JAMES 1:9 - Edisana ñwed Abasi Ibom

⁹ Yak eyen-ete eke odude ke usuhɔre-itie obure mbure ke akamba itie esie; yak owo inyene onyuŋ obure ke itie erisuhɔre esie;

JAMES 1:9 ပူးပေါင်းရင်းမြစ်များ

ŊWED MME PSALM 62:9

Mbon ubuene edi kpasuk ikpikpu: mbon inyene edi nsu: esine ke balance, eyedɔk: mmɔ edi ata ikpikpu ŋkpɔ.

MME ŊKE 17:5

Owo eke asakde ubuene esue Andibot enye: owo eke adarade ke nnama idibɔhɔke ufen.

MME ŊKE 19:1

UBUENE eke asaŋade ke mfɔn-mma esie, ɔfɔn akan owo ŋkwaŋa inua eke edide ndisime.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

LUKE 10:20

Edi ekudat esit koro mme spirit esukde ibuot enɔ mbufo; edi edat esit koro ema ewet enyiŋ mbufo ke heaven.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

2 ŊWED CORINTH 6:10

edi idu ke idaresit kpukpru ini; ete, enye edi idem-idem owo, edi ke inanam ediwak owo ekabare mbon inyene; ete, enye inyeneke baba ŋkpɔ kiet, edi imenyene kpukpru ŋkpɔ.

DEUTERONOMY 15:11

Koro mme ubuene midikureke ke isɔŋ: mmɔdo ami ntemede fi, nte, Tatat ubɔk fo nɔ eyen-usɔ, ye ubuene fo, ye owo unana fo ke isɔŋ fo.

DEUTERONOMY 15:7

Ke ini ubuene eke edide eyen usɔ kiet, edidude ke otu fo, ke obio fo kiet, ke isɔŋ fo emi Jehovah Abasi fo ɔnɔde fi, kusɔŋ esit fo, kunyuŋ ufat ubɔk fo ye eyen-usɔ eke edide ubuene:

DEUTERONOMY 15:9

Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

ŊWED MBON PHILIPPI 3:14

Mmesin ifik ŋka iso mbine utit mbuba, man ŋkɔbɔ utip akwa ikot eke Abasi okokotde mi ke Christ Jesus.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.

1 SAMUEL 2:8

Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.