JAMES 3:14 - Edisana ñwed Abasi Ibom

¹⁴ Edi edieke mbufo enyenede ndot-ndot ufup ye ndomo-idem ke esit mbufo, ekuda oro ebure mbure esu nsu edian akpanikɔ.

JAMES 3:14 ပူးပေါင်းရင်းမြစ်များ

GENESIS 37:11

inɔ fi? Ndien nditɔ-ete esie efibe enye ufip; edi ete esie etiŋ enyin ke ikɔ oro.

GENESIS 38:9

Ndien Onan ɔfiɔk ete ke eyen oro ikpedige esiemɔ; ekem, ke ini enye etienede ŋwan eyen-eka esie, enye ɔduɔk ke isɔŋ, mbak edinɔ

2 NDIDEM 10:16

Enye onyuŋ ɔdɔhɔ ete, Saŋa ye ami, nyuŋ se ufup mi emi mfibede nnɔ Jehovah. Ntre ke enye anam enye odoro ke chariot esie.

2 NDIDEM 10:31

Edi Jehu itimke ndisaŋa ke mbet Jehovah Abasi Israel ke ofuri esit esie: enye ikabakede ikpɔŋ idiɔk ido Jeroboam, emi akanamde Israel edue.

ŊWED JOB 5:2

Ŋkɔm iyaresit owowot ndisime owo, ufup onyuŋ anam ɔkɔi akpa.

MME ŊKE 14:30

Suŋ suŋ esit edi uwem obuk-idem, edi ufup edi nyap ɔkɔp.

MME ŊKE 27:4

Iyaresit edi mfiomo: ifiopesit onyuŋ edi ibumere; edi anie ekeme ndida ke iso ufup?

ISAIAH 11:13

Ndien ufup Ephraim eyetre, eyenyuŋ esibe mme asua Judah efep; Ephraim idifibeke Judah ufup, Judah idinyuŋ ituhɔke Ephraim.

HABAKKUK 1:3

Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

MATTHEW 27:18

Koro enye ɔfiɔk ete, ke mmɔ ekayak Enye esin imɔ ke ubɔk ke ntak ufup.

JOHN 16:2

Mmɔ eyebin mbufo esio ke mme synagogue; ini ke onyuŋ edi eke owo ekededi eke ediwotde mbufo eyese ete imɔ inam ŋkpɔ inɔ Abasi.

UTOM MME APOSTLE 13:45

Edi ke ini mme Jew ekutde otu owo, ufup ɔyɔhɔ mmɔ ke esit, mmɔ enyuŋ eneni mme ŋkpɔ eke Paul etiŋde, enyuŋ esuŋi.

UTOM MME APOSTLE 26:9

Ke akpanikɔ ami ŋkekere ke idem mi nte ŋkpanam ediwak ŋkpɔ ŋwana ye enyiŋ Jesus eyen Nazareth.

UTOM MME APOSTLE 5:17

Edi akwa oku adaha ke enyɔŋ, ye kpukpru mmɔ emi edude ye enye (mmɔ edi ŋka Saducee), ufup onyuŋ ɔyɔhɔ mmɔ esit;

UTOM MME APOSTLE 7:9

Ndien ikpɔ mme ete nnyin efibe Joseph ufup, enyam enye enɔ edika Egypt:

ŊWED MBON ROME 1:29

mmɔ eyɔhɔ ye kpukpru ukwaŋido ye oburobut ido ye idiɔk mbumek ye udu; eyɔhɔ ye ufup, ye obom, ye utɔk, ye ŋkari, ye idiɔk esit;

ŊWED MBON ROME 13:13

Yak nnyin isaŋa ukpono-ukpono, nte owo asaŋade ke uwemeyo; ikusaŋa ke otime-otime ido ye mbuŋwɔŋi, ikusaŋa ke use ye mbubiam ido, ikusaŋa ke utɔk ye ufup.

ŊWED MBON ROME 2:17

Edi edieke afo ekerede enyiŋ Jew, onyuŋ eberide edem ke ibet,

ŊWED MBON ROME 2:8

edi iyaresit ye ifuresit eyetiene mmɔ emi edide mbon ndomo-idem, minyuŋ isukke ibuot inɔ akpanikɔ, edi esukde idem enɔ ukwaŋido.

1 ŊWED CORINTH 13:4

Ima enyenyene anyan ime, onyuŋ ɔfɔn ido; ima ifibeke ufup;

1 ŊWED CORINTH 3:3

Ŋkɔm tutu osim emi mbufo ikemeke kaŋa ndibɔ udia, koro mbufo esuk edide nbon obukidem; koro adaŋa ini nte ufup ye utɔk edude ke otu mbufo, nte mbufo idige mbon obukidem, inyuŋ isaŋake nte mme owo esaŋade?

1 ŊWED CORINTH 5:2

Ndien mbufo ekohore idem; mbufo ekpekam efuhɔ, ete esio owo emi akanamde ido emi ke otu mbufo efep.

1 ŊWED CORINTH 5:6

Mbure eke mbufo eburede ifɔnke. Nte mbufo ifiɔkke ite ekpri ubak leaven anam ofuri ebok uyo ofut?

2 ŊWED CORINTH 12:20

Koro mfefehe ndik nte, ke adaŋemi ndidide, ndusuk nyekut nte mbufo idige se nyomde mbufo edi, mbufo eyenyuŋ ekut ete ami ndige se mbufo emade; mbak ndusuk nyekut utɔk, ye ufup, ye ifuresit, ye mdomo-idem, ye idiɔk ibaŋa, ye erikama owo, ye ŋkohore-idem, ye ndutime ke otu mbufo;

ŊWED MBON GALATIA 5:15

Edi edieke mbufo edomde enyuŋ etade kiet eken, ekpeme mbak mbufo edisobo ke ubɔk kiet eken.

ŊWED MBON GALATIA 5:20

ye obukpo ido, ye erikpono-ndem, ye eribre-idiɔŋ, ye usua, ye utɔk, ye ufup, ye iyaresit, ye ndomo-idem,

ŊWED MBON GALATIA 5:21

ye ubahare, ye erisiak isio ŋka, ye udu, ye eriyuhɔ mmin, ye otime-otime ido ye mme ido eke etiede ntre; mmɔdɔhɔ mbufo, kpa nte mma ŋkebebem iso ndɔhɔ, nte, mmɔ emi enamde oruk ido eke etiede ntem ididaha Obio Ubɔŋ Abasi inyene.

ŊWED MBON GALATIA 5:26

Nnyin ikutaŋ idem, ikuyat kiet eken esit, ikunyuŋ ifibe ufup ye kiet eken.

ŊWED MBON GALATIA 6:13

Koro kpa mmɔ emi enade mbobi inimke ibet: edi mmɔ eyom mbufo ena mbobi man mmɔ ebure mbure ebaŋa obukidem mbufo.

ŊWED MBON PHILIPPI 1:15

Ke akpanikɔ ndusuk mmɔ ekwɔrɔ Christ ke esit ufup ye utɔk, ndusuk ŋko ekwɔrɔ ke eti esit:

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

1ŊWED TIMOTHY 2:4

emi oyomde kpukpru owo enyene erinyaŋa, enyuŋ esim ifiɔk akpanikɔ.

1ŊWED TIMOTHY 6:4

Enye edi owo ŋkohore-idem; enye ifiɔkke ŋkpɔ, edi esit esie ɔdɔŋɔ eneni ye eŋwan ikɔ; edi ŋkpɔ emi ada ufup edi, ye eŋwan,

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

JAMES 3:16

Koro ɔtɔ nte idiɔk ufup ye ndomo-idem odude, do ke ndutime ye kpukpru idiɔk ido edu.

JAMES 5:19

Nditɔ-ete mi, edieke owo mbufo ekededi oyode ɔkpɔŋ akpanikɔ, ndien owo efen akabarede enye; efiɔk ete,