JAMES 3:17 - Edisana ñwed Abasi Ibom

¹⁷ Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

JAMES 3:17 ပူးပေါင်းရင်းမြစ်များ

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 3:9

onyuŋ abat. Nɔ owo fo ndien esit ɔniɔŋ, man ŋkpe ikpe ikɔt fo, man ntim mfiɔk eti ye idiɔk: koro anie ekeme ndikpe akwa ikɔt fo emi?

1 CHRONICLES 22:12

Yak Jehovah akam ɔnɔ fi ikike ye asian, onyuŋ eteme fi abaŋa Israel, man afo onim mbet Jehovah Abasi fo.

1 CHRONICLES 22:9

Sese, eyen eyemana ɔnɔ fi eke edidide owo nduɔk-odudu; nyenyuŋ nnam enye ɔbɔhɔ kpukpru mme asua esie eke ekande enye ekuk, ɔduɔk odudu: koro enyiŋ esie eyekere Solomon, ndien nyenɔ Israel ifure ke eyo esie.

ŊWED JOB 28:12

Edi ama edi eti ibuot, ekut enye ke ebiet ewe? Ebiet asian onyuŋ odu mmɔŋ?

ŊWED JOB 28:23

Abasi omotim okut usuŋ esie, omonyuŋ ɔfiɔk ebiet esie.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

EXODUS 36:2

Edikem Moses okot Bazalel ye Oholiab, ye kpukpru mbon eti ibuot, eke Jehovah ekesinde mmɔ eti ibuot ke idem, kpukpru owo eke esit mmɔ edemerede mmɔ ndisaŋa ŋkpere utom, nnyuŋ nsin ubɔk ke esit.

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

ISAIAH 2:4

Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

ISAIAH 32:6

Koro oburobut owo edidɔhɔde oburobut ŋkpɔ, esit esie edinyuŋ anam ŋkwaŋa, anam ata idiɔk ido, onyuŋ ɔdɔhɔ se minenke adian Jehovah, ayak owo biɔŋ etie biɔŋ, onyuŋ ayak mbon nsat-itɔŋ enana se eŋwɔŋde.

ISAIAH 40:11

Enye eyebɔk ikɔt esiemɔ nte ɔbɔk ufene: eyetaŋ nditɔ erɔŋ ke ubɔk esie, akama ke ikpanesit esie, onyuŋ ada mme ɔnɔ-mmɔŋeba usuŋ.

DANIEL 1:17

Ndien ama edi nditɔwɔŋ mbinaŋ emi, Abasi ɔnɔ mmɔ ifiɔk ye eti ibuot ke kpukpru oruk ŋwed ye ɔniɔŋ; Daniel onyuŋ edi asian ke kpukpru oruk ŋkukut ye ndap.

MALACHI 2:9

Ndien ami ŋko mmonyuŋ nnim mbufo ke se kpukpru owo esede ke ndek ye ke mbukpo, kpa nte mbufo minimke ido mi, edi eteŋe owo enyin ke ewuhɔ.

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

MATTHEW 23:28

Kpa ntre ke mbufo ewut idem edem-edem nte ndinen owo, edi ke esit-esit mbufo eyɔhɔ ye mbubik ye ukwaŋido.

MATTHEW 5:8

Ɔfɔfɔn ɔnɔ mmɔ eke esit mmo asanade: koro mmɔ eyekut Abasi.

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

LUKE 6:36

Etua owo mbɔm ndien kpa nte Ete mbufo atuade owo mbɔm, Ekunyuŋ esioŋo owo ndo,

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

JOHN 1:47

Jesus okut Nathanael nte asaŋade edi, onyuŋ abaŋa enye ete, Sese, ata eyen Israel, emi ŋkari miduhe enye ke esit.

UTOM MME APOSTLE 11:24

koro enye edide eti owo, Edisana Spirit ye mbuɔtidem enyuŋ eyɔhɔ enye ke idem: ndien ediwak owo ediana ye Ɔbɔŋ.

UTOM MME APOSTLE 9:36

Edi mbet aŋwan kiet odu ke Joppa, ekere Tabitha, emi ekotde enye ete, Dorcas: ŋwan emi ɔyɔhɔ ye nti utom ye ntarubɔk eke enye anamde.

ŊWED MBON ROME 12:18

Edieke usuŋ odude, eŋwana, nte mbufo ekemeke, ndidu ke emem ye kpukpru owo.

ŊWED MBON ROME 12:9

Eyak ima okusaŋa ke mbubik. Esua se idiɔkde; eyire se ifɔnde.

ŊWED MBON ROME 15:14

Edi ami ke idem mi mmotim mbure mbufo mfiɔk, nditɔ-ete mi, nte mbufo emenyene mfɔn-ido ɔyɔhɔ-ɔyɔhɔ, emenyuŋ eyɔhɔ ye kpukpru ifiɔk, enyuŋ ekeme ndinɔ kiet eken item.

1 ŊWED CORINTH 12:8

Enɔ owo kiet ikɔ ɔniɔŋ, oto ke Spirit;

2 ŊWED CORINTH 10:1

EDI ami Paul ke idem mi nda ifure-ifure ido ye mmem-ido Christ nnɔ mbufo uyo-ami emi ndide owo nsuk-idem ke iso mbufo, ke ini ndude ye mbufo, edi nsɔŋde inua ye mbufo, ke ini mmenduhe ye mbufo:

2 ŊWED CORINTH 6:6

ke edisana ido, ke ifiɔk, ke anyan ime, ke mfɔn-ido, ke spirit eke asanade, ke ata ima, ke ikɔ akpanikɔ, ke odudu Abasi;

2 ŊWED CORINTH 7:11

edi mfuhɔ ido ererimbot ɔsuŋɔ ke mkpa. Mbufo ese kpa idem erifuhɔ emi mbufo efuhɔde, eke ekemde ye ido Abasi; nte enye anamde mbufo etiŋ enyin ekere ŋkpɔ, nte enye esinde mbufo ekaŋ idem, enyuŋ eyat esit; enyuŋ ekop ndik, enyuŋ enyene udɔŋ, enyuŋ ekop ufup, enyuŋ esio usiene. Ke kpukpru usuŋ mbufo emowut idem nte owo emi esanade ke ŋkpɔ emi.

2 ŊWED CORINTH 9:10

Edi Enye emi ɔnɔde ɔtɔ-iŋwaŋ mkpasip nditɔ, onyuŋ ɔnɔde udia ete adia, eyenɔ mbufo mkpasip nditɔ, eyenyuŋ anamɔtɔt, onyuŋ anam mfri edinen ido mbufo awak akan.

ŊWED MBON EPHESUS 5:9

esaŋa nte nditɔ uŋwana (koro mfri eke otode uŋwana esine ke kpukpru nti ido ye edinen ido ye akpanikɔ);

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

1 ŊWED THESSALONICA 2:7

Edi nnyin iketie suŋ-suŋ ke otu mbufo, nte emi eka ɔbɔkde nditɔ esie mmɔ.

1ŊWED TIMOTHY 5:21

Mmowuk fi ke iso Abasi, ye Christ Jesus, ye ndimek angel, nte afo ekpeme ndinam uyo emi; okubem iso obiom owo ke unana ntak, okunyuŋ anam baba ŋkpɔ kiet ke uma.

2 ŊWED TIMOTHY 2:24

Ndien owo Ɔbɔŋ inyeneke ndidi owo utɔk; enye enyene ndinyene suŋ-suŋ ido ye kpukpru owo; enye enyene ndifiɔk nditeme owo, nnyuŋ mme ime ke ini enamde enye idiɔk:

TITUS 1:15

Kpukpru ŋkpɔ edi edisana ye mmɔ eke esanade; edi ye mmɔ eke ekesabarede idem minyuŋ inimke ke akpanikɔ, baba ŋkpɔ kiet idige edisana; edi ekikere mmɔ ye esit mmɔ edehe.

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

MME HEBREW 12:11

Idahemi kaŋa kpukpru ntunɔ itiehe inem-inem, edi ababiak; edi ke ukperedem, enye oŋwum mfri emem ɔnɔ mmɔ emi ekebede ke nsiŋere esie, kpa mfri edisana ido.

MME HEBREW 12:14

Etiŋ enyin esaŋa ke emem ye kpukpru owo; enyuŋ esaŋa ke edisana ido; koro esiode oro efep, baba owo kiet idikwe Ɔbɔŋ.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.

JAMES 2:4

nte mbufo inyenede esit iba, inyuŋ idaha ukwaŋ ekikere ibiere ŋkpɔ inɔ owo?

JAMES 3:15

Emi idige eti ibuot eke otode ke enyɔŋ, edi oto isɔŋ, oto obukidem, oto mme demon.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 2:1

MMƆDO eduɔŋɔ kpukpru udu, ye kpukpru ŋkari, ye mbubik, ye ufup, ye kpukpru idiɔk ibaŋa;

1 PETER 2:18

Nditɔ-ufɔk, esuk idem enɔ mme ete ufɔk mbufo ke ata ndik; idige enɔ mmɔ emi efɔnde ido enyuŋ etiede suŋ-suŋ ikpɔŋ, edi enɔ mmɔ emi ekwaŋade ido ŋko.

1 JOHN 3:18

Ŋkpri nditɔ mi, eyak nnyin ikuma ke ikɔ-inua ye ke edeme, edi eyak nnyin ima ke erinanam ye ke akpanikɔ.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.