JAMES 2:19 - Edisana ñwed Abasi Ibom

¹⁹ Afo omonim ke akpanikɔ ete, Abasi kiet ke odudu? Ɔfɔn: mme demon ŋko enim ke akpanikɔ enyuŋ enyek.

JAMES 2:19 ပူးပေါင်းရင်းမြစ်များ

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:6

man mmɔ efiɔk ke edem usiaha-utin, ye ke edem usop-utin, ete ke baba kiet iduhe ke mibɔhɔke ami, ami ndi Jehovah, ndien baba efen iduhe.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

JONAH 4:4

Ndien Jehovah ɔdɔhɔ ete, Nte ɔfɔn fi ndiyat esit?

JONAH 4:9

Ndien Abasi ɔdɔhɔ Jonah, ete, Nte ɔfɔn fi ndiyat esit mbaŋa eto emi? Ndien enye ɔbɔrɔ ete, Ɔfɔn mi ndiyat esit tutu osim idem mkpa.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

MATTHEW 8:29

Ndien sese, mmɔ efiori ete, Nnyin isaŋa nso ye Afo, Afo Eyen Abasi? Nte emedi ndituhɔre nnyin ke ini mikemke kaŋa ini?

MARK 1:24

enye onyuŋ ofiori ete, Isaŋa nso ye Afo, Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

MARK 12:29

Jesus ɔbɔrɔ ete, Ebe-iso edi, Ekop O Israel, Jehovah Abasi nnyin, edi Jehovah kiet.

MARK 5:7

onyuŋ ofiori ke okpɔsɔŋ uyo ete, Nsaŋa nso ye Afo, Jesus, Eyen Abasi Ibom? Mmɔsɔŋɔ ŋwuk Fi ke enyiŋ Abasi, nte, Kutuhɔre mi.

MARK 7:9

Enye onyuŋ ɔdɔhɔ mmɔ ete, mbufo etim esin ibet Abasi, man mbufo enim item mbufo.

LUKE 4:34

Jesus eyen Nazareth? Nte emedi ndisobo nnyin? mmɔdiɔŋɔ owo eke Afo edide, Edisana Eyen Abasi.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

UTOM MME APOSTLE 16:17

Enye etiene Paul ye nnyin ke edem, ofiori ete, Mmɔ emi edi ikɔt Abasi Andikoŋ-ŋkan, emi ekwɔrɔde usuŋ erinyaŋa enɔ mbufo.

UTOM MME APOSTLE 19:15

Edi idiɔk spirit ɔbɔrɔ mmɔ ete, mmɔfiɔk Jesus, mmonyuŋ mbure Paul; edi mbufo edi mme anie?

UTOM MME APOSTLE 24:25

Edi ke adaŋemi Paul ebuende ikɔ abaŋa edinen ido, ye mfara idem, ye ikpe eke edidide, Felix edikhe, onyuŋ ɔdɔhɔ Paul ete, Ka okuo kaŋa; mma nnyene ifet, nyetɔŋɔ ntak ŋkot fi edi.

ŊWED MBON ROME 3:30

emi edidade mbuɔtidem anam ikpe etebe mmɔ emi enade mbobi, edinyuŋ adade kpa mbuɔtidem oro anam ikpe etebe mmɔ emi minaŋa mbobi.

1 ŊWED CORINTH 8:4

Kabaŋa eridia ŋkpɔ eke ekawade enɔ ndem ndien; nnyin imɔfiɔk ite, idem baba kiet iduhe ke ererimbot, Abasi baba inyuŋ iduhe, ibɔhɔke kiet.

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

ŊWED MBON GALATIA 3:20

Edi esine-ufɔt oro isaŋake ŋkpɔ ye Eyen kiet oro; edi Abasi edi kiet.

DEUTERONOMY 6:4

O Israel, kop: Jehovah Abasi nnyin edi Jehovah kiet:

1ŊWED TIMOTHY 2:5

Koro Abasi kiet odu, Ekpe-emem kiet ke ufɔt Abasi ye owo onyuŋ odu, emi ke Idem Esie edide owo, kpa Christ Jesus;

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

ERIYARARE 20:10

Ndien emen Satan emi akabiaŋade mmɔ eduɔk ke akwa ŋkpɔdiɔhɔ ikaŋ ye brimstone, ke ebiet eke unam ye prophet nsu edude; eyenyuŋ etuhɔre mmɔ ke uwemeyo ke ke okoneyo ke nsinsi-nsinsi.