ ikpikpu.

JAMES 1:14

Edi idomo iduɔ osim kpukpru owo ke adaŋemi idiɔk udɔŋ atapde enye odudi.

JAMES 4:3

Mbufo ebeŋe, edi inɔŋɔ mbufo, koro mbufo ebeŋede ke idiɔk usuŋ, man eda edep ŋkpɔ-mbre.

1 PETER 1:14

Nte nditɔ nsuk-ibuot, ekukama aba idem ekekem ye mme idiɔk udɔŋ eke mbufo ekenyenede, ke adaŋemi enanade ifiɔk;

1 PETER 2:11

Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

2 PETER 3:3

Ke akpa itie, efiɔk emi ete, ke ukperedem ini mbon nsahi eyeda nsahi edi; mmɔ eyesaŋa ke mme idiɔk itɔŋ mmɔ, enyuŋ edɔhɔ ete,