JAMES 2:6 - Edisana ñwed Abasi Ibom

⁶ Edi mbufo ema esuene eyen-ubuene. Nte idige mme enyene-inyene etuk mbufo? Nte mmɔ ke idem mmɔ idudike mbufo ika ke itie-ubiere-ikpe?

JAMES 2:6 ပူးပေါင်းရင်းမြစ်များ

ŊWED JOB 20:19

Koro enye okotukde onyuŋ ɔkpɔŋde mme ubuene; ada ŋkanubɔk ɔbɔ ufɔk eke midige enye ɔkɔbɔp:

ŊWED MME PSALM 10:10

Ndien enye anuaha ɔduɔ; mkpɔsɔŋ ikɔt esie esin mbon ukut eduɔŋɔ.

ŊWED MME PSALM 10:14

Afo omokut; koro afo etiŋde enyin ese ibak ye iyaresit man ada mmɔ esin ke ubɔk fo: eyen ukut ayak idem ɔnɔ fi; afo edi iberedem eyen-akpa.

ŊWED MME PSALM 10:2

Oto ke iseri mme idiɔk owo mme ubuene ekut ndutuhɔ: emum mmɔ ke mme uduak emi mmɔ (mme idiɔk owo) eduakde.

ŊWED MME PSALM 10:8

Enye etie ke ebiet udibe mme obio iŋwaŋ; ke ndibe ke enye owot owo eke miduehe; enyin esie odibe ebet mbon-ukut.

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 14:6

Mbufo eyesin uduak eyen ukut ke ndek, koro Jehovah edide ebiet ubɔhɔ esie.

MME ŊKE 14:31

Owo eke efikde eyen ubuene esue Andibot enye: edi atua ubuene mbɔm okpono Enye.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

MME ŊKE 18:23

Eyen ubuene ɔdɔhɔ, “Mbɔk, mbɔk;” ndien enyene-ŋkpɔ ɔbɔrɔ uyat-uyat.

MME ŊKE 22:16

Etuk ubuene, aka ndifori enye: enɔ ɔbɔŋ ŋkpɔ, aka ke unana ikpɔŋ-ikpɔŋ.

MME ŊKE 22:7

Enyene-ŋkpɔ akara mme anana-ŋkpɔ: owo eke ɔbuɔtde onyuŋ edi ofin owo eke ɔnɔde.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ISAIAH 53:3

Owo ese enye ke ndek, enyuŋ esin enye; enye edi owo ukut, onyuŋ emehe ke mfuhɔ; onyuŋ etie nte owo eke odipde nnyin iso; esin enye ke ndek, nnyin inyuŋ ibatke enye ke owo.

AMOS 4:1

MBUFO ekop uyo mi, O enaŋ Bashan emi edude ke akwa obot Samaria, emi etukde mbon unana, enyuŋ enuakde mme ubuene, emi edɔhɔde ɔbɔŋ mmɔ, ete, Da di, man nnyin iŋwɔŋ.

AMOS 5:11

Mmɔdo, koro mbufo edigide mbon unana, enyuŋ ebɔde mmɔ utomo ibokpot: mbufo ebɔp ufɔk ke ndisɔi itiat, edi ididuŋke ke esit; enyuŋ etɔ edifɔn iŋwaŋ-vine, edi idiŋwɔŋke wine mmɔ.

HABAKKUK 3:14

Afo ada eduat mbɔŋ obio iŋwaŋ mmɔ okim enye ke ibuot: mmɔ ebumere nte oyobio, ete isuan mi; etie nte erita mme ubuene ke ndibe adatde mmɔ esit.

ZECHARIAH 7:10

Mbufo ekunyuŋ etuk mme ebe-akpa, ye eyen-akpa, ye esen owo, ye eyen ubuene; mbufo ekunyuŋ eduak idiɔk kiet ye kiet ke esit mbufo.

JOHN 8:49

Jesus ɔbɔrɔ mmɔ ete, Idat inamke Mi; edi ŋkpono Ete Mi, mbufo enyuŋ esuene Mi.

UTOM MME APOSTLE 13:50

Edi mme Jew ekpak ikpɔ iban eke ebakde Abasi, ye mbɔŋ obio, enyuŋ esin mmɔ oro ekɔbɔ Paul ye Barnabas, enyuŋ ebin mmɔ esio ke mme adaŋa mmɔ.

UTOM MME APOSTLE 17:6

Edi ke adaŋemi mmɔ mikwe mmɔ oro, mmɔ eduri Jason ye ndusuk nditɔ-ete edi ke iso mbɔŋ obio, efiori ete, Mme anditimere ererimbot emi edi mi ŋko-o;

UTOM MME APOSTLE 18:12

Edi ke ini Gallio edide andikara Achaia, mme Jew edaha ke enyɔŋ ye esit kiet enam ikɔ ye Paul, enyuŋ eda enye eka ke itie-ikpe, edɔhɔ ete,

UTOM MME APOSTLE 8:3

Edi Saul osobo ufɔk Abasi, asaŋa ke ufɔk ke ufɔk, oduri iren ye iban ɔwɔrɔ ekesin mmɔ ke ufɔk-ŋkpɔkɔbi.

1 ŊWED CORINTH 11:22

Mme nte mbufo inyeneke ufɔk eke etiede ke esit edia enyuŋ eŋwɔŋ ŋkpɔ? mme nte mbufo esin ufɔk Abasi ke ndek, enyuŋ esuene mmɔ emi edide ubuene? nso ke ŋkpetetiŋ ye mbufo? Nte nditoro mbufo ke ŋkpɔ emi? Ntoroke mbufo.

JAMES 2:3

ndien mbufo esede esine ediye ɔfɔŋidem, edɔhɔ enye ete, Tetie mi ke eti itie; enyuŋ edɔhɔ eyen ubuene ete, Da do, midige, Suhɔre mi ke isɔŋ ke mben udorukot mi:

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.