JAMES 2:25 - Edisana ñwed Abasi Ibom

²⁵ Kpa ntre ŋko, nte ikabatke ite, ikpe etebe Rahab, akpara aŋwan oro, oto ke erinam ŋkpɔ, ke ini enye adade mme isuŋutom esin ke ufɔk, onyuŋ anamde mmɔ esaŋa ke usuŋ eŋwen enyɔŋɔ?

JAMES 2:25 ပူးပေါင်းရင်းမြစ်များ

MATTHEW 1:5

Nahshon obon Salmon. Salmon obon Boaz emi Rahab amande;

MATTHEW 21:31

Anie ke otu mmɔ mbiba anam se ete esie oyomde? Mmɔ ete, Udɔ. Jesus ɔdɔhɔ mmɔ ete, Ke akpanikɔ ke ndɔhɔ mbufo nte, mme publican ye mme akpara ebem mbufo iso eduk ke Obio Ubɔŋ Abasi.

UTOM MME APOSTLE 17:7

Jason amada mmɔ esin ke ufɔk; mmɔ kpukpru ebiat mme ewuhɔ Caesar, ete, Edidem eŋwen odu, emi ekerede Jesus.

MME HEBREW 11:31

Oto mbuɔtidem Rahab, ŋwan akpara oro, etre nditiene mmɔ oro edide mbon ntut-utɔŋ mbuana ke nsobo, sia enye akadade mbon-uyep esin ke ufɔk ke emem.

JAMES 2:18

Owo ekeme ndidɔhɔ ete, Afo emenyene mbuɔtidem, ami mmonyuŋ nnyene erinam ŋkpɔ: wut mi mbuɔtidem eke misaŋake ye erinam ŋkpɔ, ndien ami nyeda erinam ŋkpɔ ŋwut fi mbuɔtidem mi.

JAMES 2:22

Omokut ete, erinim ke akpanikɔ akasaŋa ye se enye anamde, ndien oto ke se enye anamde ekenyene mbuɔtidem eke ɔfɔnde ama,

JAMES 2:24

Mbufo emekut ete, ikpe etebe owo oto ke erinam ŋkpɔ, itoho ke erinim ke akpanikɔ ikpɔŋ.

JOSHUA 2:1

NDIEN Joshua eyen Nun etie ke Shittim ɔdɔŋ owo iba uyep ndibe-ndibe, ete, Mbufo eka ekese isɔŋ oro ye Jericho. Ndien mmɔ eka ekeduk ke ufɔk akpara kiet ekere Rahab, ekedaŋ do.

JOSHUA 2:15

Ndien enye ada uruk, etie ke window ɔsuhɔre mmɔ: koro ufɔk esie odude ke ibibene obio, enye onyuŋ oduŋ ke ibibene.

JOSHUA 2:16

Ndien enye ɔdɔhɔ mmɔ, ete, Mbufo eka ikpɔ obot, mbak mme andibine edisim mbufo; ndien mbufo edibe do ke usen ita, tutu mme andibine efiak edem: ndien mbufo enyɔŋ eke mbufo.

JOSHUA 2:4

Edi ŋwan oro ada owo iba oro odip, ndien enye ɔdɔhɔ, ete, Edi ntre, mmɔ oro ekedi ke ebiet mi, edi ŋkɔfiɔkke ebiet eke mmɔ etode:

JOSHUA 2:6

Ndien enye ama ada mmɔ ɔdɔk ke ɔkɔm, ama onyuŋ ada nnyanyaŋa flax emi enye okotimde obon ke enyɔŋ ɔkɔm, odip mmɔ.

JOSHUA 6:17

Ndien yak enim obio ye kpukpru se idude ke esit ke ŋkpɔ nsobo enɔ Jehovah: edi Rahab akpara edidu uwem, ye kpukpru mmɔ eke edude ye enye ke ufɔk esie: koro enye okodipde mme isuŋ utom oro nnyin ikedɔŋde utom.