JAMES 1:25 - Edisana ñwed Abasi Ibom

²⁵ Edi owo eke owukde enyin ese ata edifɔn ibet Abasi emi anamde owo ɔwɔrɔ ufin, onyuŋ ɔsɔŋɔde ada ke esit, idige andikokop emi efrede, edi edi andinanam; owo emi eyekut eridiɔŋ ke erinam esie.

JAMES 1:25 ပူးပေါင်းရင်းမြစ်များ

ŊWED MME PSALM 106:3

Ɔfɔfɔn ɔnɔ mmɔ eke ekpemede se inende; (ɔfɔfɔn ɔnɔ) owo eke anamde eti ido kpukpru ini.

ŊWED MME PSALM 119:32

Nyefehe ke usuŋ mbet fo, koro afo eyeŋwaŋa mi esit.

ŊWED MME PSALM 119:45

Ndien nyesaŋa ke ŋŋwaŋa ebiet: koro nyomde item fo.

MME ŊKE 14:15

Ɔkɔi ese kpukpru ikɔ ke akpanikɔ: edi ɔniɔŋ otim ese ikpat isaŋ esiemɔ.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

JOHN 8:36

Edieke Eyen edinamde mbufo ndien ewɔrɔ ufin, mbufo eyewɔrɔ ufin ke akpanikɔ.

UTOM MME APOSTLE 13:43

Edi ke ini synagogue asuanade, ediwak mme Jew ye nti Gentile emi etuakde ibuot enɔ Abasi ke ido mme Jew etiene Paul ye Barnabas: mmɔ oro enyuŋ etiŋ enɔ mmɔ, enyuŋ ekpe mmɔ ete mmɔ esuk etie ke mfɔn Abasi.

UTOM MME APOSTLE 2:42

Mmɔ oro enyuŋ edɔdiɔŋ esin ifik ke erikpep ye nsaŋa mme apostle, ye ke eribuŋ uyo ye ke akam.

UTOM MME APOSTLE 26:22

Edi sia nnyenede erinyaŋa ke ubɔk Abasi, ndu uwem tutu osim mfin, ntiŋ ikɔ nte ntiense nnɔ ŋkpri ye ikpɔ owo, ntiŋke baba ŋkpɔ kiet, ibɔhɔke se mme prophet ye Moses ekɔdɔhɔde ete eyetibe:

ŊWED MBON ROME 11:22

Ese mfɔn-ido ye nsɔŋ-ido Abasi ndien; nsɔŋ-ido ye mmɔ emi eduɔde; edi mfɔn-ido Abasi ye afo, edieke afo ɔsɔŋɔde omum mfɔn-ido Esie akama: midige ntre, eyekpi fi ŋko eduɔk.

ŊWED MBON ROME 2:13

koro idige mme okop-ibet edi ndinen owo ke iso Abasi, edi ikpe eyetebe mme enim-ibet.

ŊWED MBON ROME 7:12

Ntem ke ibet asana, item onyuŋ asana, onyuŋ enen, onyuŋ ɔfɔn.

ŊWED MBON ROME 8:15

Koro mbufo mikɔbɔhɔ spirit ufin eke esinde mbufo etɔŋɔ ntak enyene ndik; edi mbufo ekɔbɔ spirit eke enyenede mmɔ emi edade esin ke ubon Abasi, emi anamde nnyin ikot Abasi, ite, Abba, Ete.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

2 ŊWED CORINTH 13:5

Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo.

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

ŊWED MBON GALATIA 5:1

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.

ŊWED MBON GALATIA 6:2

Ebiom mbiomo kiet eken; ntem ke mbufo edinim ibet Christ.

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

1ŊWED TIMOTHY 2:15

edi eyenyaŋa enye ke ntak uman eke ŋwan akamande, edieke mmɔ etiede ke mbuɔtidem ye ima ye edisana ido ɔkɔrɔ ye eti ibuot.

1ŊWED TIMOTHY 4:16

Tim kpeme idem fo, ye se afo ekpepde owo. Yire ke erinam utom emi; koro ke erinam utom afo eyenyaŋa idem fo ye mmɔ emi ekopde uyo fo.

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

JAMES 2:12

Etiŋ ŋkpɔ enyuŋ enam ŋkpɔ, nte mmɔ emi Abasi edidade ibet eke anamde owo ɔwɔrɔ ufin ekpe ikpe mmɔ.

1 PETER 2:16

Edu uwem nte mmɔ emi enyenede unen ke idem mmɔ, edi ekusaŋa ke unen oro efuk udu, edi esaŋa nte ifin Abasi.

1 JOHN 2:24

Ama edi mbufo, eyak se mbufo ekokopde toto ke eritɔŋɔ osuk odu mbufo ke esit. Edieke se mbufo ekekopde toto ke eritɔŋɔ osuk odude mbufo ke esit, mbufo ŋko eyesuk eduŋ ke Eyen ye ke Ete.

ERIYARARE 14:13

Ekem ŋkop uyo emi otode ke heaven ɔdɔhɔ ete, Wet ete, Ɔfɔfɔn ɔnɔ mme akpa-mkpa emi ekpade ke Ɔbɔŋ, ɔtɔŋɔde ke ini emi: Spirit ete, Edi ntre; man mmɔ eduɔk odudu ke ɔkpɔsɔŋ utom mmɔ; koro se mmɔ ekenamde etiene mmɔ ke edem.

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.

1 SAMUEL 12:14

Edieke mbufo edibakde Jehovah, enyuŋ enam ŋkpɔ esie, enyuŋ ekop uyo esie, inyuŋ itutke utɔŋ ke uyo Jehovah, ndien mbufo ye edidem mbufo ŋko emi adade ubɔŋ mbufo, eyesuk etiene Jehovah Abasi mbufo: