JAMES 3:5 - Edisana ñwed Abasi Ibom

⁵ Kpa ntre ke edeme edi ekpri ndido, edi enye obure ata akamba mbure. Se nte ata ekpri ikaŋ obuberede ata akwa akai.

JAMES 3:5 ပူးပေါင်းရင်းမြစ်များ

ŊWED JOB 22:17

Emi edɔhɔde Abasi, ete, Nyɔŋ kpɔŋ nnyin: ndien Abasi Ibom anam mmimɔ nso ŋkpɔ?

ŊWED MME PSALM 10:3

Koro idiɔk owo oburede ke udɔŋ ukpɔŋ esie; onyuŋ otoro uŋwo,

ŊWED MME PSALM 17:10

Ikpɔŋ mmɔ ɔfuhɔ mmɔ: mmɔ edɔhɔ iseri-iseri ke inua mmɔ.

ŊWED MME PSALM 39:1

ŊKƆDƆHƆ nte, Nyekpeme usuŋ mi, man ŋkudue ke edeme mi: nyeda mkpaha ŋkpeme inua mi, ke ini anam-idiɔk osuk odude mi ke iso.

EXODUS 15:9

Usua ɔdɔhɔ ete, Nyebine; nyesim; nyedeme mbume: mmɔ eyeyuhɔ itɔŋ mi; nyesio ofut mi; ubɔk mi eyesobo mmɔ.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

MME ŊKE 12:18

Enyene mmɔ eke ekeŋde inua nte ofut okimde: edi edeme mbon eti ibuot ɔkɔk unan.

MME ŊKE 15:2

Edeme enyene-ibuot owo anam ifiɔk ɔfɔn: edi inua mbon ndisime aŋwaŋa ebiɔ.

MME ŊKE 18:21

Mkpa ye uwem edu edeme ke ubɔk: ndien mmɔ eke emade enye eyedia mfri esie.

MME ŊKE 26:20

Ifia ama okure ikaŋ onime: kpa ntre mbia okure, eŋwan odop.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

EZEKIEL 28:2

Ntem ke Ɔbɔŋ Jehovah ɔdɔhɔ ete, Koro esit fo okoŋde, afo onyuŋ ɔdɔhɔ, ete, Ami ndi abasi kiet; ntie ke itie Abasi ke ufɔt inyaŋ; ndien afo edi owo, udige Abasi; onyuŋ onim esit fo nte esit Abasi:

EZEKIEL 29:3

Dɔhɔ, ete, Ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye afo Pharaoh edidem Egypt, akamba fiom emi anade ke ufɔt mme akpa mmɔŋ esie, emi ɔdɔhɔde, ete, Akpa mi edi okimmɔ, ami ŋkonyuŋ nnam enye nnɔ idem mi.

DANIEL 3:15

Edi edieke mbufo enyimede ndien ndiduɔŋɔ ke isɔŋ nnyuŋ ntuak ibuot nnɔ owo o-gold emi ŋkowukde, ke adaŋemi mbufo edikopde uyo obukpoŋ, ye ifiom, ye harp, ye sacbut, ye psaltery, ye dulcimer, ye kpukpru oruk ndido, ɔfɔn: edi mbufo mituakke ibuot, ke ndo-ndo emi eyemen mbufo eduɔk ke akwa ikaŋ eke asakde; ndien ewe abasi odu eke edikemede ndinyaŋa mbufo nsio mi ke ubɔk?

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

JAMES 3:4

Ese mme ubom ŋko, okposuk edi nte mmɔ ekponde ntem, ɔkpɔsɔŋ ofim onyuŋ anamde mmɔ esaŋa, eda ata ekpri ubɔi ewɔŋɔre mmɔ eka ke ŋkaŋ ekededi eke etie-ubɔi eberide ubɔi ɔnɔ.

2 PETER 2:18

Koro mmɔ etiŋ ikpikpu ikɔ ŋkpon-inua, enyuŋ eda obukpo ido esaŋa ke idiɔk itɔŋ obukidem, etap mmɔ emi ke ebɔbɔhɔ mbon nduyo.

JUDE 1:16

Mmɔ emi edi mbon nsuk-uyo; mmɔ esuk Abasi uyo ebaŋa itie emi Enye okonimde mmɔ; mmɔ esaŋa nte idiɔk itɔŋ mmɔ adade mmɔ aka, inua mmɔ onyuŋ etiŋ ikɔ iseri-iseri, mmɔ enyuŋ ekpek mme owo, eyom mfɔn enɔ idem.