JAMES 2:12 - Edisana ñwed Abasi Ibom

¹² Etiŋ ŋkpɔ enyuŋ enam ŋkpɔ, nte mmɔ emi Abasi edidade ibet eke anamde owo ɔwɔrɔ ufin ekpe ikpe mmɔ.

JAMES 2:12 ပူးပေါင်းရင်းမြစ်များ

LUKE 4:18

Spirit Jehovah odoro Mi ke idem, Koro Enye emeyet Mi aran onim, ete, ŋkwɔrɔ eti mbuk nnɔ nditɔ-ubuene: Enye ɔmɔdɔŋ Mi, ete, ŋkwɔrɔ uwɔrɔ-ufin nnɔ mbuotekɔŋ, Nnyuŋ ŋkwɔrɔ erikut usuŋ nnɔ mme nnan, Nnyuŋ nsana mmɔ emi efikde nyak,

JOHN 8:32

ndien mbufo eyefiɔk akpanikɔ, akpanikɔ eyenyuŋ anam mbufo ewɔrɔ ufin.

ŊWED MBON GALATIA 6:2

Ebiom mbiomo kiet eken; ntem ke mbufo edinim ibet Christ.

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

ŊWED MBON COLOSSAE 3:17

Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

JAMES 1:25

Edi owo eke owukde enyin ese ata edifɔn ibet Abasi emi anamde owo ɔwɔrɔ ufin, onyuŋ ɔsɔŋɔde ada ke esit, idige andikokop emi efrede, edi edi andinanam; owo emi eyekut eridiɔŋ ke erinam esie.

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;