JAMES 1:8 - Edisana ñwed Abasi Ibom

⁸ enye edi owo esit iba, eke minyeneke nsɔŋɔ-nda ke kpukpru usuŋ esie.

JAMES 1:8 ပူးပေါင်းရင်းမြစ်များ

1 NDIDEM 18:21

Ekem Elijah oto edi editiene mbon oro, ndien ɔdɔhɔ, ete, Adaŋa didie ke mbufo esɔk ukot ke edem mbiba? Edieke Jehovah edide Abasi, mbufo etiene enye: edi ama edi Baal, etiene enye. Edi mbon oro ibɔrɔke enye baba ikɔ kiet.

2 NDIDEM 17:33

Mmɔ ebak Jehovah, enyuŋ enam ŋkpɔ mme abasi idem mmɔ, ekem ke ido mme idut oro eketaŋde mmɔ ke esit edi.

2 NDIDEM 17:41

Ntre ke mme idut emi ekebak Jehovah, enyuŋ enam ŋkpɔ enɔ edisɔi mbiet mmɔ, kpa nditɔ mmɔ, ye nditɔ nditɔ mmɔ: kpa nte mme ete mmɔ ekenamde, kpa ntre ke mmɔ enam tutu osim mfin emi.

ŊWED MME PSALM 119:113

Nsasua mbon esit iba: edi mmama ido fo.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

HOSEA 10:2

Ebahare esit mmɔ; mmɔ eyesio isop idahemi: enye eyewuri itie-uwa mmɔ, eyebiat mbiet-ŋkpɔ mmɔ.

MATTHEW 6:22

Utuenikaŋ ikpɔhidem edi enyin: ntre edieke enyin fo eneŋerede ese, ofuri ikpɔhidem fo eyeyama.

MATTHEW 6:24

Baba owo kiet ikemeke ndisaŋa utom mme ete iba: koro enye eyesua kiet, ama eken; midige ntre, enye eyesɔŋɔ ada ye kiet, esin enye eken ke ndek. Mbufo ikemeke ndisaŋa utom Abasi ye eke mammon.

JAMES 1:7

Owo oro okuse ete, imɔ iyebɔ baba ŋkpɔ kiet ke ubɔk Ɔbɔŋ;

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.

2 PETER 2:14

Enyin mmɔ eyɔhɔ ye efibe, mmɔ inyuŋ itreke ndinam idiɔk; mmɔ etap owo emi enanade iwuk; esit mmɔ emehe ye mbumek; mmɔ edi nditɔ isuŋi.

2 PETER 3:16

onyuŋ ewetde ke kpukpru ŋwed esie, etiŋ abaŋa mme ŋkpɔ emi. Ndusuk ŋkpɔ edu ke mme ŋwed oro eke ɔsɔŋde owo nditim mfiɔk, ndien mbon ndisime ye mbon unana iwuk eyurɔre mme ikɔ oro enim eda esobo idem mmɔ, kpa nte mmɔ enamde ye ikɔ Abasi eŋwen.