JAMES 1:22 - Edisana ñwed Abasi Ibom

²² Yak mbufo edi mme anam-ikɔ, ekudi mme andikokop ikpɔŋ-ikpɔŋ, ebiaŋa idem.

JAMES 1:22 ပူးပေါင်းရင်းမြစ်များ

ISAIAH 44:20

Enye adia ntɔŋ: esit abiaŋa anam enye awaha, ndien enye ikemeke ndinyaŋa ukpɔŋ esiemɔ, idinyuŋ idɔhɔke, ite, Nte nsu iduhe mi ke ubɔk nnasia?

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

OBADIAH 1:3

Iseri esit fo ememenere fi ke enyɔŋ; afo oduŋ ke ndudu ikpɔ itiat: ebiet iduŋ esie omokoŋ; enye ɔdɔhɔ ke esit esie, ete, Anie edisuhɔre mi onim ke isɔŋ?

MATTHEW 12:50

Koro owo ekededi eke anamde se Ete Mi emi odude ke heaven amade, enye edi eyen-eka Mi eren ye eyen-eka Mi aŋwan, ye eka Mi.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

JOHN 13:17

Edieke mbufo efiɔkde mme ŋkpɔ emi, ɔfɔfɔn ɔnɔ mbufo ke mbufo enamde mmɔ.

ŊWED MBON ROME 2:13

koro idige mme okop-ibet edi ndinen owo ke iso Abasi, edi ikpe eyetebe mme enim-ibet.

1 ŊWED CORINTH 15:33

Ekubiaŋa idem mbufo ke ŋkpɔ emi. Idiɔk nsaŋa ababiat eti ido.

1 ŊWED CORINTH 3:18

Owo okubiaŋa idem. Edieke owo mbufo ekededi esede idem ke enyene-ibuot owo ke eyo emi, yak enye akabare edi ndisime, man enye ɔfiɔk ŋkpɔ.

1 ŊWED CORINTH 6:9

mbufo enyuŋ enam ntem ye nditɔ-ete mbufo. Mme nte mbufo ifiɔkke ite, mme anam-ukwaŋido ididaha Obio Ubɔŋ Abasi inyene? Ekubiaŋa idem mbufo. Mbon-use, ye mme okpono-ndem, ye mme esin-efibe,

ŊWED MBON GALATIA 6:3

Koro edieke owo abatde idem ke ŋkpɔ ke ini enye midige ŋkpɔ, enye ababiaŋa idem.

ŊWED MBON GALATIA 6:7

Ekuyak ebiaŋa mbufo; owo ikemeke ndibiaŋa Abasi: se ededi owo ɔtɔde, oro ke enye edinyuŋ ɔdɔk.

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

ŊWED MBON COLOSSAE 3:17

Sededi mbufo enyuŋ enamde ke ikɔ ye utom enam kpukpru ke enyiŋ Ɔbɔŋ Jesus, enɔ Ete ekɔm oto ke Enye.

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

JAMES 4:11

Nditɔ-ete, ekubaŋa kiet eken idiɔk ibaŋa. Owo emi abaŋade eyen-ete esie, onyuŋ ekpede eyen-ete esie abaŋa ibet, onyuŋ ekpe ibet: edi edieke afo ekpede ibet, afo udige aba anam-ibet, edi eyedi ekpe-ibet.

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.

2 PETER 2:13

Mmɔ ebat ete edi ŋkpɔ inemesit ndidu otime uwem ke uwemeyo; mmɔ edi ɔkɔp ye ndo, emi enamde ido otime-otime ke usɔrɔ ima mmɔ, ke ini mmɔ ediade udia ye mbufo.

1 JOHN 1:8

Edieke nnyin idɔhɔde ite, nnyin inyeneke idiɔk-ŋkpɔ, nnyin ibabiaŋa idem, akpanikɔ inyuŋ iduhe nnyin ke esit.

1 JOHN 2:3

Nnyin inyuŋ ida emi ifiɔk ite, imɔfiɔk Enye, emi nnyin inimde mbet Esie.

1 JOHN 3:7

Ŋkpri nditɔ mi, ekuyak baba owo kiet ada mbufo awaha ɔŋkpɔŋ usuŋ: owo eke anamde edinen ido edi edinen, kpa nte Enye edide edinen;

3 JOHN 1:11

Edima, kukpebe se idiɔkde, edi kpebe se ifɔnde. Owo eke anamde se ifɔnde edi owo Abasi; owo eke anamde se idiɔkde ikekwe Abasi.

ERIYARARE 12:9

Ndien esio akwa dragon eduɔk ke isɔŋ, kpa akani urukikɔt oro ekotde enye ete, andidori ikɔt Abasi ikɔ ye Satan, andibiaŋa ofuri ererimbot; esio enye eduɔk ke isɔŋ, enyuŋ esioŋo mme angel esie eduɔŋɔ ye enye.

ERIYARARE 22:7

Sese, mmɔŋ ndedi idaha emi. Ɔfɔfɔn ɔnɔ owo eke onimde ikɔ prophecy ŋwed emi.